回顧系列

係十二月頭既時間,已經準備好寫06回顧系列,

睇番晒兩個blog , 本來想抽番出黎再寫，但係好似好浪費時間

總括既講，一個平平穩穩既一年，同目標依然有很遠的距離，

但起碼在正確的方向走

新年快樂！！！

嘔

上班的第一天，身體已覺得不大妥當，頭重腳輕，見不太嚴重，堅持回到公司

早餐過後，情況加劇，開始出現肚苦痛，開始呵，開始捱不住．．

突然間，一聲傳出：ANDY...開會啦．．～～！！！

開會．．！！！我想暈啦，仲開會！

The show must go on...so....

一個多小時後，大約１：００左右，會議完了，人群散了，

一道悶氣衝上心頭，我想　”嘔　”，連想的時間都沒有，我衝上了洗手間．．


十五分鐘後


我回到自己的桌子，隨了回要香口膠減少口臭外，我腦中只有一個諗法．．
個會真係悶到嘔，浪費時間


我連飯都食吾落，一個人坐在寫字樓，任何東西都不願做


午餐時間過後，人齊了，我做我人生一間大事
”吾好意思，我吾舒服，我想早走”


本想回到沙田看醫生，但頂吾住了，金鐘都不怕，貴就貴啦
埋單　：＄３５０！！！！！！！
三日藥！！！！！
我平時頂儘＄２００！！！
緊急關頭，無法啦！
想死！


人，真係要小心飲食，否則後果自負

地震初體驗

日期：２００６年１２月２６日
時間：８：３０－８：４５pm
地點：屋企　
人物：　我，　家父，　家母

假期最後的一晚，我當然如常係屋企打機，心血來潮，竟然打賽車game.

賽車game,當然會撞車，撞車，手製自然會震．

我心諗：“新機果然係新機，手製震得特別勁，個身都feel 到震，利害”

三分鐘後

“再震，吾撞車都震，真利害，連張椅斬郁．．．勁！”

家母“阿仔，你feel 吾feel 到震呀！！

我答：係呀，打機　ma..

家母: 吾係bor, 個櫃郁bor….

假期完了

過埋今日，２００６年既聖誕假期就完啦

因為轉左工既關係，無晒多餘既年假，吾可以放一個長假期

我好鍾意將ANNUAL LEAVE儲埋一齊放，人人返工你放假
就算無得去外國旅行，留係香港，留係屋企，我都覺得好舒服

多數假期前最後一日我都特別遲去睡．
吾係因為有波睇，只係因為醒覺之後便要回到現實

要等，下一個星期天，下一個假期．還有很遠很遠

聖誕快樂

舊同事聚會

節日假期，除左休息冷靜一下自己之外，
就係朋友相見既好機會

今日出席既係舊同事聚會
我離開佢地已經陪半年，時間過得真係好快
我偶然間都會諗起以往既日子

傾談之間一點生疏都沒有
我似放緊大假多過離左職
好似我遲D會番去一樣，不過，現實，我一定吾會

無論點都好，新年派利是時，再見啦！

假期雜談

放假啦．．終於放假啦

十二月既地獄行程都七七八八，終於可以回氣停一停，諗一諗

昨日行dvd鋪，發現出左，　放逐特別版, 臥虎, 情意拳拳，妄想，軟硬演唱會dvd
真係銷費佳節，　我應該買番一，兩套

其實我吾係甘鍾意聖誕節，都吾係今年既事
世上有好多孤獨既人，當日都會好失落
我成日覺得聖誕節只會令寂寞既人更加苦痛
更加無奈

仲有大家無忘記晒聖誕節既意義．．為左玩??消費?為什麼？


最後希望今日可以平平安安，吾駛返深圳

冬至的計算方法

冬至的計算方法============冬至是農曆的二十四節氣之一。這一天北半球黑夜最長，白晝最短。在中國傳統的陰陽五行理論中，冬至是陰消陽長轉化的關鍵節氣。在十二辟卦為地雷復卦，稱爲冬至一陽生。易復卦象曰：「雷在地中，復。先王以至日閉關，商旅不行，後不省方。」12月21日至12月22日交節，太陽位於黃經270度，直射南回歸線。 《後漢書》「禮儀志」中記載：「冬至前後，加子安身靜體，百官絕事，不聽政，擇吉辰而後省事。」由此可知從漢代起冬至是國定假日。所以，從以上的說明，12月21日至12月22日交節，太陽位於黃經270度，這亦是地球運行的相對位置，這日子是年年相約的，所以每年農曆冬至都是新曆 12月21日或22日
參考資料:
http://zh.wikipedia.org/w/index.php?title=%E5%86%AC%E8%87%B3&variant=zh-tw

榮 幸

在 鄭 中 基 初 執 導 演 筒 的 賀 歲 片 中 ， 我 齋 當 演 員 ， 幕 前 演 出 ， 我 算 是 業 餘 ， 未 受 過 正 統 專 業 訓 練 ， 演 出 全 靠 直 覺 與 觀 察 。 在 戲 中 跟 梁 家 輝 與 毛 舜 筠 這 兩 位 資 深 專 業 兼 出 名 好 戲 的 演 員 有 幾 場 對 手 戲 ， 是 向 他 們 學 習 的 好 機 會 。 電 影 未 開 拍 前 ， 對 稿 圍 讀 當 日 ， 在 升 降 機 中 碰 到 毛 姐 ， 抓 緊 機 會 開 門 見 山 請 應 如 何 掌 握 戲 中 角 色 ， 「 我 覺 得 劇 本 中 對 你 飾 演 的 角 色 已 有 足 夠 描 寫 ， 你 只 需 放 開 懷 抱 ， 舒 舒 服 服 ， 自 自 然 然 去 演 ， 毋 須 太 做 戲 咁 做 ， 記 緊 要 多 展 露 笑 容 ， 用 越 多 的 笑 容 去 面 對 噩 運 便 越 見 得 慘 ， 觀 眾 便 越 覺 好 笑 。 」 十 五 層 樓 的 升 降 機 旅 程 令 我 獲 益 何 其 多 。 毛 姐 是 一 位 很 剔 透 的 演 員 ， 讀 劇 本 後 做 足 功 課 ， 何 時 、 為 甚 麼 、 應 該 做 些 甚 麼 ， 全 部 了 然 於 胸 ， 對 節 奏 掌 握 尤 其 井 井 有 條 ， 不 動 如 山 ， 一 動 也 如 山 。 家 輝 哥 在 現 場 好 得 沒 話 說 ， 長 期 保 持 高 能 量 ， 除 了 在 鏡 頭 前 發 光 發 熱 外 ， 在 鏡 頭 外 同 樣 頑 皮 反 斗 ， 只 要 有 家 輝 哥 在 ， 全 組 人 擔 保 有 笑 聲 ， 士 氣 高 昂 ， 他 對 劇 組 各 同 事 又 關 心 備 至 ， 國 際 級 影 帝 完 全 不 耍 架 子 ， 事 事 落 手 落 腳 ， 主 動 幫 忙 ， 家 輝 哥 是 一 個 很 熱 的 人 。 能 夠 跟 高 手 同 場 演 出 ， 確 是 人 生 一 大 快 事 ， 毛 姐 與 家 輝 哥 準 確 穩 陣 ， 撞 牆 推 進 ， 一 傳 一 射 ， 節 奏 明 快 ， 清 風 送 爽 ， 有 機 會 跟 他 們 合 作 ， 是 我 的 榮 幸 。
谷德昭foodkok@hotmail.com

氣勢

有信念，加埋道氣，任何事都可以做到
再困難既事，死衝難衝都可以完成　

因為好想儲齊１－１１代，錢吾係問題，買吾買到先係問題
不斷搵人幫手，再加上小小努力，同大量既幸運
終於完成心願

吾知係吾係自己放鬆左既關係，道氣真係散左
可能上天既安排，今次真係買吾到
鞋見吾到，鞋盒個影都見吾到，真係估吾到

既然如此，我諗真係應該完結這收藏系列

吾緊要，我仲keep張wallpaper 同 Tee
我會記得你




　　　

型!

