Taxi Driver 後傳

早晨, 去邊呀老闆

去原築 ????

去原宿 ???? 去機場 ???

去元朗呀, 司機阿叔

好呀, 年青人..不過你陣間要轉新界車

Taxi Driver V ～我 (IV)

醫院內．．．．．．

一個女孩子望向病床，　說了一句　：

你好嗎？我終於來了

床上的人仍然沒有反應，女孩子再說：

甘多年無見，　估吾到係甘既情況見到你，
我好辛苦先可以入黎，

一直以黎我都收到你俾我既　SMS , E-MAIL,　
自從上年新年之後，　我就無你任何消息

可能你見我無回覆，所以無再搵我

其實你做既野我都會吾明啦，
我地年紀都吾細，　同埋生活係完全吾同既世界，
何必破壞一般美好既過去

你既好意，　我心領啦
快點醒番，　我地再傾過啦．．

byebye

病房終於有一個人離去
但病床上的人仍然毫無動靜

（Taxi Driver 全篇完）

Taxi Driver V ～我 (III)

這一群我認識的人，有熟悉的，有陌生的

有很多我只對他們的面孔有印象，
何時認識，何地認識，不記得了

我一生真的跟這麼多人有關係　？

之後就像婚宴的結尾，我一一和他們握手，講了幾聲廢話
人就開始離去

有些人走向黑色的門，有些人走向白色的門，
我自己應該推開那一道門呢　？

既然未能作出決定，　我便閉上眼睛靜心細想

不其然想起我的一生

我是一個好人或是一個壞人？
我的生活過得有沒有意義　？
有什麼我應做而未做呢　　？
有什麼我不該做卻做了　　？

在這一個沒有時間概念的空間，
我一個人靜呆

直至聽見她的聲音：你好嗎？我終於來了

（待續）

Taxi Driver V ～我 （II)

我究竟在什麼地方呢 ?

我全身穿上白色衣服，　赤腳站在一間密封的房間
之後出現一個大螢光幕，整個房間變成一間戲院

我坐在椅上，　影片開始放映

是什麼來的　？

原來播放一個小孩子出生的片段
由出生，到成長，變為成人
有些不重要的片段變成了快鏡，
一瞬即逝

某些大事真真正正重現眼前
望在眼幕上的自己

經歷了這麼多
遇見了這麼多人
眼淚不其然流出來

我的一生曾經發生了太多太多
自己都記不起了
今日能夠重溫，自己做錯的，不該做的
只覺無比後悔

影片在發生車禍後完結
銀幕消失了，　椅了不見了

但出現了一道黑色的門

我推開門，　看見一群我認識的人．．

（待續）

Taxi Driver V ～我

夜．．．


街上只有一部的士停泊在路邊
司機一個人在聽舊歌


突然間　
”　隆　”的一聲空氣就停住了


一部私家車突然在從橫撞向的士

的士向反方向轉了不知多少個圈
露出了一陣陣的白煙

的士司機慢慢的走出車外
早已神智不清
見他拿出手機按了幾個鍵之後
便不支倒在地上

而那個私家車的司機
見勢色不妙，早已絕塵而去

３０分鐘之後，　救護車來了
把這個的士司機送去了醫院，　急症室......

(待續)

Taxi Driver Episode IV - 細路哥 (V)

