展望２００８

是時候訂下來年的大計與目標

工作方面

公司業務發展越來越好，　我都要學好D普通話

投資方面

當然一齊大叫　”GO GO GO "啦，次按吾好出事（實情係已經出左事）
人人有錢搵

消費方面
２００８　應該係YEAR OF JORDAN ，最後一年
最好出番　２代同６代櫻本色
仲有行貨　Air Foamposite One

高清廣播當然要換電視，３２”係我屋企既極限
順手買埋PS3做影碟機，吾駛買過晒DVD

家人方面
身體健康，行得，走得，食得，瞓得，柯得
得得得得

最後，最重要梗係
世界和平

2007 大事回顧

年頭總會訂下一些目標，
給自己奮鬥之用

總結一年，　某些是做到了
但．．．．．
某些卻越走越遠

不是大豐收的一年
只可說是平平淡淡的一年

風平浪靜可能己是一種福份

再見２００７！

Taxi Driver - 導演講評

好多大部份DVD都有一條聲軌，　叫做導演講評
主要講解套戲既拍法同埋想表達既意念

先多謝有時間睇過”TAXI DRIVER”故仔既朋友
今日想解釋一下整件事的由來

TAXI DRVIER 的開始是來自”日出康城”
我心諗點解有D甘新穎的屋苑名稱
十年後我們會變成點　？做什麼工作　？
再加上我身邊的不平事

好多人睇吾明因為寫得差，仲因為無直接描寫我自己
希望間接講個故仔


”X MAS "當然因為聖誕節，
十二月是一個愛的月份
剛巧FACEBOOK 的出現另我想記另一個問題　？
假如你身邊的朋友變成一個藝人，　或者公眾人物
關係會如何呢


以上的故事純屬吹水講笑，　大家不要認真對待

我的聖誕特輯 － Part III （完）

我的聖誕特輯－Part II

我的聖誕特輯－Part I

假期最後一日
心情仍是懶洋洋，　不願打字
所以特意找來陳年音樂特輯－當飄雪戀上聖誕樹

這特輯由楊千嬅，古天樂主演
劇情一般男男女女港式愛情故事
勝在景靚和一種浪漫感覺

原本自己對楊千嬅有小小偏愛

旺 角 體 育 用 品 城 設 計

我的聖誕歌

人人都有不同的聖誕歌
我自己就鍾意以上的一曲

其實無什麼特別意思
想當年隻歌一出真係殺晒
同埋個MTV記憶， 楊采妮和她的一把長髮

Taxi Driver Episode II ~~~ Merry Xmas (VI)

我立即查看你的短訊，　原本不止是

簡單的文字留言，　而是你的影像留言

等了這麼多年，終於看見了你，真真實實的你

還有你給我的說話　：

我近來好忙，日日都好多野做

好多謝你呀，　我下次有時間再約你啦

我根本沒有預期你的回覆，

能夠看見你的留言，　已經是最窩心和最佳的聖誕禮物

想了很久如何回覆你，最後決定

在十二月二十四號晚

發一個短訊給你，簡簡單單　

’Merry X'mas and Happy New Year '

別人可能不贊同，但我相信這是最適合我們的溝通方式

破事兒之大頭阿慧

今日觀賞了破事兒，質素只屬一般，更奇怪以２B上映
青少年更不適合觀看

其中的一個故事＜＜大頭阿慧＞＞是令我感動
更使我想起一段中學小事



一些無心的說話其實可以影響人一生
我好似欠左你
不過點都補吾番

克服心中的迷惑！

　　　　　　　　　　　同親戚打波，　吾好出醜呀！

中 國 勁 酒

我係一個好悶的人,

吾煙, 吾酒, 吾養番狗,

直至我 這年紀都不懂得飲酒

實在難堪

有人話, 酒可以忘記傷苦痛

但我話, 酒入愁腸愁更愁

朋友, 珍惜自己, 記得節制

M.C

已經不是第一次有人邀請我做宴會的司儀
不論是公司或私人婚禮
先謝過他們
但我一一都拒絕了

司儀的工作不是一件易事，
預備講稿
預備衣服
和主人家溝通
帶領遊戲　
控制氣氛
臨場應變
通通不是易事

叫我在朋友間攪幾個爛gag 還可以
人家一世一次的儀式
我不去破壞就好了，　還是留給另一位有賢之士

Taxi Driver Episode II ~~~ Merry Xmas (V)

Happy Friday , 今日係十二月二十三日

我特意駛的士來到遊樂場的旁邊
十幾年前的遊樂場竟然可以在聖誕節重現
雖然只是一個短暫的嘉年華，對我都算是一種奇蹟　

無打算參加聚會，只想在外圍望望就算

一個人係車入面向外望
果然有一些熟識的面孔出現
樣貌，我記得
名字，不大記得
逗留大約十五分之後，　我離開了，
轉向你的表現會場

到達會場大約十點半，我在車中等候
靜待你的出現，
你大約十二時便會出來，
我坐在車內
反正是自己的生意，　無所謂啦

我在車上聽番我們年代的舊歌
不知不覺, 睡在車廂中

不記得多少小時後, 我給電話鈴聲弄醒
只見到一個未接來電和，
一個SMS,
一個你發給我的SMS,

（待續）

男子組靠你

男子組靠你

新同事早兩日忽然問我：「老細，乜原來你都鍾意鄧麗欣？」
「係呀係呀…」我點左點頭：「呢樣野，全公司都知架。」
「哈哈，估唔到喎…」同事露出一個蠱惑既笑容：「你三十幾歲人架啦喎，乜仲岩呢d…」
「我有童心遮…」我話。

*****

兩年前我結婚之前果一晚，幾個感情好既兄弟響我屋企過夜，方便第二朝晨早去接新娘。

我屋企有一個CD架，上面放住一大堆舊既CD。呢堆CD，某程度上係屬於我年青既年代，陪住我長大既一批旋律。第二朝一早就要結婚，本來我同埋我幾個兄弟打算早d訓，養足精神第二朝一早去俾班姊妹玩既。不過我地幾個麻甩佬見到呢堆舊唱片，唔知做乜神推鬼擁咁拎左出黎播，播下一隻播下又一隻，大家攤響我屋企既客廳度，聽住呢堆舊歌聽到幾乎天光。於是CK呢生人最後一個單身既夜晚，就係同埋呢幾個由細玩到大既老友，響一堆陪住我地長大既旋律裡面渡過。
我諗，三字頭既我地，對以前年青既日子，都總係有些少懷緬掛。

*****我以前細細個果陣，覺得三十歲人係「好大個」架啦。咁貶下眼自己就三字頭啦，依家你問我覺得三字頭係點，我發覺，原來一d都「唔大個」。

大部份我鍾意既野，同細個果陣，其實都冇乜分別。我依然鍾意追捧d當紮既女明星，分別只係我laptop張wallpaper由N年前既周慧敏變成陳慧琳再變成今日既鄧麗欣，我依然係極鍾意打機，分別只係由我細細個求阿媽俾錢我買任天堂紅白機到衣家自己搵到錢買部PS3同Wii俾自己，我又依然係咁鍾意睇波同踢波，不過睇波我由以前第一次睇舒米高守龍門既技驚四座，到今年我居然係睇緊「舒米高個仔」響度守龍門，睇到肉緊既時候，同以前一樣係咁粗口橫飛。

我有時諗，其實，三字頭既我地，到底有冇長大過？我以前以為，興趣可能會隨住年紀改變，不過當我發現我讀中學果陣又係打緊Winning Eleven，三字頭成家立室之後我都係打緊Winning果陣，我諗，年紀係大左，身體亦都多少開始冇以前咁fit既今日，好多細個既「根」，其實仲響度。

唔同既，係多左責任同承擔。

以前打機溝女踢波扮型既心，仲響度架，只不過今日三字頭既我地，要先供車供樓養全家。搞掂呢d野之後，先可以諗果d埋藏響心底深處既「幼稚」興趣。我越黎越覺得，人唔係因為年紀大，而改變左自己既興趣同喜歡既野，只不過當年紀大左，責任同要承擔既野都越黎越多，有太多野放響個膊頭上面，而你又必須先去處理好呢一堆責任。人既精力同時間有限，當處理好呢d責任之後，你剩返俾自己既時間，其實已經唔多啦。

有個朋友二十出頭果陣，好靚仔架，個個女仔見到佢都眼甘甘。三十之後，變成大肚腩+M字額，總之走晒樣果隻啦。

朋友話，佢其實依然好貪靚，好想好型咁行出街。不過，靚仔要時間去「營造」架！要keep得住，唔駛時不時去做下gym，去做下facial，又去買下新衫？

呢d時間，花唔起啦，佢話。仔細老婆嫩，有時間，搵多兩個錢供樓快d甩身好過啦。個樣跌左watt，冇法啦。

我摸下自己個額頭，頭髮都仲算係幾濃密，心諗，我查實都算幾好彩啦。

我諗，心底既深處呢，我地呢班三字頭，其實都仲係一個大細路。

只不過，我地係一班有承擔既大細路。

http://manincentral.blogspot.com/2007/12/blog-post_16.html

Year 2008 Must Buy Item

Nike Air Zoom Flight 95 Retro

鍾無艷

因為勁歌金曲，　好out 既我第一次聽謝安琪　
吾好再問人地當你是什麼，　你應該知道自己是鍾無艷定夏迎春　

購物慾

近來，　很想去shopping

很多身多物可能已經擁有，　但還是想添置一些新的

前財政師梁錦松 說'人用的錢是有限的,搵的錢不是自己,而洗的錢才是自己的'。

所以我想放縱．．．．．一會兒

請細閱

　　　　　　　　　　　　http://siuhakfans.blogspot.com/2007/12/653188.html

大合照

上星期五, 公司舉行了聖誕聚餐晚宴
全體香港同事員都有出席, 總數共十一人
席間映了一張大合照
(對不起, 相片是不會公開)

在這裡工作了年多, 第一次有一張相是齊人

世界這麼大, 我們的背景完全不同,
卻在這寫字樓相遇

人人想法不同, 從眼神已知一, 二
我沒有能力看到其他人心目中的鬼
我只想簡簡單單過日子

期望下年仍有機會再映一張大合照

Taxi Driver Episode II ~~~ Merry Xmas ( IV )

短訊已經發出一星期，　依然沒有回覆
我都沒有打算再追問下去
就當你沒有收到這短訊吧

十二月二十日，　整個世界都充滿聖誕氣氛
我都過左仍三十幾，四十個聖誕，都無晒感覺

今日駕車來到這商場，到處人來人往
選購禮物
人是活的，商場是死的，倒模而成
只是佈置不同，店舖一樣　

記得你喜歡看書
所以我特意去書店找你，
試圖看看你有沒有出現

我走了一圈，　再一圈
都不見你的身影
認了吧
貴為公眾人物的你那有可能有閒情買書　？

我再向左一望，　真的望見了你，
不過只是你的海報，
其中寫著：
十二月二十三日　　X X X X 賀聖誕
即代表你有公開活動，
你不會參加我們的聚會

其實你參加與否，　我都不大有興趣
何況你不去

我自己都有了自己的決定

(待續)

卡拉之星

　　　 　　　　近年歡樂滿東華之中有一項環節做卡拉之星

　　　　　　　　形式如百萬行一樣，　你要唱歌就要籌款

　　　　　　　　你會見到很多你熟識的面孔但不起得名字的藝員

　　　　　　　　凌晨二時多在你眼前表演

　　　　　　

　　　　　　　　真心話，　誰人有興趣睇？

　　　　　　　　只不過是浪費時間而已　

　　　　　　　

破事兒

《出埃及記》之後．．．

失敗的彭浩翔會做什麼令市場重新接受　？

聖誕節，　年青偶像，　開開心心算啦

你有野想講，簡簡單單算啦，吾係個個都明嫁　

地鐵飛站！我落吾到車返工呀！

港鐵就列車停站不開門交報告[07/12 星期五 12:12]

港鐵一列由荃灣開去中環的列車，今早九時零六分在金鐘站停站但無開門，約六百名乘客受影響，要在中環站落車。港鐵表示，司機未能察覺停車位置有偏差，車門及月台幕門無開啟，司機以為開了門上落客，之後駛去中環，港鐵正調查事件。運輸及房屋局表示，十分關注今次事件，已指示港鐵要求員工提高警覺，並要求港鐵提交調查報告。
Hong Kong Commercial Broadcasting Co. Ltd.Copyright 2007

現場報導：
當時情況十分混亂，一到中環憤怒的搭客立即投訴，　不停問候
中環站職員一頭霧水，　如果我有機係身即刻影底博收番$500
結果我今日遲到左五分鐘

自我幻想

　　　　　　　　　　　　　　因慶賀老朋友開始閱讀本blog
　　　　　　　　　　　　　　　　特出此post 以示答謝

　　　　　　　　　　　　　　　　

本年金曲

今年好似無一D特別　”勁”既流行曲
自己就不斷重複聽這歌
吾係特別好聽，　只你感覺到有一個女孩子講緊佢自己既故事

萬千師奶賀台慶

如果你問我這舞台劇好不好看, 我會說十分好看
但如果你問我好不好笑, 我會說 “不, 不好笑”
因為這是一個悲劇

戲內提及一些香港常見的電視問題
內容空洞, 重複,
效果大於主題
不尊重藝人等等

今年有家產的電視劇
下年有家產的電視劇,
40年後仍然要看家產的電視劇 ?