DVD 19/12/06 Releases

可吾可以單買個年曆先??

禮物的意義

聖誕節除左諗節目之外，仲要諗禮物

多數人都好怕買禮物，覺得好煩
俾錢取代禮物，認為更加實際，用家更加開心

基本上我同意以上既諗法

不過我有時就諗，禮物應該係一種驚喜
一切知道晒，變得平淡，毫無樂趣，收禮者都無甘興奮

係預備禮物的過程中，同時考驗你自己
你對佢有幾熟?你知佢有無個樣野?合吾合適？
好多野要做，不要我吾介意去做

人大左，　買野自己都應付到
價錢，無所謂啦，平同貴都吾係問題
心思才可貴，　記緊說聲：多謝　
　

下 月 2 日 復 售 居 屋

下 月 2 日 復 售 居 屋


【 本 報 訊 】 房 屋 委 員 會 恢 復 出 售 首 批 3,056 個 居 屋 貨 尾 單 位 ， 下 月 2 日 至 15 日 接 受 公 屋 居 民 及 合 資 格 人 士 申 請 。 復 售 單 位 包 括 牛 池 灣 嘉 峰 臺 、 沙 田 愉 翠 苑 及 天 水 圍 天 富 苑 ， 實 用 面 積 由 39.2 至 61.6 平 方 米 ， 售 價 介 乎 563,900 元 至 1,896,700 元 不 等 。 房 委 會 發 言 人 表 示 ， 所 有 單 位 出 售 前 會 進 行 修 葺 ， 確 保 質 素 。 有 興 趣 申 請 者 可 於 申 請 期 內 到 房 委 會 位 於 樂 富 的 客 務 中 心 、 各 屋 辦 事 處 、 深 水 房 屋 事 務 詢 問 處 及 各 區 民 政 事 務 處 ， 索 取 銷 售 資 料 及 申 請 表 。

http://www.housingauthority.gov.hk/b5/residential/shos/surplushosflats/0,,1-0-0-0,00.html

毒品

幾個月一次的毒品
話左吾買, 但係總係15/16
仲要星期一我可以係銅鑼灣出現

1800抽吾到, 即係無額外錢去玩啦
仲買吾買好呢 ???

洗阿公~~!!!

自助餐~~~阿公出 ~!
Disney Land ~~阿公出~!
黃金海岸~~~阿公出~~!!
1 G ram (文書用)~~~阿公出~~!!

買啦, 公司有~~!!!


大家都習慣洗阿公, 玩左先講, 吾知係我杞人憂天定係吾習慣,
會吾會有日爆煲?

堅持

警方抬走天星地盤示威者拘1人[13/12 星期三 18:49]

警方下午兩度採取清場行動，抬走佔據天星碼頭地盤的示威者，警方說，整個行動歷時近兩小時，帶走十一男兩女，其中一名４１歲女子被捕，帶返海傍警署作進一步調查，在地盤外簷篷頂的四名示威者，亦在傍晚返回地面。被驅離場的示威者批評警方，在立法會未完成休會辯論前就清場，多名立法會議員一度到場聲援，這批示威者昨日下午闖入天星碼頭地盤，反對清拆，要求保留鐘樓，並與房屋及規劃地政局長孫明揚對話。

ONLINE GAME ............

我D電腦知識其實一般, 所以未有玩過ONLINE GAME.
買過一隻, 連INSTALL 都攪吾到, 無奈放棄

係新遊戲機完善既網上系統下, 終於嘗試網上對戰既滋味
雖然玩既都係熟悉既朋友,
但一邊打機一邊傾計確實相當有趣
就好似坐埋一齊玩一樣
係未有私家地方前, ONLINE 決戰係一個吾錯既選擇

完成左Gear of War, 可以慢慢歎下隻Winning Eleven X

不過D功課要加油~加油~~

快快手做晒佢先放假打餐飽!!!!

天氣轉涼 周日跌至13℃

明報專訊】

經過連日來的和暖天氣，本周後期將明顯轉涼，天文台(相關新聞 - 網站)指，一股東北季候風於周四抵達本港，帶來清涼天氣，預料周日氣溫將低至13度，屬入冬以來最清涼的一天，市民本周外出應準備足夠 廣 告衣物，迎接即將來臨的冬日聖誕。天文台預測，今明兩日氣溫將徘徊18度至23度，部分時間有陽光。但到周四開始，一股東北季候風將進入華南沿岸，為華南帶來非常清涼的天氣，預計周四至周六期間，將會多雲及有幾陣雨。本港氣溫由周四開始逐漸下降，由17至20度，逐步下降至周六的14至17度，周日的氣溫更低至13至17度。上月天氣異常溫暖，平均氣溫達23.3度，是天文台有紀錄以來最暖的11月。昨日天氣已明顯轉涼，平均氣溫約18.4度，最低16度，市面上已有不少市民穿起外套和圍頸巾保暖。

影評兩則

墨攻

六．七年前我係銅鑼灣買左該套漫畫
今日再係銅鑼灣睇電影版

要拍這種大製作已經相當困難
效果都算吾錯

雖然個主題小小老土，但係都算容易入口
所以值得推薦入場

不過點解十一月就上呢?
如果同黃金甲交換檔期，票房會好好多

父子　（有內容）
我睇既係上映版，吾係導演版
散場時好多人都覺好悶
話吾知講乜

套戲吾似一般港產片
節奏比較緩慢，章節不太明確
有D法國影片既感覺

我自己都吾太明套戲既主題
不過再睇英文影片名”After This Our Exile”
應該會明白多D

再睇番導演版內容
http://www.warnermusic.com.tw/community/forum/viewtopic.php?t=233296
故事當然完整好多
如果有心睇，最好睇導演版本

Coming Soon

人的質素

以下係本公司發生的一件小事:

同事A: 你可否協助我做以下的........
同事B:(突然大怒) 我好多野做既, 呢D甘既野我係吾會做既...我係做.....
我好忙既.......(想拍檯既樣)
全場即時靜晒, 五秒後, 一切回復正常

午膳時....
原本一大班人一齊食飯的, 同事B話約左人...去左
我們立即開會討論.
雖然同事A, B 屬於不同部門,但A的職位較高, B 要幫手部份提供資料
仍屬正常..

結果...B自己憤怒左兩日, 一面高傲的樣子

再問另一些同事, 無必要下起火已經係佢既生活習慣,
個File 花晒, 好多人都怕左佢

番工JA..可必亂發脾氣..


聽說她正左在攻讀MBA, 但一個自己情緒都控制不好的人
還是讀回小學, 學回一些做人的基本方法比較適合

門徒

同意, 認同

感動中

我舊公司部腦應該有張全圖

家中一角

幾點走好?

六點十五分
我已經過時工作三十分鐘..
應該走得啦

阿姐...你吾好怪我啦...我住得遠呀......