幾日之後
andy打電話俾我

間鋪我攪好晒
埋單每人蝕吾洗2萬左右
d貨我都出晒
無手尾跟

你之有什麼打算？
做番會計？

吾做啦

我跟本番吾到轉頭
諗往學人揸車先學揸巴士
之後轉做的士司機

但係你連車牌都無
學law
我跟本返吾到轉頭
我同寫字樓己經脫晒節
一係就做7-11或者
麥當勞
你話呀
你答我可以做乜野養家？

對吾往

都吾係你既錯
環境轉左無人想既
凡事睇你有乜野心境去睇既

之後幾年
我地都好少聯絡
除左大時大節收到sms之外

直接上年既生日
生日快樂呀
我做左的士司機啦
以下係我既直線電話
你直接call我啦

為此開始左一種顧客關係
從而我更加了解你

我望睡左病床中的你
除左慚愧之外真係無野好講
衷心希望你可以快d好番

咯咯

一個護士小姐走過夾
先生過左探病時間
你吾可以留係到

吾好意思
我走啦

有個年青貌美既護士小姐
睇往你你緊開心啦
但係我係邊度見過佢呢

Taxi Driver Episode IV - 細路哥 (IV)

就係一個簡單而輕率的決定
鋪頭開始營業

andy 辭左份工
全心看鋪

佢日日係度自己睇碟
佢日日係度同客吹水
日子快活像神仙

我問
有上網租碟同還碟
你吾怕搶生意？

吾怕
最多到時我地攪送貨
吾担心
人生日日都有風險有變化-
驚乜啦

但••••
科技取代左我們
最後我們敵不過互聯網

互聯網下載速度的提升
blu-ray on demend
按一個製即時有戲睇
仲要係高清
再加上可以燒碟同封面
真真正正把我們打敗

其實我一直以來都將來貨價加大
從中食回"龍"
幾年間真係賺左吾少
我為左吾想
andy發現真相

唯有同佢講
執左間鋪,算啦
再蝕吾係辨法
攞番個本可以由頭黎過

佢呆左一陣
望往我就話

下 .................
哦 ..................
明白 ...................

之後佢就行左出鋪 只係從佢既背影
便知他是極度失望和憤憤不平

當時既我都認為自己有份推
andy下地獄 甚至影響了他的下半生

Taxi Driver Episode IV - 細路哥 （III)

andy 你好嗎
我係阿康呀

有件事我想同你講好耐啦
係關於我吔間影視會
你仲記吾記得呀

話說有一日你同我講
三十歲前
應該做一件大事

之後就話
不如我地開鋪頭
閞影視會

你估人人有錢買blu-ray碟嫁?
我地一面賣一面出租
出租幾次就回本啦

我出七成錢同睇鋪
你出三成錢

我諗往係大型屋村商埸開
一係太古城
一係沙田新城市廣埸
有得做嫁

我連計劃書都寫晒啦
再吾夠就問銀行借
實無問題
賺硬

我望住他一面天真的面孔
真係有得做？

有一個重要問題
盤數你睇定我睇先

我吾睇啦
做左幾十年會計仲睇咩
下 ok 我做番
盤數我個個月會埋
你到時到侯俾番d單我埋數就得啦

你吾好亂買貨同報大數bor
哈哈

好,我信你
我,都信你
一言為定

就是這一個信任的決定
導致我們的關係破裂

Taxi Driver Episode IV - 細路哥 (II)

去到醫院
己經過左探病時間
大部份人己經離開

由於你屋企人事前己通知我
你的房間號碼
所以我直接上去

到房門的時候
竟然見到一個女孩子
帶着眼淚在房走出來
“這人我在什麼地方見過呢？”
突然一大羣記者走出來
圍向她不停發問
她不發一句急步走了

醫院之後再度寂靜起來
我偷偷打開房門
望見了你
一個我從未見過的你
你的痛苦我未能感受

這一刻
發現我們是如此陌生

“你好嗎?
其實我有一個秘密想告訴你”