後記 :
昨晚看電視竟然有一演員穿梭三套劇員之中
我問 :這套劇有此演員嗎
媽說: 9:30啦 是另一套劇
我諗..應該係我的問題

神 探

作為杜琪峰和韋家輝的忠實信徒, “神探”我當然已入場欣賞

要我寫談論這部電影, 足以令我可以寫足一個星期
為避免影響大家欣賞, 所以我決定只簡單寫以下評語

這是一套關於人性的電影, 會令你對自己有所反思
但過程不如一般電影簡單, 如一個不留神便跟不上故事
情節互相緊扣, 所以好多人都係睇吾明

再留意結局部份鏡頭都是有心安排
毫不簡單

特別留意劉青雲的演出, 拍番自己一向拍擋
即時神氣活現, 起碼都有提名

希望他日出DVD時有導演講評，
同埋我覺得康城版係應該吾同

其他評論

http://unklebeach.blogspot.com/2007/11/blog-post_11.html

http://hk.myblog.yahoo.com/ab-jj/article?mid=29

http://appledaily.atnext.com/template/apple_sub/art_main.cfm?iss_id=20071203&sec_id=38167&subsec_id=38173&art_id=10485952&cat_id=760&coln_id=180
http://appledaily.atnext.com/template/apple_sub/art_main.cfm?iss_id=20071204&sec_id=38167&subsec_id=38173&art_id=10490409&cat_id=760&coln_id=180
http://appledaily.atnext.com/template/apple/art_main.cfm?iss_id=20071201&sec_id=462&subsec_id=830&art_id=10481765&cat_id=7371332&coln_id=7371341

http://hongkongfilms.mysinablog.com/index.php?op=ViewArticle&articleId=884177

香港鐵路

　　　　　　　　　2007 年12月2日，我們送走了九鐵，換來了港鐵

　　　　　　　　　

　　　　　　　　　火車是地上行走，往大陸的交通工具

　　　　　　　　　地鐵是地下行走，往香港島的交通工具

　　　　　　　　　這是我一直由小至今的認知

　　　　　　　　　

　　　　　　　　　再見旺角火車站！你的新名字是旺角東站！

　　　　　　　　　這是我唯一不習慣的地方

　　　　　　　　　

Best Selling Secret

熟我的朋友都知道，　
我日日都罵無線，可能同匯豐一樣
愛之深，恨之切

如今只係　”同事三分親”我都會追看
如果miss 左我會B/T 睇番

無線的處境喜劇發展左甘多年
永遠都係一家人生活軼事，
開頭因一個誤會，你以為我甘，我以為你甘，之後解釋誤會，完場！
劇情毫無進展

同事三分親只寫字樓做背景，令自己有共嗚
除主角外，配角偶然都有一集講自己既劇情

公司內你認識只係８個小時既我，
離開大門之後則是另一個我

劇集都會提及愛情的範疇
這是我最欣賞的部份
不是專業人仕用資格戀來戀去
人人都有自己的故事

十二月

十二月一日　睛

好多人都鍾意１２月，
聖誕節，除夕，

吃渴玩樂，玩左先講

但，有沒有發覺
不是人人都這麼幸福

曾經在聖誕假參加過一個旅行團
有一個女團友是臨時報名
一個人和我們一起到泰國

見她偶然會打長途電話，
似是公事或是私事

和我們談天，她的笑容只是一種禮貌的表現
不是真心的歡樂　

見她一個人，心中不是味兒

節目氣氛可以是快樂
同時可以換來空虛和死寂
足以令人致命

願大家十二月過得暢快

番來啦！

　　　　　　　　　　　360 我終於換左機
　　　　　　　　　　　只是一部番新機，　希望可以捱到聖誕假

　　　　　　　　　　　Winning 真係未買，劣評如潮加上網勁　lag
　　　　　　　　　　　(PS3 更差)　
　　　　　　　　　　　＄４４０點買到落手
　　　　　　　　　　　如果．．．．
　　　　　　　　　　　＄３００即買　！C7 等我呀！　
　　　　　　　　　

Taxi Driver Episode II ~~~ Merry Xmas ( III )

佢都會去　？
" Y Y “都會去　？

這問題，　在我腦內纏繞了幾天　

把心一橫，試試重新開啟動我的FACEBOOK 賬戶
找尋答案

重新登入網頁, 版面已經改晒
看一看日子, 原來已有三年沒有回來
立即查閱 “INBOX “, 有一封３日前
由舊校學生會發出 寄出的邀請函

日期　１２月２３日
時間　晚上　７：００
地點　沙田遊樂場
以下人仕已參加，　你呢?

第一時間找尋你的名字
一頁，　一頁，　再一頁
都是找不到．　
算了吧，己是公眾人物的你怎會在此留言？　
你何以有時間出席這坊間活動?

在看參加名單的同時，　
看見很多熟悉的名字，
但十多年後大家樣貌都不同了
自己的改變永遠不大

有部份我仍然聯絡，
但大部份己石沉大海
一個階段過去後
他們只是我人生的一過客
沒有留戀，　沒有依戀
就由當日的我活在中學時期

Facebook 找不到答案，
既然短訊己寫好，我決定寄出
只望不知在何方的你會收到　，
及
給我一個回覆　　

不想睡

從前只有星期日晚不想去睡

如今不知因何
情況加劇
一至五晚都
寧願無無聊聊呆看電影台


可能，　我需要一點寧靜，　一些私人空間　

Taxi Driver Episode II ~~~ Merry Xmas ( II )

短訊早已寫好，但仍留在電子手賬內，

沒有寄出
沒有心去寄出
沒有力去寄出

我駕車由IFC 走到　Elements
一個客都無，今天註定食白果，
在的士站等了四十五分鐘，　

我第一個客出現，
“小姐，　去邊　？”
“中環，　IFC Tower IV , Thank You “

我心諗“真黑仔，要番轉頭，吹漲”

個女仔幾靓，有D眼熟，不過我吾肯定識吾識佢
所以無同佢講野，反而，
佢認得我　

“肥B，肥B，我係阿XX 呀！”
“邊位呀　？”
“阿XX呀，　中學同你同班呢．．．”

甘既情況，　我平時一定係 b) 視而不見
http://hk.myblog.yahoo.com/infiniteland-1972/article?mid=23505

但係車上，無位走，算啦，硬住頭皮

”係呀．．你好"

"　你學人做的士司機呀　？甘攪笑”
”係呀．．係呀．”
”你收吾到facebook 既信，舊生會攪聖誕BBQ 呀”
“Face book ．．．．我幾年無用啦，仲興嫁？”
“係呀，12 月23 號，係遊樂場攪”　
“哦，　睇下情況啦”
“我check 過啦，　好多人去bor” .
“連做左明星個女同學，　YY 都會黎　”
“佢都去　？？　”

我面色一沉，諗左一陣，我應吾應該去今次既活動呢　？

不 通 的 識

甲 ： 你 是 杰 丁 嗎 ？

乙 ： 不 ， 我 是 斯 雷 奧 斯 。

你 不 會 相 信 以 上 的 對 話 ， 是 某 電 影 的 字 幕 翻 譯 ， 而 英 語 原 句 是 ：

甲 ： Are you kidding?

乙 ： No, I'm serious.
（ 邁 克 要 暈 倒 了 ）

是 朋 友 告 訴 我 的 千 真 萬 確 第 一 手 見 聞 。 （ 年 多 前 吧 ？ ） 他 去 內地 公 幹 ， 不 是 什 麼 大 都 會 大 城 鎮 ， 但 那 小 城 市 小 酒 店 的 「 豪 華 」 房 間 竟 然 提 供 電 影 娛 樂 ， 一系 列 燕 瘦 環 肥 荷 李 活 製 作 盛 情 拳 拳 中 央 放 送 到 房 間 電 視 ， 還 體 貼 配 有 中 文 字 幕 的 。 詭 異 的 是有 中 文 字 幕 的 英 文 片 ， 反 而 更 難 明 ！ 真 是 色 即 是 空 ， 照 道 理 這 離 奇 經 歷 ， 醍 醐 灌 頂 ， 該 足 夠令 他 頓 悟 點 什 麼 ， 起 碼 應 一 反 常 性 抱 歉 還 給 我 多 年 來有 借 冇 還 的 大 量 書 本 、 CDs 及 DVDs 才對 。

電 影 ， 其 實 時 常 讓 我 們 學 到 很 多 超 越 書 本 、 超 出 人 類 知 識 、 常識 範 疇 的 識 ， 這 些 不 常 的 識 、 非 常 的 識 ， 拈 來 一 些 大 家 參 酌 參 酌 ：

1. 讚 ， 是 會令 電 腦 壞 的 。 任 何 超 高 科 技 電 腦 / 保 安 系 統 ， 一 旦 被 強 調 其 如 何如 何 無 敵 堅 牢 不 可 破 ， 下 一 鏡 通 常 就 會 變 豆 腐 ， 話 口 未 完 即 時 出 事 。 所 以 ， 別 讚 它 。

2. 任 何 筆 記本 型 電 腦 ， 都 足 以 入 侵 及 攻 破 天 下 最 強 的 電 腦 系 統 ， 外 星 人 的 科 技 呀 、 UFO 飛 碟 呀 ， 都 得 ！

3. 只 要 你 是主 角 ， 在 拆 炸 彈 時 賭 運 瞎 剪 任 何 一 條 電 線 算 數 好 了 ， 反 正 一 定 不 會 爆 的 。

4. 只 要 你 夠靚 、 又 金 髮 又 身 材 正 ， 22 歲 就 可 成 為 世 界 核 子 能 權 威 。

5. 將 要 「 咬長 糧 」 的 盡 忠 職 守 老 差 骨 之 死 亡 高 期 是 退 休 前 一 星期 ， 好 易 死 的 。

6. 警 務 人 員在 停 職 期 間 ， 破 案 效 率 才 特 高 ， 不 信 你 可 問 問 成 龍 。

7. 在 床 上 ，男 人 蓋 被 的 指 定 水 位 是 腰 以 下 ， 女 人 則 是 蓋 到 胸 以 上 腋 窩 下 。

8. 只 要 把 長髮 一 散 下 和 除 掉 黑 框 眼 鏡 ， 女 人 就 會 靚 十 倍 至 廿 倍 不 等 。

9. 所 有 人 去超 市 買 ， 一 定 至 少 買 一條 french bread ， 一 定 斜 插 在 購 物 袋 。

10. 沒 有 女 人， 男 人 不 懂 痛 。 動 作 英 雄 大 男 人 ， 頭 可 爆 骨 可 折 槍 可 中 牙 可 被 打 脫 浴 血 重 傷 而 不 哼 半 聲 ， 但女 人 一 替 他 洗 傷 口 就 呱 呱 大 叫 痛 ， 極 懂 撒 嬌 。

11. 癡 情 士 兵最 易 死 。 在 前 線 作 戰 ， 凡 拿 女 友 的 信 或 照 片 出 來 睹 物 思 人 或 給 同 袍 看 的 ， 準 死 。

12. 重 傷 垂 死的 人 ， 例 牌 帶 半 個 秘 密 半 邊 線 索 陪 自 己 上 路 ， 遺 言 遺 hints ， 永不 完 全 ， 真 正 死 都 唔 益 你 。

無 的 電 視 劇 也 有 另類 通 識 學 ：

1. 任 何 人 大發 脾 氣 ， 都 要 「 掃 貨 」 ， 一 定 要 把 上 的 東 西 全 部 掃走 。

2. 任 何 病 、大 小 撞 擊 震 盪 刺 激 、 車 禍 水 禍 ， 都 會 令 人 變 成 植 物 人 。 變 植 物 人 和 患 上 感 冒 的 或 然 率 ， 大 致相 同 ， 都 是 很 易 的 。

3. 所 有 法 官都 是 的 ， 任 由 律 師 和證 人 發 癲 、 玩 晒 。

4. 所 有 罪 犯其 實 很 誠 實 ， 喜 歡 「 自 爆 」 ， 一 五 一 十 把 自 己 的 犯 罪 過 程 講 解 一 次 ， 十 分 之 user-friendly 。

5. 本 市 各 階層 所 有 職 業 不 論 性 別 不 理 年 紀 不 分 劇 種 的 人 士 ， 從 沒 有 大 小 角 色 會 在 對 白 中 談 到 政 治 、 民 生。 斯 雷 奧 斯 ， 不 是 杰 丁 。

下載PDA版我的意見
(畢明(廣告腦作總監/影評人))
電郵： budming@yahoo.com

Hongkongwalker Magazine

買雜誌，儲雜誌

可能只因一個封面，　一張相

周生做封面，不用考慮吧

Thanksgiving

多謝美國休市及四叔的帶領，　香港股市總算定了下來

美國休市，　因為一個節日　：Thanksgiving Day
於是上維基查一查什麼是：　感恩節

感恩這兩個字，真的需要放在心

不如，香港取消七．一假期，　改為　放感恩節

六神合体

　　　　　　　　　　　　　　　　　　六神合体

　　　　　　　　　　　　我第一盒超合金，係旺角買，
　　　　　　　　　　　　二十幾年之後，　係旺角再買　？
　　　　　　　　　　　　　　　

女 人 為 甚 麼 愛 瘦

有 個 男 人 ， 評 論 女 人 肥 瘦 的 時 候 ， 用 詞 很 刻 薄 ：
「 五 官 OK ， 可 惜 偏 瘦 ， 大 腿 和 小 腿 一 樣 粗 ， 像 從 來 沒 吃 過 一 頓 飽 飯 ， 看 讓 人 難 受 。 」

「 模 樣 已 經 不 濟 ， 還 要 拚 命 減 肥 ， 活 像 餓 鬼 轉 世 ， 具 驚 嚇 氣 質 。 」

男 人 其 實 並 不 喜 歡 過 瘦 的 女 人 ， 否 則 ， 他 們 也 不 會 有 「 咪 咪 情 意 結 」 了 。 面 部 完 全 沒 有 脂 肪 的 女 人 ， 氣 質 未 免 過 於 冷 峻 ， 有 一 股 不 食 人 間 煙 火 的 生 硬 ， 也 有 一 點 點 拒 人 千 里 的 漠 然 ， 讓 男 人 覺 得 不 易 親 近 。

原 來 ， 女 人 愈 變 愈 瘦 ， 元 兇 並 非 男 人 ， 卻 是 女 人 自 己 。 女 人 天 生 貪 靚 ， 只 是 「 靚 」 這 個 東 西 ， 跟 個 人 努 力 無 關 ， 得 來 全 不 費 工 夫 。 讓 習 慣 了 自 我 奮 鬥 、 自 給 自 足 、 責 任 自 負 的 現 代 女 人 無 從 力 。 後 來 ， 就 有 了 「 瘦 等 於 靚 」 的 定 律 ， 而 「 瘦 」 跟 「 靚 」 不 一 樣 ， 「 瘦 」 是 可 以 通 過 個 人 努 力 得 到 的 ， 且 付 出 與 收 入 成 正 比 ， 愈 努 力 減 肥 愈 自 我 克 制 ， 體 重 下 降 的 速 度 便 愈 快 。 如 果 說 「 靚 」 是 世 襲 的 ， 那 麼 「 瘦 」 便 打 破 了 世 襲 的 不 公 平 ， 是 英 雄 不 問 出 處 ， 承 認 個 人 奮 鬥 改 變 命 運 。 一 個 天 生 醜 陋 的 女 人 靠 不 懈 的 努 力 餓 成 一 副 衣 架 ， 成 為 同 性 矚 目 的 焦 點 。

女 人 愛 瘦 ， 說 穿 了 有 一 點 點 悲 哀 ， 個 人 力 量 弱 小 ， 我 們 有 太 多 世 襲 的 不 公 平 無 法 打 破 ， 只 能 捨 難 取 易 ， 跟 自 己 的 脂 肪 過 不 去 。

下載PDA版 我的意見
(高慧然)
電郵： kowaiyin2004@yahoo.com.hk

Taxi Driver Episode II ~~~ Merry Xmas ( I )

揸左的士都有幾年時間，　生意越來越難做
區區都有　”鐵”，人人都搭　”鐵　”
”66”　的任務早已完結，　變成地產商，賣樓去

我樂得清閑，日日望天打掛，望上海邊的廣告板，　
竟然發現你，　你已是演藝中的一顆明星，
我仍在渾渾噩噩一事無成

找人總需要一個目的，　一個原因，
相隔這麼多年，如何去找一個借口？

就在這一個聖誕節，　發一個短訊給活在我心中的你，　好嗎　？







　

第一部電話

廣告中還有我第一部手提電話
Nokia 8110 GSM Version
機價不大記得清楚
月費大約＄３９０　一佰分鐘
連秘書服務　佰多元　，　
實在貴的離譜

一直都喜愛這電話的外型
放在後袋貼在pet pet
剛剛好

我本想一直保留此機
但借給他人後竟給人偷了
我的賠償是一張$500 紙幣

$500 紙幣，　可以換來一段共同相處的日子嗎　？

愛的呼喚 （貳）

想當年我十分討論這廣告，　人人都話新的女孩子如何漂亮
我異常反感，　我堅持舊的好　

人，　不可以太容易三心兩意

今日重看，　竟然發現　Ivy 係蒙嘉慧

這情形是我今時今日穿才發現，　自己的taste 是如此老土

我在這廣告中，　發現另一件我曾經擁有的舊物．．．．

愛的呼喚

Facebook 的文章

替BB投資 從懷胎開始股壇辣椒胡孟青 2007年11月11日

【明報專訊】養兒育女是無法預計風險與回報的長線投資，你會如何部署呢？

「股壇小辣椒」胡孟青，縱橫金融財經界十多年，機關算盡，為了兒子卻甘願不斷注資。她為生仔而結婚、因有喜而辭去高薪厚職，孩子未出生已開始張羅大學學費，預備21歲的生日禮物──人壽保險，讓寶貝仔得到終身保障。

