家 肥 屋 潤

大 年 初 三 ， 祝 大 家 家 肥 屋 潤 ， 出 入 平 安 ， 一 團 和 氣 ， 笑 口 常 開 。
港 元 跟 美 元 掛 ， 香 港 人 的 心 情 亦 跟 樓 市 掛 了 ， 樓 市 好 ， 香 港 人 心 情 好 ， 樓 市 跌 ， 香 港 人 心 情 壞 。 香 港 人 日 捱 夜 捱 ， 大 部 份 為 了 層 樓 ， 全 香 港 七 百 萬 市 民 辛 辛 勞 勞 ， 全 部 進 貢 地 產 公 司 ， 世 界 各 地 的 頭 號 有 錢 佬 ， 大 多 都 是 做 實 業 生 意 ， 或 生 產 電 器 ， 或 製 造 電 腦 軟 件 ， 或 打 造 時 裝 品 牌 ， 只 有 在 香 港 ， 大 部 份 身 家 名 列 前 茅 的 有 錢 佬 ， 業 務 主 要 做 地 產 。

豬 年 的 地 產 市 場 ， 應 該 是 繼 續 旺 貴 樓 ， 大 陸 有 錢 人 何 其 多 ， 其 中 一 項 身 份 象 徵 便 是 在 香 港 擁 有 優 質 物 業 ， 像 在 美 國 的 有 錢 佬 都 喜 歡 在 曼 克 頓 或 比 華 利 山 置 業 一 樣 。 相 信 最 近 很 多 的 樓 盤 廣 告 都 是 希 望 能 吸 引 內 地 買 家 注 意 ， 前 一 陣 子 興 架 勢 屋 苑 名 稱 ， 「 九 五 之 尊 」 、 「 皇 者 風 範 」 、 「 挺 拔 豪 庭 」 ， 一 上 的 士 話 唔 該 去 「 九 五 之 尊 」 ， 真 係 淨 係 聽 都 已 經 夠 晒 威 。 內 地 人 越 洋 買 物 業 ， 都 希 望 能 夠 買 到 一 些 可 以 供 吹 噓 的 ， 最 靚 、 最 貴 、 最 高 、 最 粗 （ 層 樓 外 觀 ） ， 燈 光 最 幻 變 ， 甚 至 最 猛 鬼 ， 總 之 有 個 最 字 ， 方 便 用 來 講 ， 有 得 威 。
有 見 及 此 ， 香 港 樓 盤 無 端 端 出 現 環 球 小 姐 走 走 去 ， 又 有 一 群 風 水 名 家 煞 有 介 事 風 生 水 起 一 番 ， 方 便 內 地 買 家 話 俾 人 聽 ， 我 買 環 球 小 姐 住 度 ， 又 或 是 我 買 全 香 港 最 好 風 水 度 。
細 屋 搬 大 屋 當 然 值 得 恭 喜 ， 但 如 若 代 價 是 每 天 營 營 役 役 為 供 樓 ， 那 不 如 家 細 細 但 有 生 活 。
屋 寬 不 如 心 寬 。


谷德昭foodkok@hotmail.com