十二月份活動明細報表

(I) 學 業 類 :

1. 功課一份 ~~~~~~ 22/12/06

2. 選科表 ~~~~~~ 22/12/06

(II) 投 資 類 :

1.新 股 認 購 ~~~~~~~ 06/12/06

2.收 割 時 間 表~~~~~~ 31/12/06

(III) 遊玩類

1.X BOX 360 Winning Eleven 10 ~~~~~ 14/12/06

2. X box live 一年會籍~~~~~~~~~~~~~ 14/12/06

(IV) 衣服類

1. 東 涌 outlet ~~~~~~~~~~~~~~~~~~~ ?? /12/06

(V) 收 藏 類

1. Jordan V Retro Red White ~~~~~~~ 18/12/06

(VI) 電影類

1.父子 (Director Cut) ~~~~~~~~~~~~ 09/12/06

2.傷城 ~~~~~~~~~~~~~~~~~~~~~~ 23-30/12/06

(VII) 禮物類 + 聚會類

1. 禮物數份 ~~~~~~~~~~~~~~~~ 24,25,26,29,30/12/06

2. 公司午膳 ~~~~~~~~~~~~~~~~ 14/12/06

(VIII) 可考慮

1.回家休息 ~~~~~~~~~~~~~~~~ 31/12/06

認 真 ． 看 待

未 看 電 影 《 父 子 》 ， 先 認 識 一 下 導 演 譚 家 明 。 譚 家 明 是 七 、 八 十 年 代 香 港 新 浪 潮 電 影 主 將 導 演 之 一 ， 作 品 包 括 《 名 劍 》 、 《 愛 殺 》 、 《 烈 火 青 春 》 等 ， 個 人 印 象 最 深 刻 的 是 《 最 後 勝 利 》 ， 選 角 大 膽 ， 徐 克 飾 演 黑 社 會 大 佬 ， 曾 志 偉 與 李 麗 珍 有 一 段 淒 美 的 情 ， 可 能 正 正 由 於 不 英 俊 的 男 主 角 跟 靚 過 鬼 火 的 女 主 角 也 能 擦 出 浪 漫 愛 情 ， 故 此 令 我 更 加 投 入 。 還 有 ， 總 覺 得 後 來 出 現 的 《 Pulp Fiction 》 很 有 《 最 》 片 的 影 子 。 譚 家 明 導 演 於 九 十 年 代 暫 時 擱 下 導 演 筒 ， 專 心 從 事 電 影 育 工 作 ， 直 至 年 前 向 學 院 請 假 ， 再 度 執 導 電 影 《 父 子 》 。 看 了 有 線 電 視 為 譚 導 演 做 的 專 訪 ， 只 見 譚 導 演 一 頭 華 髮 ， 黑 西 服 領 呔 白 恤 衫 ， 談 吐 溫 文 有 信 心 ， 很 有 魅 力 。 專 訪 中 問 及 為 何 香 港 電 影 會 由 黃 金 期 持 續 走 下 坡 至 今 天 ， 譚 導 演 答 道 ， 其 實 港 產 片 一 直 都 有 很 強 的 創 作 力 及 很 Energetic ， 但 其 中 某 一 些 影 片 確 實 未 達 到 應 有 水 平 ， 最 重 要 的 是 某 些 電 影 人 看 待 電 影 的 態 度 未 夠 認 真 。 輕 輕 的 一 句 話 但 擲 地 有 聲 ， 做 甚 麼 事 也 好 ， 要 成 功 或 想 達 到 一 個 起 碼 的 水 平 ， 一 定 要 付 出 認 真 的 態 度 去 看 待 ， 要 愛 惜 、 重 視 、 尊 重 一 件 事 ， 這 件 事 才 有 機 會 開 花 ， 結 出 纍 纍 果 實 。 怎 樣 才 可 培 養 出 足 夠 「 認 真 」 的 態 度 ？ 甚 麼 才 是 最 適 當 的 方 法 「 看 待 」 一 件 事 ？ 字 面 簡 單 但 暗 藏 深 意 ， 需 要 好 好 學 習 。
谷德昭foodkok@hotmail.com

博升職？提早返工吧！

博升職？提早返工吧！


言歸正傳，思哲近日閱過一篇關於超時工作的報道，指日本30餘歲男性上班族加班問題嚴重，超過25%人每周工作逾60小時，過勞死情況更是普遍。香港情況如何？根據港大早前一項調查顯示，本港也有61%上班族每周要超時工作。


每個打工仔加班的理由都不同，有的真是為了爭取時間完成手頭工作，但不少卻是一心有理無理「磨爛蓆」。綜合各方意見，最常聽見的加班理由不外乎：
1. 我工作量太多，一定要加班完成，沒辦法；
2. 我並非太多工作，但就是不好意思早過其他同事下班，很尷尬；
3. 我不想早過上司（或老闆）下班，免給他以為我工作不夠勤奮，留下壞印象影響升職；

思哲不認為只有一味加班，才可以解決以上問題。不如嘗試提早上班吧，不只是提早15分鐘或30分鐘，而是較你的上司還要早！

心深傷透

心深傷透
歌手：陳奕迅
作曲：Davy Chan填詞：Hardpack/Davy Chan/C Y Kong/Eason Chan 編曲：Hardpack

你與我這晚分手　沒有你令我心深傷透

通宵加班飲醉酒　爛賬照舊要簽收有無顧吓我感受悶透　像戲班木偶　找不到援手

勁泄氣　我勁愛你情共愛只供給你一剎那驚喜　愛太鋒利喊住要嫁　似未進化潛意識巴不得要給她摑一巴　頭顱爆炸


拜金世界　實在變態城市失控　老作亂咁嗌如有天找到　烏托邦　多High(Baby)

有錢老細　放任亂買狂買衫褲鑽戒貴波鞋如有天找到　我只好講聲Byeo拿　今天我大晒

我有勇氣去承受　內疚錯敗與擔憂這個世界太荒謬就算　運氣遭毒咒　請緊握扶手

勁泄氣　我勁愛你潛意識巴不得要給她摑一巴　頭顱爆炸

拜金世界　實在變態城市失控　老作亂咁嗌如有天找到　烏托邦　多High(Baby)

有錢老細　食住個勢狂買衫褲鑽戒　無乜計成日玩玩玩　無得瞓　'Til I Die柴娃娃無咁Dry

喂　我勁泄氣　我勁愛你情共愛只供給你一個驚喜　愛太乏味喊住要嫁　似未進化潛意識巴不得要給她摑一巴　頭顱爆炸

拜金世界　實在變態城市失控　老作亂咁嗌如有天找到　烏托邦　多High(Baby)

無得放假　叫做變態城市失控　老作搵交嗌如有天找到　烏托邦　多High(Baby)

捷克　秘魯　亞爾及利亞狂買機票放肆嘆翻吓如有天找到　烏托邦　多High(Baby)o拿　今天我大　今天我大o拿　今天我大　o拿　今天我大晒

我病了

我病了 - 3P(少爺占)
我病了 實在太好不過了 我病了 世界給我超過十秒 我病了 你會發現我都幾鬼Cute 我病了 成個人輕飄飄 吃藥了
沒有人時候我偷偷笑 醫生護仕不在我怪叫 有一天的假期 一天的隔離 我只想 跟你遠飛
我病了 你會發現我都幾鬼Cute 我病了 成個人輕飄飄 吃藥了
沒有人時候我偷偷笑 醫生護仕不在我怪叫 不可多得的假期 彩色的假期 我只想 跟你遠飛 我病了...我告訴你知 我病了...我快活到不得了 我病了...啦啦啦啦啦 我病了

甘就一年

今日係二零零六年十一月三十曰

仲有一個月就一年啦, 你今年做過什麼？

辦公室的桌面

今日睇報紙既時候講起Wallpaper , 電腦的Wallpaper

曾幾何時我都好注重呢樣野, 無論係office 同屋企都會放一d自己鍾意既野
女明星, 電影, 動畫, 波鞋, 自己d相, 好多好多野都擺過上腦
但係換左幾部腦之後, 熱情減退左, 是但搵張風景相就算

如果同我一齊工作過既人, 都知道我張檯何其混亂,
除左正經既文件外, 仲有大量玩具, 裝飾品, postcard,
總之攪到皆旺d鋪頭甘, 懶有性格, 懶潮甘啦

有一日我吾記得係有人同我講定我良心發現
話:出黎做野無人成檯都係玩具家, 執下啦, 仲細呀

我就一定吾同意呢種講法, 工作表現同張D檯裝飾品有關係嗎?
不過為左份工, 為左前途, 我一口氣執晒返屋企
從此之後, 我都好少擺其他野係公司

如果有一日, 我有一間公司, 我一定吾理會別人既眼光
擺自己鍾意既野, 做自己鍾意既野

轉貼 (II) ~~~跌市之謎

點解呢 ????