咪前，財經名嘴胡孟青(青姐)痛罵無知股民毫不留情，師奶炒股望她指點迷津，卻連公司名也說錯，她以沒尾音的聲線回敬：「你究竟知唔知自己買緊乜？」；咪後，這位「辣媽」卻是個偉大慈母，行動說明了一切──

她和男友拍拖14年，同居多時，為了生孩子，36歲拉埋天窗，38歲懷第一胎，卻不幸小產。

因工作小產 為BB放棄事業

青姐輕鬆地說：「04年在高信證券工作時，個個星期飛上大陸睇廠，從北京坐車到天津的途上，兩個月大的BB震到無。」打擊是否很大？「大！眼濕濕啦！」她答。她轉了工，告別披星戴月的日子。「小產前我每個周末也不在家，望番轉頭，搞到咁忙為乜呢？開始多放些時間在家庭上。」再度懷孕後，她即時辭掉匯豐金融服務副總裁的工作，放棄如日方中的事業。「無可惜喎！做到死都有得你做啦！但BB的成長卻不容易親眼見證，這幾年很重要。我說話雖然『倔』，但都有人情味的。」

她現時以獨立股評人身分兼職做主持，但仍要朝九晚七工作，跟做全職一樣忙碌。她晚上9時睡覺，凌晨3時起看美股與海外評論，到5時再睡片刻，7時起看香港新聞，9時到電台開咪，下午3時再到電視台主持節目，晚上7時收工。

兒子Adrian已16個月大，但這位在職媽媽不請外傭，返工煮飯湊仔洗衫一腳踢，只靠母親幫忙，堪稱鐵人。「可以在家做準備功夫，能夠趁午膳空檔回家看BB已很好了。」她道。
話雖如此，股評人媽媽分身乏術，試過湊仔返工而惹來批評。

帶兒子做節目惹聽眾不滿

有一次，因家中有急事，青姐被迫要帶兒子到電台。她在直播室內開咪，注視大市、訪問嘉賓之際，赫然看見睡醒了的兒子在外面不斷跌跌撞撞，仆倒在地也無人理會，既心急又心痛，但要尊重嘉賓，甚至不敢經常偷看。她把兒子帶進了直播室，聽眾卻投訴。「他說聽到BB聲，煩住佢，我已做足準備功夫，又解答了他的問題，BB只是『咦』一聲，發出少少雜音，又沒哭沒『扭計』。香港人日日炒，眼中只有錢，連這樣也無法包容，這些人有冇人性？我自己好少炒股，有時明知實得都懶得買，反而買基金，因為心思都放在聽眾上。」青姐帶點激動地說。

胡孟青護子情切，為了日後的教育開支，懷胎時已作出了種種投資部署。「你要預算每月開支，豐儉由人，有人請3個工人照顧一個BB，但我寧願花在供書教學上，讓他多參與課外活動，學拼音、學樂器，發掘興趣。」

她購買了一份人壽加儲蓄保險作為教育基金，月供港幣3700元，供19年，到第19年可提取港幣150萬。她為BB設想了教育藍圖：「讀大學是社會的要求，不是我的要求。首先，要預計他會在本地還是海外升讀大學，讀3年還是4年，隨通脹，19年後的學費大概要多少。我的責任是照顧他到完成大學為止。」

她還替兒子預備好21歲的生日禮物，買了一份純人壽保險，這份保險為1至15歲兒童而設，年供$12000，分10年供款，保額為10萬美元，21歲時將保單的擁有權轉移至他名下，讓兒子享有終身人壽保障，獨立後可因應需要加大保額。

與BB夾份買股票

作為緊貼大市的股評人，青姐還將兒子的數萬元利市錢，跟自己夾份買股票。「買藍籌、國企慢慢把資金增值；他年紀小，可以炒高風險的股份，但絕對不是細價股。現在連國企的波幅也這樣大，使鬼炒細價股咩？」她道。

在金錢上，她計劃周到；但在選校問題上，她卻不會強求。青姐說，只想兒子做個好人，健康快樂，幹自己喜歡幹的事。嘉諾撒聖瑪利書院出身的她，想兒子讀本地名校多於國際學校，但會隨遇而安。她說：「現在的國際學校也不是很國際，個個扮鬼佬，中國人講英文！

「要仔女讀貴族幼稚園，說穿了，不過是自己想多結識些有錢人罷了！

「搞到自己成個緊張大師咁，一時問定小學，一時問定中學，父母計劃得太多，無用！我會揀近屋企的學校，教學模式具啟發性是首要條件。」

青姐主觀，不時在節目中『窒』小股民，不怕兒子有樣學樣嗎？她想了想道：「我會教他，做人要光明磊落，理直氣壯，不怕伸張正義，也不用怕事。我也不是個個鬧，你問我silly question，是否想我答stupid answer？買了才問公司有冇前景，乜唔係見有前景才買的嗎？」

她最後強調：「做父母，最低限度要有心理準備，將來每月要花數千元供保險、數千元日常開支、給照顧BB的母親零用錢。要有能力應付這筆開支，否則便不要搞出人命。」

胡孟青小檔案 2007年11月11日

【明報專訊】英國列斯特大學經濟學士、香港城市大學財務碩士，曾任中銀集團保險投資部主管、高信集團控股副總經理、高信證券交易董事、匯豐金融服務副總裁。現為新城財經台、有線電視節目主持，香港財經資訊顧問有限公司董事。

青姐忠告：買股票 買你認識的企業 2007年11月11日

【明報專訊】為育兒基金未雨綢繆，青姐建議分散投資，平衡風險。香港人全民皆股，近日股市又風高浪急，她卻非常篤定：

「怕股災的通常是炒家，過去20年試過兩、三次股災，但87年買入的穩陣股票跟現時相比，你看增長多厲害，匯豐不會因為股災而『執笠』。長遠來說，股票的投資是會跑贏的，因為公司會有成長。

「但大前提是量力而為，唔識唔好亂買，正如股神畢菲特所說，買些你自己也認識的企業、國家扶持的企業。香港有印度的ETF(Exchange Traded Fund，交易所買賣基金)買，這些較易出入。即使把投資全盤交託給基金經理，也要看看是否認同他的投資策略，看他正在注意什麼市場，如他很爛炒，交易費就要你替他付了。

「每人都有一個故事，同一種投資取向不適用於所有人。唔識就唔好周圍問，有人可以完全不買股票也能生存，不投資不會死的。」她的忠告，雖說是老生常談，卻也是真理。

再會大黃蜂 bumblebee

早幾日收到風，會出番　bumblebee　X 2 既BOX SET 行貨
$3XX, 價錢合理，於是放工立即去搵

行左兩日，都未找到，本想放棄

即日靈光一閃！沙田大眾書局有無呢？　

皇天不負有心人！真係有呀！
無bumblebee　X 2 既BOX SETS
不過只係一隻０８年既　bumblebee,剩番兩盒，
行貨原價，只需＄１２９．９，旺角仲炒$23X-$26X 仲要無貨！
即俾吾需講野！

我自己一向都鍾意戈柏文，　不過看完夾套戲之後，
全世界即對大黃蜂加分，我唯有跟全世界走啦！

我屋企的玩具的下場多數都係吾會扣拆盒，　永久保存
唯有偷左人地網站幾張圖，表達到個”型”既感覺！

挾 持 人 誌 ： 星 爺 吸 老 臨 精 華 成 就 喜 劇 之 王

挾 持 人 誌 ： 星 爺 吸 老 臨 精 華 成 就 喜 劇 之 王

【 第 九 話 ． 周 星 馳 電 影 中 的 小 人 物 】 45 歲 的 李 力 持 ， 現 為 香 港 導 演 、 編 劇 及 演 員 ， 曾 擔 任 電 視 台 導 演 、 編 劇 和 監 製 ， 作 品 包 括 《 蓋 世 豪 俠 》 和 《 他 來 自 江 湖 》 ， 91 年 轉 投 電 影 圈 擔 任 導 演 和 編 劇 ， 與 周 星 馳 合 作 無 間 ， 如 《 唐 伯 虎 點 秋 香 》 、 《 食 神 》 、 《 喜 劇 之 王 》 和 《 少 林 足 球 》 等 ， 及 曾 主 持 《 嘩 嘩 嘩 ！ 打 到 》 等 電 台 節 目 。

周 星 馳 的 喜 劇 之 所 以 能 百 看 不 厭 ， 是 因 為 電 影 除 了 主 角 炮 製 笑 料 外 ， 星 爺 身 邊 的 騎 呢 小 人 物 ， 皆 渾 身 是 戲 ， 發 揮 綠 葉 本 色 爆 笑 出 位 ， 且 由 李 力 持 一 一 介 紹 他 們 出 場 。

仙 人 求 ─ ─ 尹 天 仇 真 人 辦
《 喜 劇 之 王 》 有 一 個 秘 密 ， 周 星 馳 片 中 飾 演 的 茄 喱 啡 尹 天 仇 ， 其 實 是 模 仿 名 叫 仙 人 求 （ 藝 名 ） 的 特 約 演 員 ， 他 也 有 份 參 與 《 喜 劇 之 王 》 演 出 。 仙 人 求 小 時 候 便 在 荔 園 表 演 ， 從 小 醉 心 表 演 藝 術 ， 閒 時 睇 書 鑽 研 演 技 ， 但 無 論 他 如 何 努 力 ， 到 今 時 今 日 仍 然 是 個 特 約 。

《 喜 劇 之 王 》 中 的 尹 天 仇 （ 圖 ） ， 無 論 言 行 舉 止 ， 抑 或 蛋 撻 頭 西 裝 look ， 都 似 足 仙 人 求 。

仙 人 求

憶 往 事 度 對 白
仙 人 求 為 人 很 古 靈 精 怪 ， 言 行 舉 止 亦 怪 怪 ， 喜 歡 到 處 撩 人 傾 偈 ， 探 討 演 技 ， 我 們 每 一 天 開 工 也 會 book 他 到 場 ， 度 對 白 的 時 候 ， 我 們 都 會 先 找 仙 人 求 吹 水 ， 問 他 小 時 候 在 荔 園 表 演 的 往 事 、 如 何 載 歌 載 舞 、 如 何 對 演 戲 不 離 不 棄 ， 以 及 跟 他 談 論 俄 國 戲 劇 大 師 史 坦 尼 斯 拉 夫 斯 基 等 等 。 尹 天 仇 有 部 份 對 白 ， 都 是 從 仙 人 求 口 中 套 出 來 。 有 時 去 到 某 些 場 口 ， 我 們 更 會 叫 仙 人 求 試 做 一 次 ， 而 周 星 馳 則 在 旁 觀 察 、 模 仿 。 我 不 是 在 說 周 星 馳 抄 襲 ， 作 為 導 演 和 演 員 ， 其 實 經 常 會 用 這 個 方 法 ， 參 考 一 些 真 人 個 案 ， 然 後 把 他 們 特 質 放 入 自 己 電 影 中 使 用 一 樣 。

甜 筒 輝 ─ ─ 熱 血 編 劇 有 火

外 貌 戇 直 惹 笑 的 鄭 文 輝 ， 首 度 演 出 便 令 人 留 下 深 刻 印 象 。

他 是 一 個 奇 人 ， 原 本 在 銀 行 打 工 ， 收 入 安 穩 ， 但 又 是 個 電 影 發 燒 友 ， 儲 了 幾 年 錢 後 ， 說 希 望 跟 我 學 ， 於 是 我 帶 他 入 行 ， 在 永 盛 開 拍 的 《 十 兄 弟 》 跟 我 做 編 劇 ； 之 後 《 喜 劇 之 王 》 我 又 找 他 幫 手 度 橋 ， 見 他 樣 子 蠻 得 意 ， 尤 如 一 個 熱 血 青 年 ， 於 是 給 他 演 戲 機 會 ， 結 果 演 出 效 果 不 俗 。 甜 筒 輝 （ 鄭 文 輝 ） 醉 心 編 劇 工 作 ， 本 身 有 火 ， 結 果 我 們 給 他 一 撻 即 ， 後 來 他 推 出 的 漫 畫 《 撚 人 王 》 亦 相 當 成 功 。

林 子 善 ─ ─ 刀 疤 洪 爺 搞 鬼
有 份 在 《 奸 人 堅 》 中 演 出 的 林 子 善 ， 跟 李 思 捷 一 樣 是 《 喜 劇 之 王 》 訓 練 班 出 身 ， 在 商 台 門 口 排 隊 表 演 ， 當 日 他 已 經 撚 起 把 聲 扮 洪 爺 ， 班 中 成 績 位 列 前 茅 ， 我 們 一 見 他 已 禁 不 住 說 ： 「 嘩 ， 咁 犀 利 ！ 」 所 以 給 他 機 會 在 《 喜 劇 之 王 》 演 出 。 至 於 子 善 身 上 那 條 刀 痕 是 真 的 ， 當 年 因 為 做 了 盲 腸 手 術 而 留 下 疤 痕 。 子 善 不 但 醉 心 演 戲 ， 他 跳 舞 更 相 當 了 得 ， 除 擅 長 模 仿 米 高 積 遜 的 moonwalk 舞 步 外 ， 更 會 跳 jazz 。
有 時 作 為 導 演 ， 見 到 他 這 類 演 員 是 很 開 心 的 ， 因 為 不 是 純 粹 我 們 度 給 他 去 演 ， 而 是 我 們 給 他 一 些 東 西 ， 他 回 家 後 會 慢 慢 自 度 。 拍 戲 現 場 ， 他 講 說 話 也 是 很 古 靈 精 怪 ， 有 時 周 星 馳 聽 到 ， 都 會 在 他 身 上 找 些 靈 感 。

林 子 善 在 《 喜 劇 之 王 》 中 飾 演 小 惡 爺 ， 幸 受 星 爺 感 化 ， 改 邪 歸 正 。

馮 勉 恆 ─ ─ 演 戲 度 橋 皆 通
在 《 少 林 足 球 》 中 飾 演 汽 車 維 修 員 的 他 又 是 另 外 一 個 熱 血 青 年 ， 跟 甜 筒 輝 一 樣 ， 都 是 個 十 分 節 儉 、 苦 幹 的 人 ， 很 有 毅 力 。 當 年 我 為 商 台 主 持 《 嘩 嘩 嘩 ！ 打 到 ！ 》 ， 他 半 夜 等 我 收 工 ， 把 自 己 寫 好 的 劇 本 給 我 說 ： 「 導 演 ， 你 睇 睇 啦 ！ 」 見 他 一 腔 熱 誠 ， 我 便 問 他 有 沒 有 經 濟 負 擔 ， 知 道 他 跟 甜 筒 輝 一 樣 沒 有 ， 我 才 收 了 他 做 徒 弟 。

馮 勉 恆 無 論 在 《 少 林 足 球 》 或 《 喜 劇 之 王 》 （ 圖 ） 中 ， 均 能 發 揮 其 賤 男 本 色 ， 極 盡 搞 笑 之 能 事 。