Taxi Driver Episode IV - 細路哥

大家好
我係阿康

一個三十幾近四十的中環人
係一間國際金融機構做一個中高層
因為公司有allowance既關係
我大部份時間都以的士代步

因為我有一個老死係的士司機
我需要都會第一時間打俾佢 貪方便好益下佢有生意做好

我們識左好多好多年
經歷左太多
一起攪過間公司仔
一間影視會, 不過好快就執左

其實我依家趕緊去醫院 等左好耐都係無車
越心急越無車

今日無叫司機朋友戴我
吾係因為佢有客或者無時間
而因為今日要探既人
正正就係佢

Taxi Driver IV ～ Prologue

夜．．．

街上只有一部的士停泊在路邊
司機一個人在聽舊歌

細路哥II
填詞：林海峰
作曲：陳奐仁＠The Invisible Man
編曲/監製：陳奐仁＠The Invisible Man

某一年一班剛剛考完會考的同學約埋一齊唱K
流行曲唱到一半的時候
其中一位朋友問左隔離的位一個問題
喂　你估下二十年後的今日我地會變成一個咩人呢

二十年後
可能已經變成一個西裝骨骨的中環人
手帶勞力士　銀包有好多張信用卡
放工的時候就一齊坐酒吧度
一邊望住個煙灰盅
一邊就望住隔離檯o個個女仔
睇下佢條裙幾時會走光

二十年後
大概終於會買到個部好想擁有既汽車
但係仲有二十幾期要供
二十年啦　應該轉過好多份工
識做的野越來越多
但係同時發覺學識越來越少

呢個時間　間唔中可能會去下gym
但係做來做去都係減唔到個肚腩
當然二十年?你間唔中都會諗起一段一路都未能放低的感情
女朋友越來越多　但係愛的越來越少

細路哥　你得到什麼　你失去什麼
你知道 what are u looking for

大概向o個個時候可能會有身邊的親人離開
而個陣時你會有好多講唔出口的遺憾
同時間你會發覺原來人生已經過左一大半

同年終於結婚
用左半生的積蓄俾左一層樓的首期有車位有泳池會所
娛樂越來越多但係快樂越來越少

兩年後　可能會離婚
回復單身之後的一個晚上一個人向床上面
按住個搖控不停咁轉台　食左兩粒安眠藥
跟住點起支薄荷煙
然後流左一滴自親人離世之後的眼淚

突然之間你又諗起　向二十年前
你係一個咩人　係個一晚 一大班同學約埋出來唱K
唱到天光
仲記得係個朝返到屋企的時候
打開門台檯面見到有一碗屋企人留低的湯
碗湯已經凍左

細路哥　你得到什麼　
你失去什麼你知道　what are u looking for

突然間　”　隆　”的一聲
空氣就停住了

Taxi Driver Speical ~~ Valentine's Day

新春徦後
市面都是淡靜
我特意提早收車
在商場中漫遊

街上的女孩子手中都執著鮮花
原來我早己忘記了這日子
命運真奇妙 竟然讓我遇見你

今次不是海報上
而是電視幕牆
播放你的mv

不想打擾你
就讓我們如此對話吧

Taxi driver - Episode III 喜宴 (IV)

晚宴在十一時許完結，　氣氛沒有受之前的對話影響
一切如常

臨行之前，　我向主人家握握手，　再說聲道賀後，　
有人叫住我

“阿邦，　識講野呀，　小心D呀”
‘大家甘話，　你都係“
我一句冷笑，　掉頭就走

我當然駕車送父母回家，立刻受教訓

阿仔，你吾細啦，仲同人嘈
無呀，無嘈呀
你甘大個人，　人地講就任人地講啦，一句說話ja, 算啦，根本無殺害力
學下控制自己既情緒

得啦，阿媽，夠啦

你如果當日可能冷靜D, 控制下自己的情緒同脾氣
就吾會無左間公司，　同埋成日自己一條友啦
得啦．．夠啦．．．

世界再次沉默，直至我眼望父母上樓
簡單一話．再見．整個喜宴就此完結

我駕駛的士回我到住所
眼角不其然滲出了一行眼淚

Taxi driver - Episode III 喜宴 (III)