電腦及電器回收計劃

每年香港家庭共棄置超過150萬件舊電腦及電器。部分被棄置的電腦及電器仍可正常運作，應盡量重用，以善用資源。所有有用的零件及物料，包括金屬及塑膠等均可被回收再用或再造。自2003年1月起環境保護署（環保署）推出一項舊電腦及電器回收計劃，以減少棄置在堆填區的舊電腦及電器數量。該計劃日漸受到公眾的支持，而計劃每年亦可回收及處理量多達4萬多件舊電腦或電器產品。

本年度環保署委托香港明愛及聖雅各福群會舉辦這項全港性的回收試驗計劃。由香港明愛負責回收電腦；聖雅各福群會則負責電器。收集物品種類主要包括電腦及以下10類電子及電器用品，包括：電視、雪櫃、洗衣機、影音器材、微波爐、電風扇、熱水壺、電飯煲、冷氣機、暖爐。香港明愛及聖雅各福群會均已各自設立一間回收工場接收舊電腦及電器及進行檢查、維修及拆件等工作，香港明愛及聖雅各福群會亦開放部分辦事處/社區服務中心作為回收點。市民可將舊電腦及電器親自交到回收工場或任可一個回收點(見下表)。特定的地點或屋苑更可透過預約，安排回收服務。

http://www.epd.gov.hk/epd/tc_chi/environmentinhk/waste/
/prob_solutions/trial_recovery.html

精裝追女仔

我自細受我屋企影響, 最大既興趣係睇戲, 同埋係睇港產影片. 當時至具號召力既男演員就係
周潤發. 其中有一部我特別鍾意既戲充叫做
精裝追女仔.

套戲曾經斷左copyright, 即係出吾到DVD/VCD
連電視權都無理, 結果一次日本旅行我立志去搵
套DVD, 皇天不負有心人我終於搵到套戲, 但依家
應該出番播映權,所以你要買一隻港板或者深夜
既電影台都可以睇到

我都吾知點我甘鍾意套戲, 可能係一份情誼, 幾個男仔一直嘻嘻哈哈工作, 讀書吾多, 賺既錢都吾多,但起碼對人夠真, "我就係甘既啦" ,
日日開開心心 就一日, 充滿八十年代既精神

這種生活功能態度應該不再合適用於今日既香港, 但仍然存在我心中

新電腦

公司開始更換電腦設備, 我都換了新的電腦

舊的電腦仍是完好無缺,
只不過開機的時候慢了一點點,顯示器大了一點點,
便給我們放棄了

這幾年的科技實在走得太快, 要追根本追不到
我未試用過3G, 便說要用3.5G 或wi fi了
舊的技術, 浪費了, 很多資源可以利用, 但頭來只使用了部分...

很喜歡" The Animatrix "http://www.intothematrix.com/ 中
機械人文藝復興的故事, 可能有天, 故事真的會成真

冬天的衣櫥

冬天其中一個惱人的事情，就是衣著

女孩子可能很享受買衣服，配合不同的場合，爭奇鬥艷

我一打開衣櫃，就苦惱非常，天氣時熱時冷，
穿得太多，混身不舒服，穿得太少，容易凍親

除此之外，買件厚褸都成仟銀，衛衣二佰幾，話吾貴就假
同埋吾係個個住大屋，收藏係邊都係一個問題

都係夏天，Tee + 短褲＋波鞋適合我多D

一波三折 (二)

上回提要：　為左買高科技電子零件，我行搵旺角，搵到至平鋪頭，
　　　　　　正準備試機之際，　店員阿叔竟然話唔無得試．．．．．　

　　　　　　我就問：無得試 ?點解?
　　　　　　阿叔話：因為我第一次賣，吾識開機，所以無得試
　　　　　　我　話：下?
　　　　　　阿叔話：原裝有保養，　吾洗試啦　　
　　　　　　阿婆話：俾佢試啦，後生仔自己識攪既啦
　　　　　　我就問專家，專家話：當然試啦，我識整

　　　　　　係專家既指導下，　一切當然無問題啦

　　　　　　跟著便買配件，三種配件，A, B ,C
　　　　　　便問：有無以上既野賣呀？
　　　　　　阿婆話：無，三樣都無
　　　　　　專家話：去另一到買啦

　　　　　　時為９：３０，即刻走去另一間鋪頭，
　　　　　　都無，　再問，　賣晒

　　　　　　我講左話：算啦，吾買住啦，　
　　　　　　聽日去灣仔再買個

　　　　　　我１０：３０返到屋企，因為無配件，要開到開吾到
　　　　　　望住個盒，　直到１點　　　　　　　
　　　　　　　　　　　　
　　　　　　　　　　　　　
　　

一波三折

我呢種心思細密, 機關算盡既人, 都有計劃失敗既時候

話說小弟即昨晚諗住買高科技電子零件, 價錢我一早check 好晒, 配件我選好晒,
可以安安樂樂去買機, 錢我都aleardy 埋

為免意外, 我仲約埋個專家出黎, 因為我先到, 我去左最平既鋪double confirm 個價錢
之後一同晚飯吹下水, 一個小時後, 情況發生突變

我再番去問價錢, 竟然加左$100 ???再去另一間相似既店舖, 都一樣加左價?
我就問 : 我食飯前都係 $xxxx ja ?點解變左?
店員話:係呀, 上一批貨賣晒, 新貨加左價,所以......... 耍$x,xxx


好, 算....我番主場先達阿婆都買, 都平$30....
先達阿婆早已聞名香港遊戲界, 以貨真價吾實為名, 你對佢好, 佢好樂意俾個折頭你,
一個字:正
正好間鋪仲有一千零一部...價錢ok ,我就話 :
"俾部我試下"
此刻, 佢老公出現(即係阿叔)話....
"吾得...因為......


(因今日時間緊迫, 明日再講)

返工地點

我認識好多人都好鍾意係中區返工,
覺得係身份既象徵, 就算人地問起, 都好似興香D

我就不太認同呢種諗法,
係中環返工, 人多, 車多, 食飯都難搵位
生活指數高,
人同人之間好冷漠, 只有同事, 沒有朋友
直到這一刻我都融合吾到這個高尚既世界

有人話男性應該三十而立,
創一番事業, 做一件大事,
不過我要成功, 可能需要衝破這無聊既心理關口

信不信由你

多 謝 關 心



日 前 被 拍 到 在 灣 仔 188 商 場 內 的 翻 版 AV 舖 內 出 現 ， 登 上 了 C1頭 條 。
買 翻 版 是 不 正 確 的 行 為 。
成 年 人 看 AV 則 沒 有 甚 麼 正 確 不 正 確 。
看 報 紙 報 道 ， 有 同 業 勸 戒 我 需 要 反 省 ， 故 此 我 反 省 。 我 編寫 的 電 影 題 材 接 近 人 群 ， 我 喜 歡 逛 街 ， 從 人 群 找 題 材 。 幾年 前 ， 為 了 監 製 、 編 寫 及 演 出 電 影 《 買 兇 拍 人 》 一 場 發 生在 翻 版 AV 舖 內 的 戲 ， 曾 多 次 到 港 九 各 翻 版 AV 舖 內 抄 戲 名 ，甚 至 長 時 間 逗 留 在 舖 內 觀 看 買 賣 雙 方 的 活 動 情 況 。 合 該 有事 ， 由 鄭 中 基 執 導 ， 我 有 份 演 出 的 賀 歲 片 將 於 日 內 開 拍 ，劇 本 中 有 幾 場 戲 正 與 翻 版 AV 有 關 ， 本 擬 Update 一 下 資 訊 ， 卻惹 來 軒 然 大 波 。深 切 反 省 之 後 ， 明 白 到 就 算 是 為 了 工 作 做 資 料 搜 集 ， 買 翻版 也 是 一 項 不 正 確 的 行 為 ， 此 舉 更 會 對 香 港 電 影 工 作 者 的聲 名 造 成 損 害 ， 謹 此 向 同 業 們 深 表 歉 意 。事 情 發 生 後 ， 收 到 朋 友 及 讀 者 們 電 郵 致 意 ， 衷 心 說 句 ， 勞大 家 費 心 ， 也 多 謝 大 家 關 心 。