《 少 林 足 球 》

外 形 得 意
因 為 入 行 初 時 ， 我 沒 甚 麼 錢 可 以 給 他 ， 就 算 他 辛 苦 寫 好 的 劇 本 ， 我 們 也 未 必 合 用 。 由 於 恆 仔 的 外 形 得 意 ， 《 喜 劇 之 王 》 便 找 他 做 個 表 面 善 良 的 書 生 ， 呃 了 張 芝 的 初 戀 ， 之 後 又 安 排 他 在 《 少 林 足 球 》 中 做 汽 車 維 修 員 。 我 知 道 今 日 他 仍 有 幫 周 星 馳 度 橋 ， 見 他 跟 甜 筒 輝 一 樣 能 達 成 自 己 志 向 ， 當 然 戥 這 班 後 生 仔 高 興 。
口 述 ： 李 力 持
筆 錄 ： 戴 彩 煥
本 欄 逢 周 四 刊 出

神探

三級片 + 劉青雲 + 韋家輝
一字記之 "睇"

通 緝 人 士

某天午膳，　與同事們討論起上星期一宗情殺案
難以置信的專業罪行

但有沒有人看過行犯者的面貌　？

我們開始研究因何沒有拼圖或其他資料，
就如外國的情況一樣

今日用了小小時間上警方的網頁查看
（我真無聊～～～！！！）
發現通緝人士的網頁，　只是更新至０７年４月２３日
所以找不到資料

我相信都沒有機會找到此人
或者已經離開香港

因為自己的錯，遠行他方，這責任就可不需要負上?
我相信天理循環，是你的，就必然是你

十年人事 (Vocal by 陶傑)

07. 十年人事 Vocal By陶傑

Composed By: DJ Tommy
Lyric: C君
Vocal By:陶傑

*七一的晚上　煙花多漂亮
獅子山腳下突然過十年太漫長
漂忽的政治　消失的偶像
獅子山腳下步行過十年到夕陽

回歸十年　突然　諗返起以前
五十年不變到底有無退現
第一年o既煙花匯演特別美艷
但係經濟狀況已經大不如前
係董生腳頭唔好　定係咁o岩金融風暴
o的新聞仲報導　呢十年香港幾好
我o地有幾好你o地點會知道
o的師奶都越o黎越慳
打工仔又老奉加班
幾多個人曾經係負資產
幾多大學生人工唔過一萬
一蚊一隻雞都無人夠膽　出街食晚飯
畢業就等於失業
十年人事幾番新　十年過得幾艱辛
有人捍衛到個髮型捍衛唔到民心
熱烈慶祝回歸　有邊個會咁諗
哥哥　梅姐　霑叔　羅文
失業　SARS　通縮　流感
過去十年有太多唔開心
事到如今　靈灰閣都無預你同我o個份
或者應份　俾o的掌聲我o地各位香港人

Repeat*

原來突然眨下眼　咁就過左十年
以前仲係中學生　今日要出o黎搵錢
每一年o既煙花匯演都係一個紀念
紀念　公眾假期多幾天
係曾生腳頭幾好
定係佢無夾硬　無事搵事o黎做
近年經濟轉好　大定行返舊路
望住股票指數
有得搵就好搵搵一陣就好搵過你打幾份工
內地勞工　今日變身自由人
o黎到香港自由行　每個人洗幾千蚊
難怪咁多人要爭相回流掘金
以前有事走去　今日無事返番o黎
佢o地有無當過香港地係佢o既屋企
皇后碼頭要拆
灣仔o個條印刷街又要拆
會變成乜o野風格
維多利亞海港　每年都transform
好似變形金剛　變成維多利亞河
河o既對面有座山　山下面燈光燦爛
七百萬人男男女女　有你同我　我同佢
七百萬人來來去去　有你同我　我同佢

Repeat*




(plug D 有共鳴既歌好過風生水起啦）

歡樂今宵

不知因何,無線再做歡樂今宵

對於我們的上一代, 他們很高興能夠看見那些昔日的片段
懷念過去

我們這一代, 因為沒有之前的回憶,所以對此節目的評價
十分負面, 特別是那些重做節目,
真的”吾做好過做”

夠了, 真的夠了, 我需要一些寧靜

不過點解無 盧海鵬 呢 ?
我由細到大的押韻都是由他而來
日日食個橙, 吾會眼攤攤

幾時出

正能量

一個人，　叫做個體
一班人，　叫做群體

由於我們的背景經驗等等種種原因
人與人之間總有不同的想法，
就會做成誤會，　恨恕，　
整個群體充滿負面氣氛，命不久己

治標可以是除去壞細胞
治本呢?

我們需要正能量，　把個群體重回正途
行多一步，走多一步，令迷途的人明白
由小小的我開始，　再擴大至身邊的人

太理想了吧！我是　”永遠的好友”

一分鐘

都是舊的好

心有不甘

人越大，　腦內越多問題
想改變，　想革命，　想東想西

既然想了再想，自然會付諸行動

要成功，　自然需要一點勇氣
博一博，　無可厚非

但是否需要計劃和考慮呢？

衝，　衝，　衝，　一路向前走，　遇到阻礙，　回頭太難
跌入困局，我應該救你或自救？

你有你理想，　我有我夢想
因何需要用我的快樂成就你的幸福？

我不甘心

嘉 禾

嘉 禾 的 創 辦 人 之 一 及 大 股 東 鄒 文 懷 先 生 日 前 宣 佈 已 將 所 有 股 權 出 售 ， 標 誌 這 位 一 代 電 影 大 亨 正 式 退 出 香 港 電 影 工 業 。

嘉 禾 公 司 於 1970 年 成 立 ， 幾 位 巨 頭 懂 電 影 、 具 遠 見 、 有 魄 力 ， 深 明 電 影 除 了 質 ， 量 也 重 要 ， 若 每 年 只 製 作 少 量 電 影 ， 創 造 奇 跡 的 機 會 不 大 ， 但 若 數 量 足 夠 ， 一 籃 子 電 影 當 中 ， 往 往 有 幾 齣 能 脫 穎 而 出 ， 不 單 在 本 土 叫 好 叫 座 ， 也 能 蜚 聲 國 際 。 嘉 禾 曾 創 造 多 個 電 影 神 話 ， 李 小 龍 、 成 龍 、 《 忍 者 》 均 獲 得 空 前 成 功 ， 亦 憑 藉 這 些 電 影 在 國 際 電 影 市 場 建 立 了 地 位 與 發 行 網 絡 。

外 地 市 場 雖 重 要 ， 但 嘉 禾 一 直 高 度 重 視 本 地 市 場 ， 領 導 層 相 信 影 片 一 定 要 先 受 到 本 地 觀 眾 愛 戴 ， 那 才 有 機 會 衝 出 鯉 魚 門 ， 開 拓 外 地 市 場 ， 嘉 禾 製 作 的 電 影 曾 十 多 次 刷 新 香 港 票 房 紀 錄 ， 兼 是 賀 歲 片 票 房 的 台 柱 ， 為 何 我 這 樣 清 楚 ？ 因 我 曾 在 嘉 禾 工 作 過 幾 年 （ 年 資 遠 不 及 蔡 瀾 先 生 ， 渴 望 看 到 由 他 寫 嘉 禾 的 文 章 ） ， 也 是 看 嘉 禾 電 影 長 大 的 。

嘉 禾 的 宗 旨 一 向 是 製 作 高 質 素 娛 樂 片 ， 但 近 年 銳 意 減 產 ， 大 部 份 精 力 投 入 搞 香 港 及 內 地 電 影 院 ， 與 此 同 時 ， 本 地 其 他 製 片 商 亦 減 少 了 投 資 以 娛 樂 掛 帥 的 電 影 ， 相 對 地 一 些 藝 術 性 較 重 的 獎 戲 數 量 增 多 了 ， 回 看 香 港 的 電 影 黃 金 期 ， 電 影 十 居 其 九 重 娛 樂 性 ， 今 時 今 日 ， 究 竟 是 環 境 改 變 了 ？ 還 是 觀 眾 口 味 不 同 了 ？
懷 念 娛 樂 片 百 花 齊 放 的 日 子 。

嘉 禾 的 新 大 股 東 是 內 地 的 橙 天 娛 樂 ， 嘉 禾 這 本 地 品 牌 會 否 仍 以 香 港 為 基 地 及 依 歸 ， 有 待 觀 察 。

謹 此 向 為 香 港 電 影 工 業 立 下 許 多 汗 馬 功 勞 的 鄒 文 懷 先 生 致 敬 。


(谷德昭)
電郵： foodkok@hotmail.com

圓方 ， 鐵三角

本己決定去看　”鐵三角”，　心血來潮，　
但想試新戲院，　
便決定　到　圓方　走一走

先講戲院，　我去的應該是細院，　
但銀幕是屬於巨大，　我坐”尾二”的行數，
視線仍是平行，　座位間仍有距離，　
我這巨物都是不阻當別人視線，　值得推介
（http://www.thegrandcinema.com.hk/）

電影方面就比較另類，　
由於三個不同導演拍攝
故風格上有所不同，　我整體上是又收貨的，
特別係結局總算收到尾

商場則走高檔路線，
只有兩層的高度
全都是我會睇吾會買的名店
找不個合適的餐廳
連MCDONALDS 都沒有
可能配合住在附近的居民
感覺上只是另一個IFC

希望在戲院減價前再去一次，　否則可以絕跡此地

海葬

請放心, 一切還好

今早看電視新聞時, 原本廣州一年都會有一次集團海葬,
讓後人為先人進行儀式

我倒欣賞這方式

一向喜歡海, 自由自在, 無拘無束

人在母體內都是由水包圍,
到最後一刻, 都應該回歸海

不用死人霸地, 一個小小的靈位可以了

只希望你們會偶爾想念我

V型電磁俠 ~!! 出擊～！

　　　　　　　　　　　　　　　V型電磁俠 ~!! 出擊～！

鄒 文 懷 出 售 嘉 禾

曾 創 造 李小 龍 與 《 忍 者 》 神 話 鄒 文 懷 出 售 嘉 禾


【 本 報 訊 】 一 代 電 影 大 亨 鄒 文 懷 告 別 他 一 手 創 辦 的 電 影 王 國 。他 將 個 人 持 有 的 嘉 禾 娛 樂 全 部 股 權 ， 售 與 內 地 娛 樂 公 司 橙 天 娛 樂 ， 賣 盤 作 價 2.02 億 元 。 鄒 文 懷 同 時 宣 佈 辭 去 嘉 禾 主 席 一 職 ， 女 兒 陳 鄒 重 珩 亦 辭 任執 行 董 事 。 賣 盤 後 ， 父 女 二 人 將 擔 任 公 司 顧 問 三 個 月 作 過 渡 性 安 排 。 橙 天 娛 樂 董 事 長 伍 克 波 將 成 為 嘉 禾 娛 樂 新 任 主 席 兼 執 行 董 事 。

鄒 文 懷 稍後 會 作 交 代

鄒 文 懷 原 持 有 嘉 禾 24.78% 權 益 ，他 出 售 股 權 後 ， 橙 天 將 成 為 嘉 禾 大 股 東 。 不 過 ， 其 他 重 要 股 東 持 股 量 近 乎 不 變 ， 包 括 長 實 主席 李 嘉 誠 、 EMI 集 團 及 EMI Music Asia 主席 鄭 東 漢 ， 以 及 德 祥 主 席 「 殼 王 」 陳 國 強 ， 三 方 仍 分 別 持 10.57% 至 16.78% 嘉 禾 股 權 。 除 伍 克 波 外 ， 現 任橙 天 首 席 財 務 官 兼 副 總 裁 鄒 秀 芳 以 及 電 影 部 總 經 理 王 薇 均 會 入 主 董 事 局 ， 成 為 執 行 董 事 。 現時 持 有 橙 天 20% 股 權 的 日 本 Avex ， 其營 運 總 監 荒 木 隆 司 亦 成 為 非 執 行 董 事 。


嘉 禾 發 言 人 杜 惠 東 昨 表 示 ， 待 嘉 禾 正 式 復 牌 後 ， 鄒 文 懷 將 與 傳 媒 會 面 交 代 事 件 。 多 名 曾 替 嘉 禾 執 導 的 導 演 對 鄒 文 懷 出 售 嘉 禾 股 權 表 示 可 惜 ， 並 大 讚 他 對 本 港 電 影 業 貢獻 良 多 。 張 同 祖 說 ： 「 當 年 大 家 合 作 得 好 開 心 。 」


陳 木 勝 大 讚 鄒 文 懷 是 個 熱 愛 電 影 的 人 ， 他表 示 嘉 禾 轉 換 方 式 延 續 對 電 影 的 支 持 ， 他 仍 是 會 樂 意 繼 續 合 作 ： 「 嘉 禾 家 內 地 戲 院 發 展 成 績 都做 得 好 好 ， 有 目 共 睹 。 」 王 晶 則 說 ， 鄒 文 懷 近 年 已 甚 少 參 與 公 司 管 理 工 作 ， 估 計 他 有 此 決 定也 只 是 把 業 務 交 予 他 人 管 理 。 鄒 文 懷 晉 身 影 業 得 助 於 伯 樂 邵 逸 夫 ， 60 年 代 初 鄒 文 懷 是邵 氏 電 影 的 宣 傳 主 任 ， 後 升 為 製 作 主 任 ， 一 直 是 邵 逸 夫 打 造 邵 氏 王 朝 的 左 右 手 ， 直 至 70 年 代 初 鄒 另 起 爐 灶 ， 創 立 嘉 禾 電 影 。 70 年 代 他 一 手 將 李 小 龍 打 造 成 國 際 巨 星 ， 其 後 又 將 成 龍 帶 進 荷 李 活 ， 寫 下 香 港 電 影叫 好 又 叫 座 的 輝 煌 一 頁 。 至 1989 年 ， 鄒 文 懷 看 中 動 畫 《 忍 者 》 的 武 術 元 素 ，主 動 購 入 《 忍 者 》 真 人 版 電 影 版權 ， 由 本 地 龍 虎 武 師 穿 起 忍 者 戲 服 打 真 功 夫 ，成 功 橫 掃 全 球 票 房 ， 成 為 當 年 全 世 界 第 三 部 最 賣 座 電 影 。


近 年 專 注戲 院 與 發 行


不 過 ， 嘉 禾 近 年 大 幅 減 產 ， 最 近 一 部 投 資 電 影 已 是 03 年 ， 由 梁 朝 偉 、 楊 千 嬅 和 鄭 中 基 主 演 的 賀 歲 片 《 行 運 超 人 》 ， 其 後專 注 電 影 發 行 及 經 營 戲 院 生 意 ， 業 務 遍 佈 深 圳 、 台 灣 及 新 加 坡 。

特 稿 ： 幕後 買 家 是 日 Avex 唱 片

內 地 橙 天 娛 樂 集 團 成 功 收 購 嘉 禾 股 份 ， 據 悉 幕 後 主 腦 其 實 是 實力 雄 厚 的 日 本 唱 片 公 司 Avex ， 原 因 是 Avex 銳意 開 拓 內 地 市 場 。 年 前 Avex 入 股 橙 天 後 ， 橙 天 不 斷 招 兵 買 馬 ， 與 內 地 娛 樂公 司 一 哥 華 誼 兄 弟 競 爭 激 烈 。 今 次 Avex 透 過 橙 天 成 功 收 購 嘉 禾 主席 鄒 文 懷 手 上 的 兩 成 股 份 ， 全 因 看 中 嘉 禾 在 中 港 台 及 星 馬 等 地 的 發 行 網 絡 及 經 營 戲 院 的 經 驗， 為 拓 展 娛 樂 事 業 版 圖 再 添 籌 碼 。 Avex 本 身 擁 有 不 少 日 本 歌 星 ， 包 括 「 步 姐 」 濱 崎 步 、 安 室 奈 美 惠 和 倖 田 來 未 等 ； 橙天 也 簽 有 多 位 中 、 港 演 員 ， 包 括 梁 家 輝 和 陳 曉 東 。 Avex 和 橙 天 更投 資 拍 攝 電 影 ， 近 日 注 資 合 作 的 新 片 就 有 由 吳 宇 森 執 導 ， 梁 朝 偉 、 金 城 武 和 林 志 玲 主 演 、 現時 正 於 北 京 趕 拍 中 的 《 赤 壁 》 。