係現今這種守時俾人笑，　遲到仲好囂既年代
宴會已經９時入席，　十點開始食已經係慣例

見到D老人家你眼望我眼打晒喊霧吾知做什麼
等一D吾知會吾會黎既人就覺得好好笑

我的習慣，6點尾7點頭我會到會場
見下主人家，　親戚朋友，　吹水映相
同埋最重要係霸番個位坐
我試過明明編好晒個位都有人吾願走，吹漲

父母早早到達酒樓，　與他們作一個眼神交流後
便走向主人家道賀幾句
恭喜恭喜, 証明你到左

之後便會和長輩門問好, 他們一直觀察和看顧你的成長
一句稱呼是必需品的, 以示尊重,

打後便是一班表兄弟姊妹相談的時間,
似是一班舊同學聚會, 大家都大了, 各有各的生活
誰會記得小時候一起到公園爬滑梯的日子?

正當大家談笑風生之際，　一些不該出現的人出現了
氣氛即時變差，　鴉雀無聲
他望一望我，　審視一下便說　：
阿邦，　你幾好嗎　？
託賴．　幾好！
我就xxxxx , 之後　yyyyy , 再就　zzzzzzz ,
總之天下無敵，　不可人世啦
係呀，　係呀

你依家住邊　？我答　：金邊
邊度　　　　？我答　：印度
做邊行　　　？我答　：運輸業　C.E.O , 架的士我話X晒事
超，　駕的士
結婚未呀　？　前年結左，　舊年離左，無通知你嗎　？
聽講話你都離左婚，　哈哈
表弟，　你好寸BOR
大家甘話

戰火正準備發生之際，　總有一個和平大使走出來　：
食飯啦，　轉頭再傾啦

好，食飯　

我在他的眼中看見了怒火，　他在我我眼中看見了怒恨

（待續）

Taxi driver - Episode III 喜宴 (II)

今日六點幾我已經收左車，準時七時返到屋企食飯

入屋第一句　“　阿媽，　我番黎啦　”　
入屋叫人，入廟拜神D基本動作真係一定要做　
佢多數話　：　係呀．．．番黎啦

望住間住過甘多年既屋，　有一種陌生但熟悉的感覺
你曾經屬於這地，　但今日己是客人
就如畢業後返母校，都係格格不入

阿爸呢　？
瞓緊覺law，你去吾去飲呀　？

去，點解吾去，　我記得表哥好似第二 ”名”la
係呀，　兩個都係仔
甘開心，　幾時呀?
下星期六，旺角XX酒店
有邊D親戚去呀．．．．？你知有D人我吾想見啦！
阿仔．．親戚一場，　算啦

算..我一定同佢算呀, 平時就巴之閉甘
一有事就即刻潛水, 玩呀 ?
見親就話自已幾好幾好, 寸人, 想點先
阿仔．．親戚一場，　算啦
佢同親我講野, 我一定話番佢.
阿仔．．親戚一場，　算啦
睇情況啦..
　　
仲有阿BBB表哥真係離左婚呀　？
係呀
我好多年前已經係甘講，　男既吾願，　女係度逼，何苦?
阿仔，　一家吾知一家事，　好難講既
都係，　我自己都未攪好，何必話人．．．．

阿爸，　出黎啦

你地好嘈呀

一家人傾計梗係有聲音嫁啦

食飯啦，食飯啦．．吾好嘈啦

我十分期望下星期六，　

可以見番一D愛我既人

同埋一D睇吾起我既人

Taxi driver - Episode III 喜宴

剛脫下西裝和領帶，終可一個人安坐家中

已經不記得是今年幾次去飲

同學，朋友，親戚什麼人好

加上你自己都曾經是主角之人，

自會變得毫無敏感覺

但我穿得西裝出席，當然是別人尊重我，　我尊重仍他們

正想查看你有沒有找過我

竟發現媽媽的留言，致電回家

仔，你個表哥下個月幫第二個仔擺滿月，你黎吾黎呀

下，邊個表哥呀　？

梗係AAA 表哥啦，　阿BBB 表哥離左婚啦

意料之內

你幾時番黎食飯呀

我聽晚番黎慢慢傾

Taxi Driver Episode II ~~~ Merry Xmas (VI)