谷德昭foodkok@hotmail.com

我不喜歡

我不喜歡冬天
我不喜歡下雨天
我不喜歡下雨的冬天


壞的天氣總會過去, 好的日子有天重臨

封印

為左迎接新貨抵港，終於的起心肝將兩部舊遊戲機封印起來

我們這一輩老機迷，　sony 從來都不是我們的茶，　sega 或任天堂才是我們所愛，
全因為其無限的創意，帶給我們快樂

一邊清潔兩部　sega 和　任天堂遊戲機的時候，想起很多回憶
好像記那年的我是什麼外貌，　那時的我在做什麼似的，　光陰真的渡過了

我今日只不是暫時將你們存放回盒內，　假如有天我有空間位置
我一定會把你和你們以前的兄弟一一展覽出來

打爆電視

網 民 爆 料 ： 通 宵 玩 Wii 　 打 爆 60 吋 電 視


任 天 堂 新 世 代 遊 戲 機 Wii 香 港 發 售 日 期 未 定 ， 「 得 個 恨 字 」 的 本 港 機 迷 惟 有 到 網 上 的 美 國 討 論 區 ， 閱 讀 美 國 機 迷 第 一 手 「 打 機 報 告 」 望 梅 止 渴 ， 豈 料 卻 被 美 國 機 迷 Jack 嚇 親 ， 皆 因 阿 Jack 狂 打 Wii ， 竟 致 飛 脫 手 掣 打 爆 60 吋 大 電 視 ！



動 感 手 掣 斷 繩 飛 脫
Wii 除 了 以 低 於 2,000 元 港 幣 的 售 價 吸 引 機 迷 外 ， 其 嶄 新 設 計 的 動 感 手 掣 更 令 機 迷 引 頸 以 待 ， 因 為 該 手 掣 外 觀 雖 如 電 視 遙 控 器 般 平 平 無 奇 ， 實 則 可 化 為 釣 魚 遊 戲 中 的 魚 竿 ， 又 或 者 在 保 齡 球 遊 戲 中 的 保 齡 球 ， 令 遊 戲 趣 味 性 大 增 ， 阿 Jack 與 友 人 不 眠 不 休 狂 打 一 款 保 齡 球 遊 戲 長 達 24 小 時 。 不 過 ， 就 在 阿 Jack 的 友 人 約 第 300 次 造 出 打 保 齡 球 的 動 作 時 ， 連 接 手 掣 和 手 腕 上 的 小 繩 終 於 抵 受 不 住 而 斷 裂 ， 手 掣 恍 如 真 正 的 保 齡 球 直 飛 向 電 視 機 ， 把 阿 Jack 的 60 吋 大 電 視 屏 幕 「 打 爆 」 ！ 「 我 聽 日 一 定 會 打 電 話 去 任 天 堂 ！ 」 Jack 的 遭 遇 一 方 面 令 美 國 網 民 捧 腹 大 笑 ， 香 港 機 迷 嚇 親 之 餘 ， 對 Wii 的 手 掣 的 功 能 更 是 拜 服 。 網 上 傳 言 香 港 將 於 明 年 一 月 有 售 ， 機 迷 到 時 可 打 餐 飽 。

火都黎!!!

返工, 返七個半八個鐘, 為份糧ja....絕對用吾著鬧人或者嗌交

問題解決, 收工, 吾係追究責任

今日我少數既情況之下同我老細撐到恆晒 !

我做錯事, 我願意認, 願意承擔,
我無做錯, 你吾想上身, 就搵人賴,
你依家即係話如果我吾認, 就叫我交個人出黎, 係吾係 ?
有無攪錯 ?




火都黎!!!!!!!

轉貼

口 講 反 盜 版 肥 谷 狂 買 老 翻 鹹 碟

集 編 劇 、 導 演 、 監 製 及 演 員 多 職 於 一 身 的 「 肥 谷 」 谷 德 昭 ， 年 前 參 與 打 擊 翻 版 碟 活 動 時 ， 曾 高 呼 港 府 應 全 力 幫 忙 ， 否 則 影 壇 將 全 軍 盡 墨 。 想 不 到 口 口 聲 聲 力 斥 老 翻 禍 害 影 業 的 他 ， 日 前 竟 現 身 灣 仔 東 方 188 商 場 的 老 翻 鹹 碟 專 賣 店 ， 興 奮 狂 掃 200 元 9 隻 的 日 本 鹹 碟 ， 其 口 味 極 之 廣 泛 ， 有 「 日 本 Stephy 」 之 稱 的 E cup 人 氣 AV 女 優 吉 明 步 ， 原 來 更 屬 其 入 貨 首 選 。

平 日 極 愛 夜 蒲 的 谷 德 昭 ， 於 本 月 11 日 竟 然 難 得 早 起 ， 早 上 約 11 時 便 現 身 老 翻 光 碟 店 林 立 的 灣 仔 東 方 188 商 場 ， 逛 進 一 家 AV 專 賣 店 ， 想 不 到 未 及 中 午 ， 41 歲 的 肥 谷 已 經 懷 亢 奮 心 情 狂 掃 鹹 碟 ， 確 實 令 人 震 驚 。

目 不 轉 睛 瀏 覽 陳 列 品 入 行 15 年 的 肥 谷 任 職 副 導 及 編 劇 出 身 ， 其 後 升 格 為 導 演 、 監 製 兼 演 員 ， 周 星 馳 目 前 拍 攝 中 的 大 製 作 《 長 江 七 號 》 ， 也 由 肥 谷 擔 任 監 製 ， 作 為 全 能 電 影 人 的 他 ， 對 支 持 本 地 電 影 及 打 擊 盜 版 自 是 不 遺 餘 力 。 早 於 02 年 9 月 ， 肥 谷 曾 代 表 電 影 界 參 與 在 灣 仔 會 展 舉 行 的 振 興 香 港 電 影 工 業 會 議 ， 會 議 上 有 高 官 唐 英 年 等 列 席 。 當 時 肥 谷 理 直 氣 壯 地 發 表 意 見 ， 指 港 府 若 有 心 幫 忙 振 興 影 業 ， 應 盡 快 施 以 援 手 ， 否 則 將 來 影 壇 全 軍 盡 墨 ， 到 時 想 幫 忙 也 來 不 及 。 肥 谷 對 打 擊 老 翻 大 條 道 理 侃 侃 而 談 ， 但 日 前 他 逛 老 翻 店 揀 鹹 碟 竟 如 識 途 老 馬 ， 熟 練 地 走 進 位 於 商 場 2 樓 一 間 老 翻 店 舖 ， 該 店 僅 以 布 簾 遮 掩 門 口 ， 門 外 貼 有 寫 上 「 AV 專 賣 店 」 的 卡 紙 ， 肥 谷 甫 內 進 即 目 不 轉 睛 瀏 覽 架 上 陳 列 的 老 翻 鹹 碟 。