本 報 記 者

小孩子與責任感

商場可以見人生百態, 今日再遇一例

話說小弟黃昏自由行, 聽見一個約三,四年歲的小孩狂哭
手握住一道可推可掩的門, 不願離開

正常推論, 都是小孩子想買玩具的例子

當我再向前走, 看見他們的父母, 他們卻說

“不用埋啦, 有人會攪啦”
“甘大個商場, 有實Q 嫁　“

我回頭再看，小孩子仍不想走

原本小孩子不小心把一常開的門關了
細小的他想重新推開，奈何他根本沒有力量

爸媽說　：　走吧
男孩說　：　如何是好　

爸媽行動代表一切，　即時走遠　
“他會跟來啦，　不用擔心”

小孩子仍呆站門外，　放聲狂哭

我看在眼中，誰人的錯　？

Taxi Driver (VII)

我諗左一陣　　　　　　　　　：未睇過呀，套戲講什麼呢　？

司機望住我，就話　　　　　　：你自己點解鎖自己入獄呢　？
　　　　　　　　　　　　　　　世界甘大，　無人強逼你，
　　　　　　　　　　　　　　　你自己有手有腳咪自己行番出去囉　！
　　　　　　　　　　　　　　　係度怨天怨地怨自己，無聊　！　

我覺得條友開始發作，為自保　：司機哥哥，你冷靜D先　你好鍾意睇戲呀　？
　　　　　　　　　　　　　　　
司機話 　 ：一條友放假無野做，睇戲囉 , 我以前開左間影視會，後來無 做，closed 左 之後就學人揸車搵食 ,其實我都吾鍾意揸車, 不過邊個可以做份自己真心想做既工 　　　　　　哥仔，　你幾大呀　？　

我　話　　　　　　　　　　　　：二十幾囉

司機話　　　　　　　　　　　　：靓仔，　大把世界等你捱呀
　　　　　　　　　　　　　　　　二十蚊，俾返你，
　　　　　　　　　　　　　　　　有無野都好吾好再搵我啦


車，在我眼前絕塵而去，但我反而一陣溫暖在心頭

我一個人不停向前行，無目的，無方向，　
突然電話響起，　是Joyce

我想了一想，聽都吾想聽，拒絕左，即刻連號碼都 Delete 埋，
手，仍拿住那二十元紙幣
心，真的平靜下來　
　　
　
（taxi driver 第一部完）

一生的投資

經常看有線的財經節目，學習管理財富，　賺多一點，搵多一點
學習投資股票，債券，窩輪，黃金，外匯等等等等

但我們人生最重要的投資其實是－－－我們的兒女

廣告說培養個小孩子需要四佰萬，實際應該不止
還有無窮無盡的精神和愛

回報當然都是一生一世的保障，歡樂與滿足
與家庭的精神

現今沒有太多人有勇氣去承擔，今日你們做到了
真心祝福你們和孩子

希望你們永遠幸福快樂

新裝修

心血來潮轉左個　”look "

舒服晒　！

不過遲下加番d 音樂先　～！

變形金剛 (HD DVD)

如果換左新電視，　就買個 Xbox 360 HD-DVD ROM

再買 HD-DVD

商場一體化

昨日黃昏自由行，　發現Mos burger的新店快在沙田開業
仲有Uniqlo
起初是歡喜，　之後平靜，　再跟來便是悶

如今的商場個個都是一樣的，　
（戲院＋food court +百貨公司＋連鎖店）x當月節日特色=人流
基本上區區都是大地產商倒模出來

花園街（我吾鍾意叫波鞋街）清拆在即
一切都無奈接受
但不要給我一個什麼大型主題運動用品商場
夠了，　真的夠了

x box 360 壞了

機器的損壞和股災一樣，　永遠突如其來

昨晚如常遊玩，　畫面一黑，　心情一黑，
沒有反應了

之後再作出多個拯救動作，　駁線，　拆HD 等等．．
最後宣佈無效．．certified

其實問題不大，　因MIRCOSOFT 提供一換一服務
不過代價係等候一個月，因為．．無貨

吾打機，　仲有大把野可以做
我可以靜心睇埋本哈利波特大結局

最重要係，　我可以有位擺番部 Wii 出黎玩啦～～

你心結

偶然間我們都會有煩惱

工作，　金錢，　家庭，　愛情，　友情，　健康

通通都是問題，　通通都要解決

心病，　還是需要心藥醫

我多數學梁朝偉，　有問題便將所有野收埋

要講就對住個樹洞同棵樹講，　講完，　成個人舒服晒

吾鍾意同人講原因係怕煩

”你明吾明呀”

”明呀，　不過．．．．”

”即係吾明啦，　算啦”

不如俾幾日時間我靜下，　我諗一排安靜下就再出現

我自己識走番出黎

舊朋友的信

　　　　　　　　　　　　　　 （內文與相中人無關）

我的郵箱是死寂的，　可以一星期吾”發市”

一封新電郵都沒有　

朝早如常打開郵箱，　竟然發現老朋友的信　！

本想立即回覆，　奈何整個上午都忙一些小事情

直至午膳時方可暢所欲言

你好嗎　？　

我很好　！

好開心你仲記得我　！

你點呀　？幾好嗎　？

桌球

我直認我對桌球的認識是────零

兒時桌球室對我來說簡直罪惡溫床，　生人勿近

直至中學階段後期正式開始接觸
原本桌球一點都不簡單，由學習拿球棒開始
再成功入洞，　都不是易事

再學看大師級比賽，　實是高手過招
一個小小的失誤，　勝負就在一線間

至今我仍然未學得識，　不過我就喜歡欣賞

我的體型

自從踏入社會工作以來, 體重不斷增加,
由 160 至180 再到 200 磅
股市一樣, 直線上升

幸運場在大碼, 加大 和 加加大的衣服下,
別人總是發現不到

分析原因, 除了飲食速度較快影響消化外
另一原因是不想浪費

無論在家中或是出外用餐,
總有部份食物剩下, 如何是好?
可能我已經很飽, 但想起遠方很多人
連食的機會都沒有

我就諗: 不如食埋啦, 吾好浪費呀

一粒飯, 一塊肉, 一片蛋糕, 都值得珍惜

可能你會說 :
“認幾多錢呀?我俾得起.!!“

任何物品, 除了金錢價值多,
還有實際價值,不可以衡量

願人人珍惜之

哈利波特大結局

哈利波特大結局繁體中文版上星期出版了
我買左，未睇，未有時間睇

第一本係台灣旅行時所買，　因聽過書的名字，
再加上見同團有女孩子都買，　我跟風都要了一本

我自己當偵探小說睇，　故事其實算有趣
總叫人在意料之外

今日經過書店，見一男孩子不停叫媽媽買給她
媽媽卻認為百多元太貴了，不願付款

我想了一會，奈何書留在家中
否則的話，
”哥哥借俾你，　你睇完還返俾我啦”

此話一出，　不知會發生什麼事呢？

《 兄 弟 》----影評兩則

《 兄 弟 》
'
去 看 趙 崇 基 導 演 的 《 兄 弟 》 首 映 ， 戲 院 大 堂 擠 滿 了 粉 絲 ， 因 為 劉 德 華 、 苗 僑 偉 、 湯 鎮 業 、 黃 日 華 和 陳 奕 迅 這 班 兄 弟 。

當 年 的 無 五 虎 ， 少 了 一 個 梁 朝 偉 ， 由 陳 奕 迅 頂 上 ， 整 齣 戲 的 感 覺 ， 依 然 有 當 年 手 足 情 。 只 是 隨 歲 月 的 增 長 ， 當 年 無 的 當 家 小 生 們 ， 稚 氣 盡 去 ， 戲 卻 老 辣 了 。 苗 僑 偉 的 眼 神 時 厲 時 柔 ， 收 放 自 如 ， 戲 都 在 心 了 。 湯 鎮 業 發 福 之 後 ， 身 形 閃 出 來 自 有 一 股 氣 勢 ， 當 年 的 段 譽 ， 不 可 同 時 而 語 了 。 黃 日 華 百 分 之 九 十 的 戲 都 戴 墨 鏡 ， 隔 一 副 黑 超 都 讓 人 覺 得 眼 神 有 戲 。 劉 德 華 讓 出 主 角 位 置 ， 一 片 綠 葉 襯 住 一 齣 戲 ， 戲 戲 外 ， 都 讓 人 覺 得 他 念 舊 的 情 意 。


不 由 想 念 起 無 電 視 的 訓 練 班 來 ， 出 了 多 少 人 才 ， 個 個 都 是 獨 當 一 面 的 虎 將 。 而 今 ， 不 一 樣 了 。 年 青 一 輩 ， 大 概 連 無 訓 練 班 都 沒 有 聽 說 過 ， 但 你 告 訴 他 們 ， 除 了 剛 才 那 幾 位 ， 還 有 周 潤 發 、 梁 朝 偉 、 梁 家 輝 、 周 星 馳 、 劉 青 雲 ─ ─ 他 們 一 定 瞪 大 了 眼 睛 ， 看 見 了 真 正 的 夢 工 廠 。

那 是 多 麼 令 人 懷 念 的 時 代 ， 一 個 《 四 三 ○ 穿 梭 機 》 ， 都 成 巨 星 搖 籃 ， 一 群 毛 頭 小 子 ， 就 像 劉 德 華 說 的 ， 訓 練 班 下 了 課 ， 都 留 在 電 視 台 不 肯 離 去 ， 討 論 演 技 ， 評 說 偶 像 ， 述 理 想 ， 即 使 比 賽 翻 跟 斗 ， 也 認 真 上 心 ， 翻 不 過 人 ， 耿 耿 於 懷 。 二 十 多 年 來 ， 去 蕪 存 菁 ， 留 下 的 精 英 ， 起 了 香 港 影 視 圈 ， 撐 了 二 十 多 年 ， 還 是 他 們 的 天 下 ， 跟 這 股 巨 浪 相 比 ， 後 來 的 ， 都 是 小 浪 花 了 。

《 兄 弟 》 講 的 是 一 個 宿 命 的 主 題 ， 天 意 難 違 。 看 當 年 無 四 虎 精 湛 老 辣 的 演 出 ， 再 看 看 今 日 電 視 台 的 新 面 孔 ， 總 是 缺 了 一 種 精 神 ， 莫 非 也 是 天 意 ？

下載PDA版 我的意見
(李純恩)
電郵： mcwriter@appledaily.com
';

－－－－－－－－－－－－－－－－－－－－－－－－－－－－－－－－－－－－－－－－－－

非 常 熱 戲 ： 《 兄 弟 》 粗 枝 大 葉

五 虎 在 銀 幕 上 的 首 度 合 作 ， 應 該 是 1991 年 由 曾 志 偉 執 導 的 《 五 虎 將 之 決 裂 》 ； 16 年 後 梁 朝 偉 缺 席 ， 由 陳 奕 迅 補 上 。

電 影 從 三 位 主 角 的 孩 提 時 代 說 起 ， 開 場 不 到 10 分 鐘 便 出 現 了 失 實 情 節 ： 幫 會 大 佬 的 兩 個 兒 子 駕 車 橫 衝 直 撞 ， 在 路 面 狹 窄 的 迴 旋 處 繞 圈 。 幼 童 的 駕 駛 技 術 可 不 可 能 如 此 高 超 ？ 姑 且 不 去 深 究 ， 鏡 頭 一 轉 ， 房 車 停 下 ， 一 個 路 人 倒 地 ， 兩 兄 弟 闖 了 大 禍 ─ ─ 小 小 的 迴 旋 處 位 於 寧 靜 的 內 街 ， 光 線 充 足 ， 視 野 沒 遮 沒 擋 ， 房 車 在 原 地 兜 圈 ， 除 非 那 個 路 人 全 心 衝 出 馬 路 自 殺 ， 否 則 肇 事 機 會 近 乎 零 。

不 合 理 的 情 節 陸 續 有 來 。 長 大 後 的 堯 （ 苗 僑 偉 飾 ） 利 用 弟 弟 舜 （ 陳 奕 迅 飾 ） 駕 車 撞 死 仇 人 ， 事 後 安 排 弟 弟 潛 逃 泰 國 ， 並 將 弟 弟 的 下 落 告 知 仇 人 之 子 驅 （ 湯 鎮 業 飾 ） ， 給 觀 眾 製 造 一 個 殘 害 親 弟 的 幌 子 。 及 後 自 圓 其 說 ， 堯 解 釋 不 過 以 弟 弟 為 餌 ， 誘 使 仇 人 之 子 離 開 香 港 ， 調 虎 離 山 ， 好 讓 在 泰 國 容 易 下 殺 手 ─ ─ 理 由 牽 強 堆 砌 ， 堯 可 以 在 香 港 輕 易 幹 掉 仇 人 ， 怎 麼 就 沒 能 力 在 境 內 幹 掉 其 子 ？ 角 色 身 分 與 行 為 不 符 是 《 兄 弟 》 的 一 大 蹩 腳 處 ， 堯 的 角 色 設 定 不 像 陳 浩 南 ， 他 是 龍 頭 大 佬 而 非 小 頭 目 ， 要 剿 滅 敵 人 何 須 親 身 闖 入 槍 林 彈 雨 ？ 派 遣 手 下 將 仇 人 擒 下 ， 由 他 來 親 手 處 決 便 行 了 ， 舜 是 一 張 白 紙 ， 堯 更 不 可 能 押 上 親 弟 的 性 命 作 賭 注 。 結 尾 的 雙 雄 決 鬥 佈 局 同 樣 生 拉 硬 扯 ， 堯 要 拯 救 弟 弟 應 該 到 警 署 自 首 ， 單 獨 約 會 探 員 奎 （ 劉 德 華 飾 ） 出 來 「 講 數 」 作 甚 ？

出 色 的 導 演 能 夠 引 導 演 員 入 戲 ， 這 回 趙 崇 基 似 乎 做 得 不 夠 好 。 苗 僑 偉 的 演 技 一 向 平 平 ， 奇 怪 是 連 劉 德 華 、 陳 奕 迅 也 演 得 極 不 自 然 ， 林 雪 與 張 兆 輝 的 客 串 演 出 毫 無 發 揮 空 間 。


犯 駁 多 ， 劇 情 推 進 生 澀 ， 人 物 欠 缺 血 肉 ， 動 作 場 面 沒 有 新 意 ， 水 準 相 當 低 的 一 部 電 影 ， 值 得 稱 讚 的 似 乎 只 有 宣 傳 海 報 上 的 兄 弟 「 反 面 」 設 計 字 樣 。 趙 崇 基 的 舊 作 以 小 品 為 主 ， 例 如 《 三 個 相 愛 的 少 年 》 及 《 30 分 鐘 戀 愛 》 ， 江 湖 片 的 人 物 架 構 相 對 複 雜 ， 戲 劇 元 素 要 求 剛 柔 並 重 ， 也 許 不 是 每 位 導 演 都 駕 馭 得 來 。

撰 文 ： 阿 童 牧

今年入手目標

　　　　　　　　　　　　　　　　 Eee PC

LG KS20

Taxi Driver VI

“你好，　我女朋友尋晚搭左你車，
話你態度好差，　仲叫我俾番$50 蚊你“

為了出師有名, 我講左一個大話,幸運地, Joyce 聽吾到，否則，死得．．．．

“邊位呀？還＄５０蚊　？”
“我記得啦，差D嘔到我成車都係呀，好呀，幾時俾返番錢我”
“今晚你幾點　ok ?”
“今晚８點，TST 舊碼頭等“

晚上８點，碼頭模擬起一陣鐘聲，
我望向車場，的士車牌“CK ２０４６”果然準時駛近

我立刻走向該的士，準備破口大罵：

該司機未發一話，見其手上有一名牌手錶，及一張＄２０紙幣　

我即罵　 “你個司機，蝦我女朋友”

他淡淡然話“哥仔，　＄２０找俾你女朋友
　我呆了一呆，　無言

“哥仔，你女朋友其實都有D 問題，昨晚實情了發生以下的事．．．．．“

之後，　我聽左另一版本的故事，我諗左陣，

“個女仔都吾我女朋友，　係我同事，　我追緊佢 ja “
“你有無睇過一套戲叫”得閒飲茶“
“What is this ?”