我立即查看你的短訊，　原本不止是

簡單的文字留言，　而是你的影像留言

等了這麼多年，終於看見了你，真真實實的你

還有你給我的說話　：

我近來好忙，日日都好多野做

好多謝你呀，　我下次有時間再約你啦

我根本沒有預期你的回覆，

能夠看見你的留言，　已經是最窩心和最佳的聖誕禮物

想了很久如何回覆你，最後決定

在十二月二十四號晚

發一個短訊給你，簡簡單單　

’Merry X'mas and Happy New Year '

別人可能不贊同，但我相信這是最適合我們的溝通方式

Taxi Driver Episode II ~~~ Merry Xmas (V)

Happy Friday , 今日係十二月二十三日

我特意駛的士來到遊樂場的旁邊
十幾年前的遊樂場竟然可以在聖誕節重現
雖然只是一個短暫的嘉年華，對我都算是一種奇蹟　

無打算參加聚會，只想在外圍望望就算

一個人係車入面向外望
果然有一些熟識的面孔出現
樣貌，我記得
名字，不大記得
逗留大約十五分之後，　我離開了，
轉向你的表現會場

到達會場大約十點半，我在車中等候
靜待你的出現，
你大約十二時便會出來，
我坐在車內
反正是自己的生意，　無所謂啦

我在車上聽番我們年代的舊歌
不知不覺, 睡在車廂中

不記得多少小時後, 我給電話鈴聲弄醒
只見到一個未接來電和，
一個SMS,
一個你發給我的SMS,

（待續）

Taxi Driver Episode II ~~~ Merry Xmas ( IV )

短訊已經發出一星期，　依然沒有回覆
我都沒有打算再追問下去
就當你沒有收到這短訊吧

十二月二十日，　整個世界都充滿聖誕氣氛
我都過左仍三十幾，四十個聖誕，都無晒感覺

今日駕車來到這商場，到處人來人往
選購禮物
人是活的，商場是死的，倒模而成
只是佈置不同，店舖一樣　

記得你喜歡看書
所以我特意去書店找你，
試圖看看你有沒有出現

我走了一圈，　再一圈
都不見你的身影
認了吧
貴為公眾人物的你那有可能有閒情買書　？

我再向左一望，　真的望見了你，
不過只是你的海報，
其中寫著：
十二月二十三日　　X X X X 賀聖誕
即代表你有公開活動，
你不會參加我們的聚會

其實你參加與否，　我都不大有興趣
何況你不去

我自己都有了自己的決定

(待續)

Taxi Driver Episode II ~~~ Merry Xmas ( III )

佢都會去　？
" Y Y “都會去　？

這問題，　在我腦內纏繞了幾天　

把心一橫，試試重新開啟動我的FACEBOOK 賬戶
找尋答案

重新登入網頁, 版面已經改晒
看一看日子, 原來已有三年沒有回來
立即查閱 “INBOX “, 有一封３日前
由舊校學生會發出 寄出的邀請函

日期　１２月２３日
時間　晚上　７：００
地點　沙田遊樂場
以下人仕已參加，　你呢?

第一時間找尋你的名字
一頁，　一頁，　再一頁
都是找不到．　
算了吧，己是公眾人物的你怎會在此留言？　
你何以有時間出席這坊間活動?

在看參加名單的同時，　
看見很多熟悉的名字，
但十多年後大家樣貌都不同了
自己的改變永遠不大

有部份我仍然聯絡，
但大部份己石沉大海
一個階段過去後
他們只是我人生的一過客
沒有留戀，　沒有依戀
就由當日的我活在中學時期

Facebook 找不到答案，
既然短訊己寫好，我決定寄出
只望不知在何方的你會收到　，
及
給我一個回覆