選 中 日 本 Stephy 新 作 看 了 一 會 後 ， 肥 谷 便 向 男 店 員 鬼 祟 查 問 ： 「 邊 最 新 呀 ？ 」 對 方 即 時 展 現 有 趣 笑 容 ， 指 向 貨 架 上 的 一 堆 鹹 碟 對 他 說 ： 「 呢 新 返 。 」 肥 谷 隨 即 雙 眼 發 亮 ， 又 問 ： 「 咁 邊 好 睇 呀 ？ 」 店 員 聞 言 笑 得 更 開 心 ， 說 ： 「 呢 個 推 介 。 」 然 後 從 架 上 取 出 7 、 8 張 鹹 碟 遞 給 肥 谷 過 目 ， 當 中 包 括 有 酷 似 鄧 麗 欣 （ Stephy ） 的 日 本 AV 界 人 氣 女 優 、 現 年 22 歲 擁 34E 、 23 、 34 豐 滿 身 材 的 吉 明 步 主 演 之 鹹 碟 。 肥 谷 拿 那 一 堆 鹹 碟 垂 頭 全 神 貫 注 細 看 封 面 介 紹 ， 當 時 店 舖 內 人 流 稀 疏 ， 但 記 者 企 定 定 在 他 身 旁 拍 照 時 ， 肥 谷 居 然 全 程 懵 然 不 知 ， 可 想 而 知 他 看 得 何 等 入 神 。 現 場 所 見 ， 該 店 清 一 色 販 賣 日 本 老 翻 鹹 碟 ， 三 級 鹹 碟 有 格 仔 ， 四 級 鹹 碟 則 冇 格 仔 ， 牆 邊 貼 有 寫 上 價 錢 的 紙 張 ， 註 明 100 元 有 4 隻 、 150 元 有 6 隻 及 200 元 有 9 隻 ， 已 經 手 持 一 堆 鹹 碟 的 肥 谷 再 從 架 上 挑 出 一 、 兩 張 老 翻 鹹 碟 後 ， 便 將 200 大 元 交 給 店 員 ， 用 膠 袋 載 戰 利 品 面 帶 微 笑 匆 匆 離 開 。

偏 愛 身 材 豐 滿 AV 女 優
事 後 本 報 記 者 向 該 店 店 員 查 詢 ， 店 員 一 邊 指 架 上 的 鹹 碟 ， 一 邊 對 記 者 說 ： 「 我 介 紹 過 呢 畀 佢 ， 如 果 買 唔 、 買 相 同 ， 都 可 以 返 換 。 」 店 員 透 露 肥 谷 所 買 鹹 碟 種 類 獨 特 兼 廣 泛 ， 主 演 的 AV 女 優 除 吉 明 步 外 ， 尚 有 吉 田 香 織 、 北 原 多 香 子 和 立 花 里 子 等 ， 全 部 屬 身 材 豐 滿 一 族 ， 還 有 熟 女 人 妻 系 列 ， 難 怪 肥 谷 的 現 任 緋 聞 女 友 也 為 擁 35C 上 圍 的 25 歲 性 感 歌 手 林 子 萱 （ KiKi ） ， 就 連 以 前 與 他 傳 過 緋 聞 的 郭 羨 妮 和 葉 璇 ， 也 不 約 而 同 為 有 料 之 人 。 曾 在 電 影 《 買 兇 拍 人 》 中 飾 演 老 翻 鹹 碟 店 老 闆 的 肥 谷 ， 現 實 中 竟 也 偷 偷 買 老 翻 鹹 碟 ， 本 報 記 者 昨 日 曾 致 電 肥 谷 ， 惜 至 截 稿 前 仍 未 接 獲 回 覆 。 採 訪 、 攝 影 ： 娛 樂 突 發 組

廣州行

因為工作的關係，　到廣州工幹兩天

作為一個港燦, 我對內地毫無認識，廣州，除左張敬軒之外，仲有什麼特產？

我本住跟隨阿頭學野既心境，不斷行，不斷四圍望，
發現兩地差別不大， 大部份人都懂得廣東話，到辦公室參觀，更有香港的規模，
到購物區遊覽，商店和商場都有各國的品牌，連當地人的外貌都和港人相差不遠，
如果放他們在中環，銅鑼灣，絕對看不出他們是內地人

唯一的分別可能是收入水平．他們的知識和語言能力都不比港人差，
但阻於出生在不同的地方，　引致他們所得比港人差別很大

人在一個地方太耐，思想自然封閉起來，偶然出外走走，　自有新的體會

黑社會

黑社會２

Now ? Not Now?

Details from Singtaohttp://www.singtao.com/yesterday/loc/1115ao02.html

挫 敗 有 線 　 電 盈 15.6 億 播 英 超電 盈 奪 得 英 超 聯 轉 播 權


　　 (星島日報報道)電訊盈科近年全力催谷的NOW寬頻電視，在爭奪由明年球季起的三年英超聯轉播權方面有突破。


消息人士透露，電盈以超乎市場預期的「天價」，估計最少二億美元（約十五億六千萬港元），奪得英超聯香港轉播權，由於電盈出手之高，就連英超聯方面，亦罕有地取消第二輪甄選，在首輪就捨棄出價亦達一億美元、有七十七萬用戶的有線電視。有線失卻王牌吸客節目，未來隨時會以減價迎戰。　　電盈為開拓收費電視這個新業務以增加收入來源，於○三年底推出NOW寬頻電視，開台時節目頻道不足十個，但過去數年不斷出高價在有線電視手上搶得多個包括HBO及ESPN等熱門頻道，反映出奪取收費電視一哥寶座的決心。英超聯在上周開始為未來三年英超賽事轉播權招標，三年前空手而回的電盈，客戶人數已達七十萬，已非當年只有數萬客的收費電視初哥，雖然電盈主席李澤楷早表明不會無底價投英超聯轉播權，但其決心絕不能小覷，電盈今次競投時在出價方面肯定絕不手軟，普遍估計電盈會出價八億至十億元。　　英超聯今屆把亞洲轉播權分為四組，包括香港、印尼、新加坡（新增地區）以及亞洲地區（除香港、印尼及新加坡外）轉播權，香港轉播權方面由於無?收費電視已放棄競投，ESPN考慮到電盈必奪英超聯的決心，一起投牌可能令成本大增，故決定放棄與電盈合組財團競投，ESPN只入標投亞洲地區英超轉播權，香港轉播權只得有線及電盈兩家競投。　　




消息人士透露，英超轉播權上周初才開始接受競投轉播權的申請，預計整個競投過程可能長達三個月，以上一屆為例，便經過四輪競投才決定由有線電視投得香港轉播權。不過，英超聯上周收到標書時，只用了數日時間，就決定把轉播權交予電盈，電盈及有線電視亦於上周分別收到結果通知。英超聯只用短短數日便決定把轉播權給予電盈，並一反過往做法，無進行第二輪競投，消息人士說﹕「英超聯的決定，令有線無得上訴，即使想出高價都不能，雖然大家都知有線心中有底?，不會同電盈鬥無底價競投。」估計今次做法，是因為有線出價與電盈差距太遠，即使進行多一輪競投有線都未必會出價高過電盈，故跳過第二輪競投步驟，直截了當由電盈取得英超轉播權。　　上一次英超聯轉播，全亞洲轉播權為一億多美元，消息人士料，電盈付出的轉播費用將達兩億美元（約十五億六千萬元），未來每月的英超轉播費用便高達四千三百萬元，以NOW有二十萬用戶訂購，每戶成本最少要二百元。　　