（待續）

詹 瑞 文 遭 封 殺 轟 無 線 霸 道

無 下 月 40 周 年 台 慶 ， 詹 瑞 文 趁 勢 推 出 舞 台 劇 《 萬 千 師 奶 賀 台 慶 》 贈 興 ， 為 宣傳 又 扮 港 姐 又 扮 無 總 經 理 陳 志 雲 ，沒 想 到 竟 辣 無 遭 封 殺 ， 原 定 為無 主 持 的 兒 童 節 目突 然 被 抽 起 ， 官 方 解 釋 原 因 是 他 亮 相 亞 視 接 受 訪 問 ， 但 與 無 並 無 合 約 的 詹 瑞文 認 為 此 解 釋 極 度 荒 謬 ， 炮 轟 無 太 過 霸 道 。

繼 《 萬 世 歌 王 》 後 ， 詹 瑞 文 將 於 下 月 30 日開 始 舉 行 13 場 歌 影 視 三 部 曲 之 二 的 舞 台 劇 新 作 《 萬 千 師 奶 賀 台 慶》 ， 玩 盡 古 今 不 同 電 視 人 物 ， 包 括 阿 姐 汪 明 荃 、 港 姐 和 無 總 經 理 陳 志 雲 等， 藉 搞 鬼 造 型 來 反 映 香 港 過 去 40 年 的 電 視 文 化 ， 而 月 前 詹 瑞 文 更以 一 身 「 師 奶 港 姐 」 造 型 舉 行 記 者 會 ， 身 穿 高 衩 旗 袍 展 露 肉 腿 ， 扮 相 爆 笑 啜 核 。

同 情 歌 手 「 好 多 人 好 似 買 TVB 怕 」

舞 台 劇 《 萬 千 師 奶 賀 台 慶 》 因 反 應 熱 烈 提 前 至 下 月 底 公 演 ， 單 睇 泳 衣 扮 港 姐 宣 傳 的 詹 Sir 已 叫 觀 眾 笑 破 肚 皮 。

與 此 同 時 ， 無 早 於 今 年 6 月 已 斟 詹 瑞 文 合 作 主 持 一 個 全 新 的 兒 童 節 目 ， 原 定 上 星 期 拍 攝 宣 傳 片， 但 詹 瑞 文 臨 時 接 到 通 知 取 消 所 有 演 出 ， 無 方 面 指 因 詹 瑞 文 亮 相 亞 視 ，故 決 定 取 消 合 作 ， 但 詹 瑞 文 認 為 自 己 並 非 無 合 約 藝 員 ， 不 受 合 約 所 限 不能 亮 相 其 他 電 視 台 ， 故 覺 得 這 種 說 法 非 常 荒 謬 ， 深 信 今 次 遭 無 封 殺 ， 其 實 與 《 萬 千 師 奶 賀台 慶 》 有 莫 大 關 連 。 詹 瑞 文 日 前 接 受 本 報 專 訪 時 說 ： 「 電 視 圈 有 好 奇 怪 ， 我 覺 得 TVB 好 霸 道 ， 有 時 工 作 上 接 觸 歌 手 ， 無 論 佢 幾 忙 都 好 ， 做 做 都 要 趕 去 做 《 勁 歌 》 ， 好 多人 好 似 買 TVB 怕 咁 。 《 萬 千 師 奶 賀 台 慶 》 絕 對 唔 係 醜 化 港 姐 、 阿姐 或 者 陳 志 雲 ， 我 《 男 人 之 虎 》 都 扮 過 董 建 華 ， 係 以 嘲 諷 形 式 去 講 一 事 情 。

「 今 年 6 月 TVB 同 我 傾 一 個 兒 童 節 目 叫 做 《 Da Da De De 精 靈 樂 園 》， 希 望 我 劇 團 做 7 集 ， 同 時 負 責 埋 劇 本 ， 雖 然 冇 錢 收 ， 但 因 為 育 小 朋 友 演 話 劇 、 推 廣 話 劇， 所 以 我 應 承 ， 之 後 又 安 排 公 司 同 事 寫 劇本 同 演 出 。 原 本 plan 好 10 月 中 開 始拍 ， 其 間 TVB 同 我 講 ， 叫 我 拍 4 個 一分 鐘 宣 傳 片 ， 點 知 上 星 期 TVB 節 目 統 籌 陳 小 姐 打 電 話 畀 我 助 手 ， 話 暫 時 要 抽 起 同 暫 停 我 TVB 所 有 。 有 日 我 同 電 視 台 一 個 朋 友食 飯 ， 佢 話 我 俾 TVB 列 入 黑 名 單 ， TVB 會將 blacklist 名 單 貼 部 門 告 示 板 上 邊 。

「 ？ 我 做 乜 無 端 端 俾 人 雪 藏 ？有 冇 搞 錯 ？ 我 又 唔 係 簽 畀 佢 ， 做 乜 要 雪 我 先 ？ 做 乜 咁 霸道 ？ TVB 當 日 畀 我 官 方 解 釋 ， 係 亞 視 曾 經 記 者 會 訪 問 詹 瑞 文 ， 個 訪 問後 來 陶 傑 一 個 節 目 播 出 。 我 覺 得 好 荒 謬 ， 以 前 我 都有 上 有 線 ， 完 全 冇 講 國 語 ， 點 解 有 線 出 咁 多 次 冇 話 blacklist ？唔 通 我 幫 豐 拍 廣 告 、 幫 百 佳 配 音 ， 廣告 亞 視 播 又 要 blacklist ？ 搵 都 搵 個 好 原 因 ， 唔 好 咁 荒 謬 。 TVB 畀 我 解 釋 完 全 唔 合 理 ， 我 覺 得 係《 萬 千 師 奶 賀 台 慶 》 呢 件 事 影 響 。 」

唔 恨 合 作 「 扮 陳 志 雲 係 因 為 hit 」

詹 瑞 文 這 個 陳 志 雲 （ 小 圖 ） 扮 相 幾 可 亂 真 ， 極 度 爆 笑 。

詹 瑞 文 越 講 越 ： 「 我 劇 團 係 政 府 資 助 ， 當年 我 扮 董 建 華 時 候 佢 都 未 落 台 ， 唔 通 人 睇 到 之 後 就 cut 我 budget ？ 我 扮 陳 志 雲 係 因 為 佢 呢 期 hit ， 唔 係 嘩 眾 取 寵 ， 我 覺 得 TVB 好 霸 道 ，我 劇 團 宣 傳 唔 使 靠 TVB 。 陳 志 雲 《 志 雲 飯 局 》 都 係 將 藝 人 私隱 呈 現 畀 大 家 睇 ， 你 睇 阿 Lam （ 林 子 祥 ） 拍 走 報 道 ， 問 基 仔 （ 古 巨 基 ） 有冇 禿 頭 ， 呢 個 方 式 同 揭 藝 人 私 隱 雜 誌 有 乜 分 別 ？ 我 唔 恨 上 TVB ， 之 前 陳 志 雲 同 何 麗 全 都 搵 過 我 做 《 有 招 出 招 》 ， 如 果 我 要 TVB 宣 傳 ， 一 早 已 經 上 。 「 作 為 藝 術 工 作 者 ， 言 論 自 由 係 好 重 要 ， 作 為 電 視 台 應 該 更 配 合 藝 術 工 作 者 ， 因 為 大家 都 係 從 事 文 化 事 業 ， 我 最 嬲 係 叫 同 事 籌 備 ， 佢 話 唔 做 就 唔 做 ， 我 會 發 信 無 要 求 一 個 合 理 解 釋 ， 否 則 話 好 可 笑 ， 冇 大 將 之 風 。 既然 TVB 唔 做 （ 兒 童 節 目 ） ， 我 要 傾 番 個 版 權 畀 番 我 。 」 無 外 事 部 助 理 總 監 曾 醒 明 昨 否認 封 殺 詹 瑞 文 ， 他 在 電 話 中 說 ： 「 據 我 所 知 詹 Sir 用 電 視 題 材 做 舞 台 劇 唔 係 第 一 次 ， TVB 點 會 為 呢 件 事唔 高 興 ？ 再 講 ， 詹 Sir 唔 係 TVB 合 約藝 員 ， 佢 係 絕 對 有 亮 相 其 他 傳 媒 權 利 ， TVB 冇 權 干 預 。 至 於 兒 童節 目 合 作 事 件 ， 每 個 監 製 都 有 佢 處 理 權 。 」 此 外 ， 《 萬 千 師奶 賀 台 慶 》 開 賣 首 日 票 房 即 衝 破 《 男 人 之 虎 》 紀 錄 ， 成 績 理 想 。
採 訪 ： 李 珮 洳 攝 影 ： 葉 君 海

情迷木村 (貳)

因為木村的關係，喜愛上了松隆子
死靓仔總會喜愛上玉女，　不變定律吧
我的床邊至今仍然保留住其一張single 既poster

潮流總會消去，慢慢韓劇的興起，
我都覺得是二等貨色，　不願欣賞
如今大家都看美劇了

我記得最後一次認真一次看木村的演出應該是
“２０４６”
當時可以說是雷聲大，雨點小
但套戲其實幾好睇，　不過吾係人人接受

今次知道Hero 有電影版
心態上都係諗BT算啦
估吾到香港有得做，仲有不俗的宣傳配合

我相信會我入場支持，懷念舊夢

情迷木村（壹）

為左迎接　“Hero” 電影版
昨日特意將BT 了很久的“Hero”電視特別篇出來欣賞

感覺良好

時間就像回到９０年代後期，　日劇最強盛的年代

每星期四（或五），　放工第一時間去信和搶購VCD
人家喜歡整套買，　我就喜歡一集一集一出即買，
一集　＄４０，　精美包裝，抵俾錢佢

之後潮流雜誌開始報導同分析造型
我等一班型男即是時狂抄

１．頭髮要長及過耳
　　(不要在拿出我長頭髮的相片，殺無赦）
２．紅黑格子恤衫
3. 卡其色長褲
４　Red Wing 一對
　　(當年搵幾千蚊一個月都可以用千幾蚊買對鞋，真敗家）
５　３．６．９　手錶
　　（用鋼帶CASIO 扮住先）
６　Porter 袋　（工事包型）

一切一切，　都是美好的回憶

Taxi Driver V

今日返到公司，　經已心知不妙
見我的女神 Joyce 黑晒口面，大獲啦　


同埋MSN 上留有幾隻字
”心情不佳，仲有我成個月的假期都FULL 晒，約我下年請早”

”嘩，　駛吾駛呀　？”
我心諗．．．．


見女神吾高興，唯有走埋去度隻gag, 令佢開心下

”我約定下一年同一日同一時同一分同一秒番同一個office , 好吾好？”

Joyce 定一定神，望一望我，　就話：
”John, 你以後吾好出聲好吾好　？”
”仲有，你之前介紹俾我個的士司機好有問題　．．　？”

”好有問題？”
"你幫我找佢算賬啦，你同佢好熟嫁　？”
”吾係，坐過一，兩次車甘啦”
”呢度＄５０蚊，你同我打俾佢，話我俾返佢”
”m............"
”依家打啦．．．．"
”好啦．．

我開左視像模式，希望當面對質，
但影像只是漆黑一片，
卻傳來對話

”我係Andy , 有什麼可以幫到你?”

(待續)

雙 碟 記 ： 梁 漢 文 《 梁 漢 文 集 》 紅 歌 不 紅 人

Disc 1雙 碟 記 ： 梁 漢 文 《 梁 漢 文 集 》 紅 歌 不 紅 人
';
《 雙 碟 記 》 每 周 見 報 一 次 ， 欄 位 相 當 珍 貴 ， 任 何 精 選 碟 也 該 拒 諸 門 外 ， 但 香 港 是 全 球 精 選 碟 和 雜 錦 碟 密 度 最 高 的 巿 場 ， 銷 量 往 往 比 全 新 歌 專 輯 更 高 ， 故 仍 有 談 論 價 值 。 總 結 梁 漢 文 在 金 牌 唱 片 幾 年 成 果 再 加 幾 首 新 歌 的 《 梁 漢 文 集 》 ， 過 往 四 張 專 輯 變 成 簡 潔 的 海 報 ， 穿 上 禮 服 的 梁 漢 文 輕 輕 走 過 ， 套 在 黑 白 作 主 色 的 Hi-end 包 裝 ， 設 計 絕 不 行 貨 。


相 比 封 套 ， 幾 首 新 歌 就 顯 得 平 淡 。 《 自 作 聰 明 》 非 不 動 聽 ， 只 是 相 比 大 堆 出 色 舊 作 ， 驚 喜 欠 奉 ； 《 註 定 》 擺 明 是 梁 漢 文 的 私 人 情 史 ， 已 是 歌 手 結 婚 前 的 例 牌 動 作 ， 他 的 戀 事 從 不 高 調 ， 有 共 鳴 才 怪 ； 《 七 友 》 早 已 入 心 入 肺 ， 《 那 時 候 》 只 是 遲 來 的 國 語 版 ， 沒 有 感 覺 。

較 特 別 的 有 《 行 到 瘦 》 ， 幽 默 地 講 女 友 的 壞 話 ， 有 得 宣 洩 又 免 招 「 殺 身 之 禍 」 ， 「 對 我 始 終 算 好 」 簡 單 六 個 字 包 含 萬 分 無 奈 ， 編 曲 雖 不 及 精 選 部 份 的 《 披 頭 四 》 精 采 ， 但 也 襯 得 起 鬼 馬 的 歌 詞 ， 活 潑 有 趣 。 《 零 時 十 幾 分 》 與 陳 年 舊 作 《 零 時 十 一 分 》 彷 彿 有 關 聯 ， 調 子 相 似 卻 不 相 同 ， 似 新 又 似 舊 ， 背 後 可 能 有 很 獨 特 的 創 作 故 事 。


