現在需要的是耐性和投資EQ

現在需要的是耐性和投資EQ


於股票市場, 只要有耐性, 無野可以話無可能發生. 今日2318股價最低跌至56.1, 不過, 經過上次的教訓, 我唔會再透露自己對2318的買賣行動, 平保事件可以終結.

今日股市跌勢全面, 恆生指數成份股除494利豐和101 恆隆地產之外, 全部下跌, 而且唔少跌幅超過3%, 藍籌股尚且如此, 其他股票更加唔使講. 結果恆生指數收市跌703點, 報20,672點, 全日成交金額升至1,049.41億港元, 有"要錢唔要貨"的feel.

不過, 要在股市裡生存, 要淡定, 尤其是在兵荒馬亂的時候, 唔好自亂陣腳, 只要持有的係優秀企業的股票, 耐心等候, 風暴總會過去, 少d睇股價的上上落落, 著眼企業的盈利, 你會發覺, 匯豐宏利等優秀企業仍然在經營生意和為股東賺取盈利, 無必要為股市短期的波動而憂慮.

仍然一股不沽, 下場當然係身家繼續縮水. 不過, 唔會影響我的心情, 日子仍然如常過.

有人問次按風暴見底未, 0係報紙傳媒會見到有專家話唔使驚, 現時已到尾聲, 也有專家話風暴才開始, 最壞情況仲未見. 我兩種意見都唔信, 因為我認為兩種意見都係靠估, 事實應該係, 無人現時可以肯定答到呢個問題. 不過, 我認為最重要唔係要估中次按風暴見底未, 因為一個風暴完左, 可以有第2個風暴, 一種問題過去左, 可以有第2種問題出現. 股市永遠都可能有值得憂慮的事. 於股市裡生存, 唔係靠等到風平浪靜才出來持有股票, 而係要學習即使有風浪, 仍然可以生存, 才是長久的方法, 因為, 你無可能每次都正確預測到風暴的來臨和結束的時間.


http://hk.myblog.yahoo.com/mr-market/