對於失去英超聯轉播權的消息，有線電視發言人不作回應，並表示在適當時候會發表公布。其實，不少大行早已預計有線會失去英超轉播權，有歐資證券行分析員認為，有?雖然會因為失去英超轉播權而流失大批英超捧場客，然而現時七十七萬用戶，未知究竟有多少客會轉投NOW的懷抱，但可以肯定的是，有線每年減少兩至三億元轉播開支，經營成本大降，令有線可以減價搶客。至於NOW高價投得轉播權，令明年轉虧為盈的目標，可能要延遲數年才可達到。


小兄愚見: Now 出到二億美金 !!!!! 回吾回到本都成問題啦 ! 俾我係有線, 即刻同
Now 傾, 將一億美金俾姓李既, 分部份轉播權黎到好呀, 好過流失晒D基本用戶, 話晒街外錢,
不過Now 會吾會甘做就另一層次啦

紋身

係好多年前一期壹週刊, 有一篇關於李燦森既訪問
訪問內容我已經完全吾記得,
只係記得一張好型既相,佢背對鏡頭, 拎住一塊滑板
著住一對AJ11 藍色蛇皮low cut, 腳背至小腿的位置還有一個紋身

好型呀!
係個一刻, 我真有紋身的衝動, 最後, 到現在,我都無做到

做一個決定, 我已經要諗好耐好耐, 何況係影響一生既決定
既會永遠跟隨你, 當你二十三十當時型仔好睇,
但係四十五十既時候可能係你一個污點,永不磨滅

有人話人一生物一生, 點都要試下啦, 你夠膽, 我恭喜你
我呢種膽小鬼,一定無可能做到, 性格問題吧


不過, 如果有靓同吾易花既印水紙推介,記得通知我

天星碼頭

番舊碼頭臨走既時候,我特意搭了幾個星期渡輪

係香港人既眼中, 除了錢之外可能看不見其他事物
為了填海,為了更多的收入, 不惜將一切清拆移平
同時犧牲了本土的文化以及特色
人對該地方的感情和經歷,
不是一件仿製品可以取代

人要進步, 城市都需要進步,
新取代舊是無可避免的事,
但因何不儘量保持原有的東西,
或改變其用途, 令其何保留下來,
令人有所回憶.
在香港的文化水平上, 這種破壞的行為, 屬於一種退步

早睡早起

由於番office 工既關係
天天睡覺既時間都固定起來
當然，
天天起床既時間同樣固定起來

本想星期六晚上深夜一時去看球賽
但未看至一半，便帶著耳筒坐在梳化睡著了,
我以為可以睡至明天的十時，十一時，
估不到明天如常早起，　認為要返工一樣，
九點前便起身了

生活習慣原來不知不覺間養都成了

炒 錶 首 選 二 手 勞 力 士

炒 錶 首 選 二 手 勞 力 士


手 錶 是 最 實 用 的 首 飾 ， 一 隻 名 錶 更 兼 具 投 資 價 值 ， 但 由 於 名 錶 「 入 場 費 」 高 ， 而 且 贗 品 多 ， 炒 錶 適 合 由 二 手 錶 入 手 。 不 過 ， 名 錶 收 藏 方 便 ， 保 養 簡 單 ， 即 使 是 二 手 錶 ， 升 值 潛 力 亦 極 高 ， 極 具 投 資 價 值 。
貨 源 穩 中 求 勝 揀 二 手 錶



投 資 名 錶 ， 大 致 可 分 為 古 董 錶 及 現 代 錶 兩 大 類 ， 前 者 貨 量 少 ， 貨 源 不 穩 ， 而 且 要 憑 經 驗 入 貨 。 後 者 貨 源 較 多 ， 投 資 金 額 相 對 較 少 ， 加 上 較 易 維 修 或 重 配 零 件 ， 部 份 店 舖 更 設 有 分 期 付 款 ， 二 手 市 場 亦 較 暢 旺 ， 最 適 合 初 哥 投 資 。



初 哥 投 資 名 錶 ， 入 門 首 選 勞 力 士 （ Rolex ） ， 想 有 得 用 有 得 賺 ， 必 買 二 手 貨 ， 入 場 金 額 較 一 手 新 貨 低 ， 流 通 量 大 ， 當 中 尤 以 運 動 型 及 鋼 錶 款 式 最 受 追 捧 。 至 於 最 具 升 值 潛 力 的 型 號 首 選 Daytona 及 Explorer II 。 另 外 ， 高 價 貨 品 牌 以 伯 達 翡 麗 （ Patek Philippe ） 最 受 歡 迎 ， 價 格 及 需 求 穩 定 ， 但 入 貨 價 往 往 逾 10 萬 元 。



點 炒 ？


買 錶 純 作 投 資 的 人 不 多 ， 大 多 是 本 身 愛 錶 ， 由 於 經 常 轉 款 故 將 部 份 舊 錶 在 二 手 市 場 放 售 ， 又 或 是 遇 到 合 心 水 錶 款 時 ， 將 舊 錶 套 現 換 貨 。 至 於 投 資 期 ， 要 視 乎 市 場 供 求 而 定 ， 短 則 一 年 ， 長 則 可 達 數 年 ， 升 幅 多 寡 要 靠 投 資 者 眼 光 。 市 面 上 名 牌 錶 假 貨 多 ， 除 了 憑 個 人 經 驗 分 辨 ， 最 好 到 具 商 譽 的 錶 行 入 貨 。 萬 一 在 網 上 發 現 心 頭 好 ， 即 使 有 齊 證 書 及 包 裝 ， 都 可 能 是 偽 造 ， 最 好 相 約 貨 主 一 齊 到 代 理 或 相 熟 錶 行 驗 貨 ， 查 看 錶 內 零 件 是 否 原 裝 、 性 能 如 何 等 。



知 多


點 解 唔 好 晚 上 9 時 至 翌 晨 3 時 調 校 日 曆 ？ 因 為 晚 上 9 時 至 翌 晨 3 時 正 是 日 曆 齒 輪 運 作 的 時 候 ， 由 一 日 轉 換 到 另 一 日 （ 例 如 由 11 號 轉 到 12 號 ） ， 在 這 期 間 調 校 ， 對 運 作 中 的 齒 輪 或 多 或 少 造 成 干 擾 ， 可 能 影 響 性 能 ， 損 害 手 錶 機 件 。


蘋果日報　１０／１１／０６　B6

一個理由

男人做野, 做決定, 沒有原因, 只有理由
當年因為WE 5 買PS2 , 今年因為 WE 10買 Xbox360
甘就四,五年了

14/12/06 我等你!!!

http://www.watch.impress.co.jp/game/docs/20061107/we.htm

一個人在公司

我工作的公司香港寫字樓人數不多,
總十多個而已

當午飯的時候, 人人都會離我而去,
留下帶飯的我一個坐在辦公室

一個人做什麼好呢?

時間話長吾長, 話短吾短
三十分鍾至九個字,
如能善用, 做做運動真的不錯

如果公司樓底夠高
可以加一個籃球架
給我飯後或放工後跑跑步, 射射籃
便是生活中的樂事

一手好字,真係難事

如果你問我鍾意打字定寫字, 我一定會揀寫字

寫字最有趣既地方係人人筆跡吾同,
各有風格, 更加轉顯出個人性格

但係原來寫出一手好字絕非一樣容易事,
特別係需要合乎內地銀行要求時,
明明所有筆劃係清清楚楚, 都可以認為你可能舞弊,必須重寫

可能香港的條例比較寬鬆, 內地比較嚴謹
令我呢種 "縱" 慣既香港仔無所適從

我真係要買本copybook練下,
或者吾知劉華會吾會開班教寫字

夜夜開放

自從電台節目 "絕情谷" 完左之後
作為倪震支持者既我當然有所失落, 同時我會諗谷祖琳會否失業,
從此消失娛樂圈呢?