精 選 部 份 ， 梁 漢 文 在 金 牌 年 代 最 得 意 專 輯 《 10 號 》 佔 了 八 首 ， 由 第 一 身 到 第 三 身 感 情 ， 再 談 音 樂 理 想 ， 音 樂 多 變 得 來 不 走 偏 鋒 ， 絕 對 流 行 ， 事 隔 四 年 重 溫 ， 仍 是 無 懈 可 擊 ； EP 《 03/ 四 季 》 野 心 巨 大 ， 《 新 聞 女 郎 》 將 一 年 大 事 濃 縮 成 4 分 09 秒 的 流 行 曲 ， 推 出 時 反 應 極 端 ， 但 畢 竟 記 錄 了 港 人 慘 痛 的 一 頁 ； 《 Effort & Love 》 回 到 基 本 步 ， 梁 漢 文 式 情 歌 《 找 我 》 已 經 殺 晒 ； 《 The Story of June 》 雖 眼 高 手 低 ， 用 10 首 歌 講 一 個 愛 情 故 事 ， 玩 得 太 大 ， 但 也 有 《 失 魂 落 魄 》 這 首 好 歌 。 《 梁 漢 文 集 》 沒 有 的 公 式 廢 話 感 言 ， 無 從 得 知 他 怎 看 這 幾 年 事 業 ， 然 而 他 幾 年 來 有 佳 作 、 有 野 心 、 有 新 嘗 試 ， 卻 未 能 攀 上 一 線 ， 非 常 可 惜 。 撰 文 ： 皇 后 大 盜

傳統智慧

我發覺自己越來越來老土
腦內的價值觀只適合於十年前

吾記得細個睇什麼書話
一個成功的男人應該有以下幾樣野　

１．壹手　５　號　股票
　（５號　？無人買了，　買個買２６２８啦）

２．一套見得人既西裝
　　（見得人　？一套G2000 個　１K半，馬沙４-5K, 簽卡得啦）

３．一隻勞力士手錶
　　（個款好OUT LAW, 個款吾變，買　IWC 好過啦)

４．一個可以住得下人既樓
　　（買樓　？負資產呀？舊錢炒股票好過啦，廿年息呀，　傻仔）


無論旁人如何說三道四，　我仍然照以上目標前進




　
　

PLAYSTATION 3 的前景

面世一年後，PS3最終難面對現實
減功能同時減價　

４０G HD 價值　＄２６８０　
聖誕將至，　可否擺脫命運？

先將PS3 定位成遊戲機，
一年成績完全不合格
出品的遊戲
論畫面比不上３６０
論遊戲性比不上Wii

震動手製沒有了，　下向兼容PS 1, 2 功能都沒有　
實難以吸引消費者　

如將PS3定位因為影碟機
情況就大大不同
一部blu-ray 影碟機最少３千元以上
再加上upscale function
可把　４８０P DVD 推至１０８０P
我家中近百的DVD 不需成為廢物

＄２６８０，看來不能避免，
但大前題，
係買新電視先　

Penny VS Pippen

Pippen $699



Penny $499


你會點選擇？　我一對都無買．．．．．．

電視習慣

星期一至五的晚上，我多數回家晚膳　

返屋企食最大的好處係可以節省少少
但無奈需要同時欣賞家族情仇電視劇

除左打機，上網，收音機之外，
可否有其他選擇　？

我今日發現了以下　：

7:30 五個半a餐

9:05 行行任篤笑

10:30 斑馬在線

11:35 人之初．性甚麼


亞視節目，BT 有無人放呢　？　

木村與劉華

　　　　　　　　　　 劉華

　

　　

　　　　　　　　　　　木村

１８／１０／０７，　你會點選擇　？

牙 煙

曾 看 過 一 隻 名 字 好 像 叫 《 純 官 能 刺 激 》 的 影 碟 ， 其 中 一 個 環 節 是 拍 攝 一 條 汽 車 內 呔 不 斷 用 機 器 打 氣 ， 內 呔 不 斷 膨 脹 ， 觀 眾 看 畫 面 ， 越 看 越 肉 緊 ， 不 看 還 不 知 道 ， 原 來 內 呔 可 膨 脹 至 一 部 小 房 車 般 大 小 ， 內 呔 越 脹 越 大 ， 直 至 填 滿 整 個 畫 面 ， 由 於 影 碟 上 註 明 需 要 將 音 量 扭 大 ， 觀 眾 看 畫 面 ， 聽 機 器 打 氣 聲 及 橡 膠 膨 脹 的 「 」 聲 ， 牙 關 越 咬 越 緊 ， 拳 頭 不 自 覺 抓 緊 ， 終 於 「 碰 」 一 聲 巨 響 ， 內 呔 爆 個 片 片 碎 ， 碎 片 漫 天 飛 舞 。
看 如 今 香 港 的 股 市 便 像 看 那 不 斷 膨 脹 的 內 呔 ， 明 知 終 有 一 刻 會 爆 ， 但 何 時 爆 ？ 無 從 稽 考 ， 誰 會 想 到 內 呔 可 膨 脹 至 那 麼 巨 大 仍 不 爆 ， 但 當 以 為 既 然 已 脹 至 那 麼 大 ， 應 該 還 有 好 一 大 段 時 間 空 間 可 脹 下 去 ， 剛 放 下 戒 備 之 心 ， 說 時 遲 ， 那 時 快 ， 便 爆 破 了 ， 十 分 之 一 秒 ， 本 來 比 畫 面 更 大 的 內 呔 消 失 了 。
沒 多 久 之 前 ， 每 天 股 市 成 交 過 百 億 已 算 得 上 交 投 暢 旺 ， 今 時 今 日 ， 不 過 千 億 不 夠 勁 兒 ， 上 落 一 千 幾 百 點 只 算 稀 鬆 平 常 ， 股 民 們 已 練 就 鋼 鐵 般 神 經 意 志 ， 在 電 腦 中 將 積 蓄 搬 來 搬 去 ， 時 狂 喜 ， 時 發 呆 。 當 大 家 高 高 興 興 在 數 銀 紙 時 ， 總 會 出 現 一 、 兩 個 像 我 這 樣 的 掃 興 客 ， 不 是 想 阻 大 家 發 財 雅 興 ， 也 不 是 不 想 香 港 成 為 世 界 金 融 中 心 ， 只 不 過 這 條 在 不 斷 打 氣 膨 脹 的 內 呔 感 覺 實 在 牙 煙 ， 若 干 年 前 見 過 它 爆 破 ， 滿 街 滿 巷 盡 是 發 愁 面 孔 ， 場 面 歷 歷 在 目 ， 眼 得 很 ， 不 想 再 見 到 。

(谷德昭)

電郵： foodkok@hotmail.com

肥牛牛布斯

觀音開庫

亞洲股神大讚孫女腳頭好 猶如觀音化身

2007年10月4日 19:14

財經消息<匯港通訊> 亞洲股神恒地(0012)主席李兆基今天出席孫女李晞彤滿月宴前，向傳媒
表示乖孫腳頭好，帶契旗下公司賺來1000多億元。他又透露，有高人曾向他贈言:「孫女製造時，正值觀音出世日子，故孫女獨有慧根，猶如觀音化身，八字相當不俗」。

他又笑言，高人叮囑切忌重男輕女，由於孫女命水好，他日必定順風順水。被問到會否希望多個添兒，李兆基希望「六年抱四」。

貧. 富

通貨膨脹來了

從食物開始, 你早餐的麵包, 你午膳的快餐店, 你家中晚膳的豬肉
都靜靜地加了價

交通工具都申請加價, 鐵路合併後會減價嗎 ?
會, 當然會
一年便加回之前的幅度

即是說你的實際消費力減少了

為了抵抗通脹, 我們可以做以下的事:

1.寄望年尾加人工, 但百分比較通脹高
2.找壹間更好的公司／機構轉工
3.把錢存入定期收取收息　
　（利率比通脹更底）
4.投資投票．．可能成為大戶點心
5.投資基金 ．． 敗在基金經理手不如敗在自己手
6.人壽保險．．等十年的回報，　十年後誰人知　？


貧者越貧，　富者越富
這是最好的時代，　或是最壞的時代

Taxi Driver IV

車, 在路邊急速停下

我 : 對不起, 我得一百蚊ja
司機 : 算啦, 費時你一個女仔出事
我 : 多謝 ..司機 : 睇下穿得甘四正, 全身套裝, 番寫字樓工啦
我 : 係呀 ..
司機 : 我之前都係做寫字樓
我 : 係 ??.
司機 : 番寫字樓幾開心呀
我: 一時時啦, 有時好多野做, 人事問題日日嘈, 都好煩
司機 : 我都好懷念之前番office 的日子
我: 係呀,,,,係呀,,,,,係呀 (心諗, 好煩呀, 但司機 卻不願收口)
司機 : 我儲在一筆錢,開頭諗住買層樓,
點知08之後樓市下滑, 我就走去開影視會, 創一番事業
話說大導演 QT 都係做 影視會出身
我: 影視會?甘攪笑呀 ? 死硬啦！
個個都DOWNOAD la..Video on Demand la., 玩呀 ?阿叔 ~~!
司機 : 你好吋bor..小姐
我: 吾係呀..哈哈
司機 :你到啦, 你住"首都"對面個"京都"
　　　俾錢吾該！一百蚊呀, 有錢人
我: 錢呀.影視會司機
　　吾駛找
司機 :你仲有錢嗎? 小姐?
　　　吾駛找
　　　原本百二,收平你啦


我怒火中下車, 我決定搵死人阿John 報復, 問佢點解介紹個甘既司機 俾我
(待續)

C+ 偵探

"色. 戒"我諗應該大把人睇,

所以我決定走另類路線,睇彭氏兄弟既 "C+ 偵探 "

彭氏兄弟既戲我吾係全部睇晒,

但過去經驗總算是"四四正正"既戲,所以入場支持下

其實以偵探片包裝, 但越睇越似恐怖片

全行得我一個, 不知幾驚

結局都算完整和可以接受
但傳言字幕後有附加結局

我不知真定假, 但加左之後整個故事更加立體

Tim Burton

萬聖節，　

有Tim Burton 監製的《怪誕城之夜》的3D版本
精品你買過，　公仔你見過，　套戲你睇過未　？
今年萬聖節你有機會重新欣賞這１９９３年的好戲
（因３D 關係，本片不設中文字幕）

聖誕節

有Tim Burton 導演　

Sweeney Todd: The Demon Barber of Fleet Street (2007)

舞台劇改編，再加上 專用演員　Johnny Depp, Helena Bonham Carter

今次會講．．．．．．？？

迷你扭旦機

最吹漲，真係有旦出．．．．．

光影縱行﹕八月十五的沙田

2007年9月30日【明報專訊】


月前讀《明報》方知道「中環價值」以外，還有所謂的「沙田價值」。我這滿腳泥濘的沙田友，從屋?幼稚園讀到馬料水大學，從瀝源?住到第一城，如今在中環營營役役，才發現起居作息的地方，竟可如此煞有介事。沙田是不是如想像中那麼井然有序，一切都如刻意營造的《小時候》般天真無邪？可能有人不知道沙田的球場也有小流氓，食完 lunch返學校一樣會被童黨「逗錢」， 這些情節不是《古惑仔》系列的專利，也不是昔日藍田慈雲山的特產，每個新市鎮、每條新屋?，其實one way or the other都曾遇上類似的景。

一腳泥濘變身中環英雄


如果嫌在下囉嗦，不如找陳果導演的《香港製造》翻煲一下，自會明白中秋和阿屏的故事，不只是百分百香港製造，更是無添加的沙田寫真。


中秋的家，座落在不見天日的無盡長廊，由門口到騎樓，一旁可以劃成3間房的典型公屋格局。那時自家也在瀝源?，家裏到處都是人，碌架對面還是碌架，上格上還有吊桶櫃，說起來中秋的家好像還寬敞一點。有幸或不幸發配新市鎮的年輕人，他的未來就如《無間道》的韓琛在萬佛寺前所講一樣，「前面條路點樣行，就靠你自己點揀」。沙田友好彩可以從一腳泥濘而變身所謂的中環英雄，也得靠自己努力爭取，不能take it for granted。


有人說沙田沒有混雜，那就到娛樂城走一趟，桌球室機舖戲院夠混雜未？坐落中學和健康院中間夠混帳未？不過都不打緊，後來有了新城市，後來無人到戲院，後來屋?也老化了，龍蛇混雜也褪色了。昔日的戲院也變成禮拜堂，默默遠眺《賭神》高進中伏之後，跌跌撞撞地昏在娛樂城的入口。


也有論說沙田沒有一寸多餘的空間，每寸土地都被制度化地規劃出來。不錯填海而成的新市鎮有點像非洲大陸，可以讓殖民者隨心所欲用直線來劃分疆界。但是沙田還有不少多餘的空間，它在空中，在天上。那時沒有「八萬五」，沒有很多人聽過「地積比」，於是才會有中秋家(瀝源?第五座向河的一邊)那超級無敵180度的河景。私人的記憶裏，也是無盡的天空。有一回在考試，悶得百無聊賴，遙望遠方的針山在出神，忽然納悶學校天台上的米字旗怎麼下降了一半，原來是尤德離開了。殖民年代的空間，好像比現在還多一點，那時的天空，也總是比較藍。


無病呻吟了這麼久，只是在思索那一切什麼「價值」，會不會只是一場八月十五的美麗誤會。而《香港製造》的故事，反而透過逝者的flashback，在光影中還迴盪得真切一點。


文﹕奇夫

Taxi Driver III

國慶前夜，我一個人在街頭賣醉，
色迷迷的眼光不停在我身上打量　
夠了，　我想回家了　

的士呢 ?的士呢　？

想起幾天前公司那個無用的觀音兵 John
他跟我說：俾張call 的士既咭片你，
條友幾風趣嫁“

我至憎人懶好笑，個個港男都鍾意度D爛GAG,
吾似上海口個批正經好多，　有國際視野

不過無計，無車，我只想回家，我CALL 佢
回覆　：十五分鍾後到　

時間到，　一輛的士在我眼前出現
我急步上車,　司機的身型尚算高大
行車証的樣貌不大清楚，　
架上一副粗膠眼鏡，樣子不大朋善

　
司機第一句　：　拿住，拿住個膠袋，　我怕你嘔
我　　　　　：　吾駛啦
司機第二句　：　快D啦，　我怕部的士出事，
　　　　　　　　人出錢，　你出命
我　　　　　：　國慶　MA..，出去玩LAW
司機第三句　：　國慶有何特別　？我只認識英女皇壽辰
我　　　　　：　英女皇壽辰？
司機第四句　：　一日假期而已．．
我　　　　　：　放假前夕緊係出去玩啦　
司機第五句　：　玩命呀．．
我　　　　　：　司機，停車，停車．．我．．．

（待續）

御宅族與商機

昨晚有線的財經節目Money café 談及　御宅族與商機，　
即是如何賺他們的錢，　一個巨大的消費市場
節目當然沒有結論，主因在於三個主持人對　
”御宅族”有不同的見解

大部份人對“御宅族”的評語比較負面：

不重外表、沒女性緣、不敢與女性交談、對電腦在行、對次文化在行、會收集各式各樣的模型。但不重外表、沒女性緣、不敢與女性交談等卻並非御宅族必然具備的特質。

我認為這只是部份電影電視製造出來的形象

御宅族的問題只是外表，　不懂表達內在的自己
他們只是有個人獨特的興趣，和研究得比其他人深入而已
要賺他們的錢，　長尾理論可能最合適

我反而尊重他們，因他們找到自己，自己的興趣
有很多人，不論男，女，
都會說：很悶呀，　放假沒事做，
便睿：我的嗜好是－－－－睡覺
噢！！人生多可悲
世上有千千萬萬有趣的事，　你選擇什麼都不作，　
走去睡覺，這真是大浪費，　還有更多更多的樂事等你呢

你可能覺得我這種閒來無事行旺角，
終日在互聯網遊歷的人是”御宅族”
我不介意，這是我的選擇　，這是我的清費模式

電腦壞了

家中的電腦再不幸倒下
今次的問題比較嚴重
似乎是底板或電源供應出現問題

維修了好幾次, 放棄了
自己傾向買入一部新的廠機算了
不想花時間去研究

但仍有幾個問題需要解決
買Desktop 定　Notebook 好　？
（應該會是Desktop，因我是BT常客）

要吾要個MONITOR ?
(我想要大D, 不過我現在個MONITOR綜合
TVB, ATV, CABLE TV , NOW TV , DVD, PS2, XBOX 360
七大功能一身，都係吾換啦）

舊零件點算　?
(可以安裝至家人的電腦，不做成浪費)　

舊HD點算　?
(一條USD線便可由舊資料搬至新HD，　
如果人腦都有USD線，　人生多美好）


解決以上問題，星期六出發，
最好有現貨　，不用送貨
我自己攪得，　儘快可以用

頭痛之後

頭痛之後


忍痛幾天之後，終於去看醫生

審問之後，　原本是某些部位拉傷了
只是連續游泳加射波而已
竟落得如此境地　？

我自視過高了，是時候對自己的身體重新評估　

沈默的藝術

由細到大認為廣東語言文化好神奇，　
以自己的小聰明, 好鍾意食“字”，　
所以故錯亂講野
特別係一D 吾適合既場合

我試過人參加暑假屋村集團遊戲
主持人話：
“不如來個熱身遊戲先啦”
我即話　：
：天氣甘熱，吾駛熱身啦，成個人熱晒啦“
全場即刻靜晒
我阿媽嬲到火都黎．．．．

這種性格完全無變　，　
直到有一日我同一個男性同學一齊放學
我 non-stop 甘不停講野
佢忍吾住啦，　
佢話　：你好煩，　可吾可以吾講野靜下
我之後好驚，　幾日都吾敢同佢傾計
之後先知佢屋企發生左D問題，　心情好煩

個次之後，　就開始學習寧靜，
同人溝通，同埋觀察一個人
可以從佢既言行舉止去睇去諗，
人人都有D野想收埋

其實講野同出劍術一樣
可以不停出招，　十招總有一招中，
但虛招太多可能輸得更多
高手的招數多是例不虛發
一出手便擊中要害

我身邊有高手，　同時亦有死士
看見身邊的人，偶然會想起過去（現在）的自己

Taxi Driver II

我 : 你做會計 ?

司機 : 有什麼問題 ?

我 :問下ja..

司機 : 你都知啦

　　　十年前百業興旺, 股票日日提升, 加埋08奧運, 我就梗係瞓身博下啦．．．

　　　之後 08,09年發生既事, 吾駛講啦

我 :我都明, 你住邊呢 ?

司機 : 我住沙田”希治閣”

我 :司機 , 你都幾好笑bor...

司機 超..... 畏..到啦

我 :你到底點解頁要揸的士 ?

司機 :7條呀, 俾錢啦

我再望一 望佢的行車証 ,就問
　　: 有無咭片呀 ?

司機 : 等等

為左知道佢的身份之謎, 我決定有機會再call 佢
睇佢的行車証, 我就知道佢姓－－－－ "劉 "



（待續）

中秋節

話甘快, 8月15. 我無特別感覺

小學階段,最愛此節日,
因為可以夜晚出街去玩預備
一大盒蠟燭,月餅盒, 1.25公升清水兩枝-----------煲蠟去
苦心經營個多小時, 只為一刻快感, 和我的火比你大
危險是問題, 但垃圾是更大的問題


中學階段,仍愛此節日,
因為可以夜晚出街去玩
一大班人BBQ去
目的是想第一次通頂, 放縱一次
試過為通頂而通頂, 在街上無聊床遊蕩

工作之後 玩的心情 越來越少
只想回家了最開
心是可以提早下班, 4點可以在辦公時間散一散心

各方友好，中秋節快樂

再談“ 出埃及記 ”與理解能力 （有出埃及記， 每當變幻時內容）(續）

先不談　“出埃及記”　是否好電影，　
想　談論一下現在香港電影觀眾的理解能力／是否願意是理解能力

看電影除了票價外，　還需要付出一個小時以上的時間
是否應作資料搜集，　再決定是否適合入場　？
你到餐廳用膳前，　都會留意門前的餐牌，　再決定是否適合入內　？

由導演上套作品（或再前的作品），　已見其改變風格，
很多意念都由鏡頭，畫面取代直接講出，例如

影片第一個鏡頭已是英女皇的眼睛
任達華家中看新聞報導時是關於BT 上/下載電影
詹瑞文的角色其實出現多次，最後一次出現是想除去結婚戒指
任達華與溫碧霞唱K除了小城大事的歌詞外,
我認為就是殺害的場面

戲, 可能拍得不好看, 但這些場面是否需要有心去看 ?
不明白，就是爛，我們是否應該用腦去思考一下導劇情？

今天閱讀新聞組，
有人問　“　每當變幻時我唔明間野點解叫MISS？”
一開場已有講，　不明可查字典，　可自己領悟
是真的不明，　還是連用腦的機會都放棄　？

再談“ 出埃及記 ”與理解能力 （有出埃及記， 每當變幻時內容）

先不談　“出埃及記”　是否好電影，　
想　談論一下現在香港電影觀眾的理解能力／是否願意是理解能力

看電影除了票價外，　還需要付出一個小時以上的時間
是否應作資料搜集，　再決定是否適合入場　？
你到餐廳用膳前，　都會留意門前的餐牌，　再決定是否適合入內　？


(明天續）

頭痛

今次真係頭痛,
個頭不斷懚懚作痛

情況就好似可西遊記中孫悟空戴上金剛圈一樣
塵世間最傷的痛莫過於此

點解會頭痛 ?
太累?
晒親 ?
傷風 ?
頸痛 ?
頭風 ?
枕頭高左　？
眼鏡度數吾同　？
心理作用？
其他原因？


我諗都係睇醫生先算

Taxi Driver

夜, 晚上11:30..

我揮手, 的士慢慢駛過來
我拖住勞累的身軀上車

我話: 　　司機, 清水灣, 日出康城, 吾該

司機: 　　好呀, 哥仔, 清水灣, 好住嗎 ?

我 :　　　幾好！（心諗，　關你什麼事）

司機:　　十幾年前，清水灣無地鐵，本來你住個度叫“夢幻之城”　
　　　　　後尾叫做　“日出康城”，　９吾搭８　，　

我 : 　　係呀．．

司機　:　　之後D屋苑名仲勁
　　　　　深水灣有個叫理想園，　上水新地盤係人間樂苑，　沙田有個叫巴黎之心
　　　　　大埔最勁，　叫“　天堂軒”　
　　　　　死鬼左呀　去天堂　

我　 : 　　名　ja…甘緊張．．．

司機:　　　我地細個係叫X X 村，　X X 苑，　X X 大廈
　　　　　點會又改甘既名

我　 : 　　名ja…甘認真　（輕佻地．．．

司機　:　　靓仔．．係咪吾妥先

我　 : 　　　吾係

司機　:　　我係甘既啦，　係鍾意嘈
　　　　　你睇過Taxi Driver未

我　 : 　　未，　有無攪錯

司機　:　　實不相瞞　，　我本身係做會計既．．

我　 : 　　　下

（待續）

剃 眼 眉

遭 三 煞 挾上 車 毆 暈 　 紋 龍 漢 被 剃 眼 眉 僅 失 300 元 　 警 懷 疑 有 別 情


【 本 報 訊 】 廣 東 俗 語 「 明 剃 眼 眉 」 解 作 「 落 人 面 」 ， 深 水 昨 晨 發 生 罕 見 剃眼 眉 劫 案 。 體 重 逾 200 磅 背 有 龍 紋 身 胖 漢， 聲 稱 在 街 頭 遭 三 匪 挾 上 私 家 車 毆 暈 洗 劫 ， 兩 個 多 小 時 後 ， 他 醒 來 發 現 被 棄 在 石 硤 尾 龍 翔 道山 邊 ， 除 損 失 300 元 ， 失 物 更 包 括 一 對 眼 眉 ， 已 被 匪 徒 剃 去 。 事主 對 警 員 表 示 並 無 結 怨 ， 警 方 不 排 除 另 有 別 情 ， 正 追 查 剃 眉 動 機 。 　 記 者 ： 潘 志 能 　 黎 家 駒


遭 剃 眼 眉 事 主 姓 朱 （ 25 歲 ） ， 現 場 消 息稱 ， 穿 T 恤 、 牛 仔 褲 及人 字 拖 的 事 主 ， 遇 劫 後 坐 在 路 邊 ， 等 候 警 員 救 援 ， 表 現 鎮 定 且 悠 閒 。 當 他 得 悉 記 者 到 場 採 訪拍 照 ， 才 慌 張 地 掀 起 上 衣 遮 掩 容 貌 ， 露 出 背 部 龍 紋 身 ， 一 邊 喝 止 ： 「 喂 ， 唔 好 影 面 呀 ！ 」

迷 糊 間 遭人 搜 身

據 事 主 向 警 方 表 示 ， 昨 凌 晨 1 時 半， 他 在 深 水 一 間 食 肆 吃 消 夜後 ， 獨 自 在 欽 州 街 與 長 沙 灣 道 交 界 候 車 ， 突 然 有 一 輛 黑 色 私 家 車 駛 近 身 邊 ， 並 有 三 名 年 約 30 歲 及 黑 衫 惡 漢 跳 下 車， 分 別 向 他 箍 頸 圍 毆 。 他 拚 命 掙 扎 無 效 ， 被 挾 上 私 家 車 打 至 暈 倒 ， 在 迷 糊 間 ， 他 感 到 遭 人 搜身 。


兩 個 半 小 時 後 ， 事 主 蘇 醒 過 來 ， 發 現 被 人 棄 在 石 硤 尾 龍 翔 道 觀 景 台 入 口 ， 損 失 身 上 300 元 現 金 ， 但 他 的 腰 包 及 手 機 則 無 被 搶 去 。 事 主 沒 有明 顯 傷 痕 ， 僅 胸 口 不 適 ， 惟 摸 到 臉 上 一 對 眼 眉 不 翼 而 飛 ， 相 信 已 被 匪 徒 剃 去 ， 於 是 報 警 求 助。 警 方 趕 到 現 場 搜 捕 無 果 ， 將 傷 者 送 院 ， 並 追 查 他 被 剃 眉 的 動 機 。 對 於 事 主 被 人 剃 眼 眉 ， 城 市 大 學 應 用 社 會 科 學 系 犯 罪 學 課 程 主 任 黃 成 榮 認 為 該 班 匪 徒志 不 在 錢 ， 加 上 事 主 沒 有 嚴 重 受 創 ， 應 與 個 人 恩 怨 無 關 ， 相 信 是 針 對 其 背 景 或 有 關 人 士 ， 以剃 眼 眉 作 警 告 ， 迫 使 「 話 事 人 」 出 來 談 判 和 解 決 紛 爭 。 倘 純 屬 私 人 尋 仇 ， 匪 徒 可 能 毋 須 留 活口 。 他 估 計 可 能 是 兩 個 組 織 之 爭 ， 事 主 本 身 在 所 屬 組 織 頗 有 地 位 ， 故 成 為 匪 徒 襲 擊 目 標 ，之 後 或 有 更 多 鬥 爭 。 至 於 事 主 失 去 300 元 ， 應 是 匪 徒 順 手 牽 羊 。


過 去 也 曾 發 生 剃 眉 暴 力 事 件 ， 包 括 當 年 活 躍 於 電 影 圈 和 廣 播 界 的 胡 大 為 ， 疑 在 電 台 節目 中 說 錯 話 ， 於 86 年 12 月 6 日 在 九 龍 塘 廣 播 道 一 號 對 開 ， 遭 五 名 兇 徒 圍 毆 及 剃 去 左 邊 部 份 眼 眉 訓 。


剃 眼 眉 劫案 示 意 圖

1 ） 事 主 報 稱 在 深 水 欽 州 街 遭 三 匪 從 私 家 車 跳 下 箍 頸 拳 毆

2 ） 雙 拳 難 敵 六 手 ， 事 主 反 抗 無 效 ， 被 匪 徒 挾 上 私 家 車 打 至 暈 倒

3 ） 匪 徒 趁 事 主 暈 倒 期 間 ， 用 剃 刀 剃 去 他 的 一 對 眼 眉

4 ） 匪 徒 將 事 主 載 至 石 硤 尾 龍 翔 道 觀 景 台 外 ， 將 他 棄 於 路 邊 ， 駕 車 逃 去


特 稿 六 至 九 個 月 長 出 新 眉 毛


所 謂 眉 清 目 秀 ， 一 雙 美 眉 除 有 助 儀 容 秀 麗 ， 更可 阻 隔 汗 水 直 接 流 入 眼 內 ， 保 護 眼 睛 。 不 過 ， 眉 毛 數 目 及 眉 形 因 人 而 異 ， 由 數 百 條 至 逾 千 條不 等 。 如 果 一 雙 眼 眉 被 剃 去 ， 整 形 外 科 專 科 醫 生 金 永 強 指 出 ， 一 般 要 六 至 九 個 月 才 有 「 眉 目」 ， 卻 不 一 定 能 長 出 新 眉 毛 ， 視 乎 個 人 狀 況 。 倘 先 天 性 眉 毛 毛 囊 發 育 不 良 ， 或 外 傷 引 致 毛 囊壞 死 ， 都 無 法 再 長 出 眉 毛 。 他 建 議 事 主 可 以 畫 眉 紋 眉 作 即 時 補 救 ， 或 塗 搽 生 髮 水 幫 助 刺 激 毛 囊 ； 甚 至 進 行 植 眉 手術 ， 局 部 麻 醉 把 頭 髮 毛 囊 移 植 至 眼 眉 。 如 要 求 濃 密 效 果 ， 則 可 能 要 接 受 超 過 一 次 手 術 ， 並 要觀 察 三 至 四 個 月 才 算 穩 定 。 金 永 強 稱 ， 由 於 手 術 精 細 ， 費 用 頗 為 昂 貴 約 3 至 5 萬 元 。



眉 主 權 力名 譽


堪 輿 學 家 李 丞 責 則 稱 ， 眉 毛 在 相 學 主 宰 人 際 關 係 、 權 力 及 名 譽， 一 旦 眉 有 斷 節 或 脫 落 ， 可 能 會 影 響 名 聲 及 失 去 威 勢 ， 尤 其 中 國 古 代 男 性 重 權 力 地 位 ， 眼 眉 對 男 性 也較 女 性 重 要 ， 可 以 畫 眉 暫 時 補 救 。 他 舉 例 說 ： 「 較 早 前 洪 朝 豐 （ 前 藝 人 ） 自 己 剃 眉 ， 就 係 唔要 威 ， 唔 要 權 表 現 ， 誠 心 幫 去 世 母 親 祈 福 ！ 」 本 報 記 者

香港文化的沒落

這題目定了久, 一直不知如何下筆
唯有簡單寫下重點

香港電影誰還會看 ?
入場無人肯,
影視店門外播卻聚集萬人
$50一個機會, 真不願意付出 ?

我們常說香港電影沒落, 其實不止電影,
有幾多人還會看香港薄裝漫畫 ?
漫畫節早已變成夏日百貨公司
天下是漫畫還是水墨畫集
最地道可能還是陳浩南

香港足球同樣一池死水,
上年的小陽春算什麼 ?
有幾多人還會入場支持 ?

賽馬活動曾經是香港特色之一
你問你的爸爸與朋輩, 誰不參與 ?
馬會一個足球博彩把自己推倒
現在竟變成貴族兒童可以入場 ?貧民呢 ?

這些香港曾為傲的東西, 如今都由其他國家的文化取代
香港其實還有幾多自己……