事實證明回報一定有既, 有能力就有價值
電台竟然再開討論兩性節目
叫"夜夜開放"??? www.881903.com
竟然有番谷祖琳, 仲有香港名導演鄒凱光 (http://www.unklebeach.blogspot.com/)
究竟呢次得吾得呢?

聽左一個星期, 我認為係一個 2 B級節目
仲有D踩界，
不過作為深夜節目，甘樣安排實屬正常

Download 返黎放工撘船聽，　不失為一個有意思既好節目

馬鞍山

我對人有感情外, 對好多地方都有濃厚感情
因為踏單車的關係去到馬鞍山, 一個我昔日讀書既地方

係馬鞍山讀書個兩年, 本來諗住正正經經甘讀書
點知變左玩足整個高中
日日放學吾係踼波, 打籃球就係去新城市/新港城
一係就幫人諗計追女仔,
簡直係同港台節目D青春片一模一樣

玩既日子固然暢快, 當然換來終於惡果
大部份同學既成績都係一般
要為將來計劃同打算, 都幾惆悵同迷茫

你問我後吾後悔, 我會答你一定有
恕自己點解當時吾努力,
不過既然過去左, 就不如向前望
努力做好依家既自己

肥

一班人出街食飯，　吃到未至一半的時候，
總有人說：

我飽了，吾食啦．．．我肥左Y磅呀，由原本１xx 變左１xx + Y磅呀
吾覺BOR...
係呀，肥係D無人知既地方，
即係無人發覺啦，　繼續食啦
吾啦，我要減肥
不過你日日都食零食．．仲吾運動
無時間ma...吾想行．吾想旭

以上既對話，男有講，女有講
上天製造人有高，矮，肥，瘦，各有特點，
一切自有安排，何必強求

我認，我係肥，肥都可以好有型

炒!

星期六, 我最愛既SHOPPING DAY, 出發前上Newsgroup Check 下價錢, 得到以下既留言 :

請問各位係邊度仲會有原價呢?因為今日經過旺角，見到D死人dvd舖，又炒起左個價<回魂夜>要98，<西遊記>要168所以即刻忍手唔買住!!!

news.3home.net/3interest.dvd

香港人真係任何野都試下炒
我真係吾記得以上既戲我睇左幾多次, 我仲要係過戲院睇過
買都係留過紀念
點解我要俾錢無良商人賺啦?
我一定會等, 會忍, 直至合理水平為止

Trouble Maker

我承應我係一個煩人, 再加職業問題
所有野我都先評估風險, 再計得清清楚楚
先決定做定吾做

小至去旺角食飯, 中至買對鞋, 大至去買幾什蚊既電器
我都會用大量時間做資料搜集, 上網, 睇書, 問人,
為怕吾好出錯, 簡直為你做足一百分,
一齊為求在我掌握之中

過程之中, 好煩, 好痛苦, 好浪費時間
簡直係自我製造問題,
不少人同我講 : 是但啦, 算啦, 何必呢
坦白講我都解釋吾到

諗得太多, 想得太遠係性格, 想改, 好難改

訂吾訂先 ???

晨早都知今年會出新款遊戲機,budget 我就預備好,
不過三部既定位都吾同, 好難選擇....

三位佳麗資料分別為:
1.XBOX360 http://www.xbox.com/zh-HK/xbox360/
可以隨時上網同人打winning, 爽!! HK$2,800-$3,000

2. Wii http://www.nintendo.co.jp/wii/
用身體體驗既遊戲機, 自己睇片就明 HK$2,000

3. PS3 http://asia.playstation.com/hk/ps3/chi/ps3.htm
一個字形容 : SONY ! 信徒必買 HK$3,180

我諗住依以上既次序喜好買機, 12月俾錢啦!
點知PS3 突然話有行貨,即係話 $3,180 有部Blu-ray 影碟機~~!!!!
Blu-ray 影碟, 一種比DVD更完美既影碟
作為一個電影愛好者,梗係有興趣啦!!!
不過我就開始諗 :


訂吾訂先?諗住等下先?放係邊先?要買部新32"lcd hd TV Support 先?
新TV 放係邊先?舊電視點算先?買番Wii先?買番xbox360先?
不如搬出黎住先?算吾算放逐先?
租樓定買樓先?租邊區先?買邊區先?供吾供得起先?
有無得加人工先?抑或轉工先?努力讀多D書先?工作勤力D先?
點算先?係吾係妄想先 ?

訂吾訂先?

十一月一日

二零零六已經接近尾聲,
今年過得很快,
可能因為今年夏天特別長的關係,
害怕秋天, 更害怕冬天
令人混身不自在,
轉變總是令人苦惱

一 堆 勞 力 士

自 幼 缺 乏 賭 膽 ， 過 年 時 買 幾 十 蚊 魚 蝦 蟹 個 心 都 會 噗 噗 跳 ， 與 其 一 聲 ： 「 開 … … 雙 六 一 個 三 ， 大 ！ 」 便 輸 掉 血 汗 金 錢 ， 不 如 食 餐 好 更 結 實 滿 足 ， 也 因 為 這 樣 ， 經 常 被 賭 性 強 的 友 人 揶 揄 我 一 世 冇 發 達 。 到 澳 門 向 來 少 到 賭 場 ， 但 這 次 去 到 ， 眼 見 新 店 林 立 ， 循 例 都 應 該 去 巡 一 巡 。 「 永 利 」 的 大 噴 水 池 與 大 電 視 屏 幕 為 澳 門 製 造 了 新 的 City Scene ， 特 大 水 晶 吊 燈 鎮 守 大 堂 ， 豪 氣 之 外 還 有 霸 氣 ； 名 店 林 立 ， 最 矚 目 的 是 一 間 手 錶 店 ， 天 下 間 的 勞 力 士 大 概 都 能 在 那 找 到 ， 甚 麼 絕 版 地 通 拿 、 新 出 綠 面 金 勞 ， 一 五 一 十 地 陳 列 在 飾 櫃 內 ， 外 國 遊 客 突 然 看 見 那 麼 一 堆 一 堆 的 勞 力 士 ， 眼 瞪 得 銅 鈴 般 大 。 賭 場 內 樓 底 高 空 氣 流 通 ， 賭 桌 與 賭 桌 之 間 空 間 足 夠 ， 賭 客 們 輸 得 未 必 服 但 也 賭 得 舒 服 。 九 成 都 是 中 國 人 ， 大 家 盯 骰 仔 、 撲 克 或 鋼 珠 一 臉 嚴 肅 ， 不 似 在 求 娛 樂 ， 更 似 在 以 性 命 搏 殺 ， 本 來 想 循 例 玩 兩 手 ， 但 壓 力 實 在 太 大 ， 逗 留 了 片 刻 便 開 溜 。 與 其 輸 淨 不 如 洗 淨 ， 到 了 「 永 利 」 的 Spa ， 非 常 西 式 經 營 ， 更 像 鄉 村 俱 樂 部 內 的 水 療 中 心 ， 沒 有 唐 人 式 的 過 份 熱 烈 老 細 前 老 細 後 招 呼 ， 跟 「 文 華 東 方 」 一 樣 ， 都 是 淨 淨 、 正 正 經 經 ， 富 泰 國 風 情 的 按 摩 房 ， 空 氣 中 有 鮮 花 的 香 氣 ， 身 心 舒 暢 。 澳 門 越 開 越 多 娛 樂 場 所 ， 應 該 需 要 大 量 Live Show 表 演 吧 ？ 提 議 張 達 明 去 學 魔 術 ， 大 型 美 輪 美 奐 魔 術 加 美 女 加 棟 篤 笑 ， 肯 定 會 受 歡 迎 吧 ？ Live Show is King!
谷德昭foodkok@hotmail.com

新地方

來到新地方,總有點不習慣,但既然決定左,就不要回頭